ទីក្រុងប៊ែរឡាំង ៖ ស្ត្រីជនជាតិអាឡឺម៉ង់ម្នាក់ មានកូន៦នាក់ ត្រូវបានតុលាការ ចោទប្រកាន់ពីបទសម្លា.ប់កូនខ្លួនឯង ចំនួន៥នាក់ ក្នុងចំណោមកូនទាំង៦នាក់ ដោយដាក់ថ្នាំងងុយដេកកម្រិតខ្ពស់ ក្នុងទឹកដោះគោឲ្យពួកគេផឹកនាពេលព្រឹក…
ទីក្រុងប៊ែរឡាំង ៖ ស្ត្រីជនជាតិអាឡឺម៉ង់ម្នាក់ មានកូន៦នាក់ ត្រូវបានតុលាការ ចោទប្រកាន់ពីបទសម្លា.ប់កូនខ្លួនឯង ចំនួន៥នាក់ ក្នុងចំណោមកូនទាំង៦នាក់ ដោយដាក់ថ្នាំងងុយដេកកម្រិតខ្ពស់ ក្នុងទឹកដោះគោឲ្យពួកគេផឹកនាពេលព្រឹក រួចយកទៅជ្រមុជក្នុងអាងងូតទឹក ក្រោយពីមានជម្លោះជាមួយអតីតស្វាមីទី៣ របស់នាង នេះបើយោងតាមសារព័ត៌មាន dailymail ។
នាង Christiane K. អាយុ ២៨ឆ្នាំ ត្រូវបានប៉ូលិសនាំខ្លួន មកជំនុំជម្រះ នៅឯតុលាការទីក្រុង Wuppertal កាលពីថ្ងៃទី១៤ មិថុនា ដោយចោទប្រកាន់ពីបទធ្វើឃាតកូនបង្កើតចំនួន៥នាក់ ដែលមានអាយុចន្លោះពី១ ឆ្នាំទៅ៨ឆ្នាំ ក្នុងទីក្រុង Solingen ប្រទេសអាល្លឺម៉ង់ កាលពីខែកញ្ញា ឆ្នាំមុន ។
ព្រះរាជអាជ្ញា ធ្វើការចោទប្រកាន់នាង Christiane ថាបានផ្តល់អាហារពេលព្រឹកដល់កូនៗ ហើយបានដាក់ថ្នាំងងុយដេក ចំនួន៣កញ្ចប់ក្នុងទឹកដោះគោឲ្យពួកគេផឹក ដូច្នេះពួកគេស្ថិតក្នុងស្ថានភាពមិនល្អប្រសើរទេ ។ បន្ទាប់មក ម្តាយបានយកកុមារៗទាំងនោះ ទៅបន្ទប់ទឹកម្នាក់ម្តងៗ ហើយជ្រមុជទឹក ឬពន្លិចពួកគេ នៅក្នុងអាងងូតទឹក ។ ហេតុផលដែលនាងបានសម្លា.ប់កូនតូចៗ ដោយសារតែអតីតស្វាមីទី៣របស់នាង បានរកឃើញគូស្នេហ៍ថ្មី ។
ស្ត្រីជាម្តាយ មានកូន៦នាក់រូបនេះ ប្រឈមនឹងការកាត់ទោសប្រហារជីវិត ប្រសិនបើតុលាការរកឃើញថា មានពិរុទ្ធភាព ពីបទឃាតកម្មនោះមែន ប៉ុន្តែស្ត្រីជាប់ចោទ បានបដិសេធថា មិនមែនរូបនាងទេ កូនទាំង៥នាក់ មានជនពាក់ម៉ាស់មុខម្នាក់ ចូលទៅសម្លា.ប់ ។
សាកសពកូនស្រី ៣នាក់ មានឈ្មោះ Melina អាយុ១ឆ្នាំ, ឈ្មោះ Leonie អាយុ២ឆ្នាំ និងឈ្មោះ Sophie អាយុ៣ឆ្នាំ និងសាកសពកូនប្រុស ២នាក់ ដែលមានឈ្មោះ Timo អាយុ៦ឆ្នាំ និង Luca អាយុ៨ឆ្នាំ ត្រូវបានប៉ូលិសរកឃើញ នៅក្នុងផ្ទះល្វែងមួយ នៅ North Rhine-Westphalia កាលពីថ្ងៃទី៣ ខែកញ្ញា ឆ្នាំ២០២០ ។ ប៉ូលិសប្រទះឃើញសពរបស់កុមារ ដេកនៅលើគ្រែ ដោយម្នាក់ៗ រុំនឹងកន្សែង ។
ព្រះរាជអាជ្ញា ជឿជាក់ថា ម្តាយលាយថ្នាំចូលក្នុងភេសជ្ជៈ ពេលព្រឹករបស់កុមារ ដើម្បីធ្វើឲ្យពួកគេងងុយដេក មុនពេលនាងសម្លា.ប់ពួកគេនៅក្នុងអាងងូតទឹក ។ បន្ទាប់ពីសម្លា.ប់កូនៗរួច នាងបានប៉ុនប៉ងធ្វើអត្តឃាត ដោយលោតចូលពីមុខរថភ្លើង នៅស្ថានីយ៍រថភ្លើង Duesseldorf ។ ក្រុមមន្ត្រីស៊ើបអង្កេត បាននិយាយនាពេលនោះថា នាងបានរងរបួសធ្ងន់ធ្ងរ ប៉ុន្តែមិនមានគ្រោះថ្នាក់ដល់ជីវិតទេ ។
ការធ្វើកោសល្យវិច័យ លើសពកុមារ ក្នុងចន្លោះពី១ឆ្នាំ ទៅ៨ឆ្នាំ បានបង្ហាញសញ្ញា នៃការថប់ដង្ហើម និងមិនមានសញ្ញា នៃអំពើហិង្សាលើរាងកាយទេ ។
កូនទី៦ របស់នាង ឈ្មោះ Marcel អាយុ១១ឆ្នាំ បានរួចផុតពីសេចក្តីស្លាប់ ដោយសារបានចាកចេញទៅសាលារៀនដូចធម្មតា នៅព្រឹកថ្ងៃព្រហស្បតិ៍ មុនពេលកើតហេតុ ។
នាង Christiane នៅតែបដិសេធដដែលៗថា មិនមែនរូបនាងទេ គឺមានបុរសពាក់ម៉ាស់មុខ បានចូលផ្ទះនាង ហើយសម្លាប់កុមារតូចៗ ។
ព្រះរាជអាជ្ញា និយាយថា យោងតាមរបាយការណ៍របស់ក្រុមអ្នកស៊ើបអង្កេត មិនបានរកឃើញភស្តុតាងណាមួយ ដើម្បីផ្តល់ជាសក្ខីកម្ម គាំទ្រការអះអាងរបស់នាងនោះទេ ។
មូលហេតុ នៃការសម្លាប់នេះ គឺមិនទាន់ច្បាស់នៅឡើយទេ ត្រូវលើកពេលជំនុំជម្រះទោស ប៉ុន្តែព្រះរាជអាជ្ញាលោក Heribert Kaune-Gebhardt រក្សាការចោទប្រកាន់ដដែល ពីបទ “ឃាតកម្មដ៏សាហាវលើកុមារ” ដោយយោងហេតុផលថា ជនសង្ស័យមានទំនាស់ជាមួយប្តីទី៣របស់នាង ដែលមិនទាន់បែកគ្នា អំពីស្រីថ្មីរបស់គាត់ ។
បុរសដែលជាប្តីទី៣ របស់នាង Christiane គឺជាឪពុករបស់កូនក្រោយ ចំនួន៤នាក់ ក្នុងចំណោមកូនទាំង ៦នាក់ ។
កាលពីឆ្នាំមុន ប៉ូលីសអាឡឺម៉ង់ បានឃាត់ខ្លួននាង Christiane ក្រោយពីទទួលដំណឹងពីជីដូន បានប្រាប់ពីជោគវាសនារបស់ចៅៗ ដោយផ្ទាល់ ។
មន្ត្រីប៉ូលិសជាអ្នកនាំពាក្យ បាននិយាយថា “កម្លាំងប៉ូលិស ត្រូវបានគេជូនដំណឹង មុនម៉ោង២រសៀល នាថ្ងៃកើតហេតុថា កុមារ៥នាក់ បានស្លាប់ហើយ ។ នៅពេលកម្លាំងប៉ូលិស ទៅដល់កន្លែងកើតហេតុ ស្ត្រីសង្ស័យជាម្តាយមិននៅផ្ទះទេ ។ ក្រុមអ្នកជួយសង្គ្រោះ បានព្យាយាមជួយសង្គ្រោះកុមារ ប៉ុន្តែបានមកដល់យឺតពេលទៅហើយ ដើម្បីជួយសង្គ្រោះជីវិតពួកគេ ។
ប៉ូលីសទីក្រុង Wuppertal បាននិយាយថា ជីដូនរបស់កុមារ ដែលរស់នៅក្នុងទីក្រុងមួយផ្សេងទៀត បានជូនដំណឹងទៅអាជ្ញាធរភ្លាមៗ អំពីករណីឃាតកម្មដែលអាចកើតមាន មុនម៉ោង២រសៀល ថ្ងៃព្រហស្បតិ៍ ថ្ងៃទី៣ ខែកញ្ញា ឆ្នាំ២០២០ ។ កម្លាំងប៉ូលិស បានមកដល់ផ្ទះក្រុមគ្រួសារនៅទីក្រុង Solingen ក្នុងរយៈពេលប៉ុន្មាននាទី បានបង្ខំចិត្តទម្លុះទ្វារ ហើយក៏ប្រទះឃើញ ស.ពក្មេងស្រី ៣នាក់ និងស.ពក្មេងប្រុស២នាក់ បានស្លា.ប់នៅលើគ្រែរបស់ពួកគេ ។
ប្រធានក្រុមអ្នកស៊ើបអង្កេត បាននិយាយថា កូនប្រុសអាយុ១១ឆ្នាំ ត្រូវម្តាយប្រាប់ថា ពេលចេញពីសាលារៀន អោយទៅជួបជីដូនរបស់គាត់ មុនពេលនាង Christiane ធ្វើដំណើរទៅស្ថានីយ៍រថភ្លើង Duesseldorf ដើម្បីធ្វើអត្តឃាតលោតចូលពីមុខរថភ្លើង ប៉ុន្តែមិនបានសម្រេចនោះទេ ក្រោយពីរងរបួស ក៏ត្រូវប៉ូលិសឃាត់ខ្លួន ។
អ្នកស៊ើបអង្កេត បាននិយាយទៀតថា ស្ត្រីសង្ស័យបានផ្ញើសារទៅម្តាយរបស់នាង ដោយប្រាប់ថា នាងមិនអាចរស់នៅបន្តទៀតបានទេ និងបានលើកឡើងពីបញ្ហាជីវិតអាពាហ៍ពិពាហ៍ ជាមួយស្វាមីទី៣របស់នាង ដែលមានអាយុលើសនាងមួយឆ្នាំ ហើយប្តីបានរស់នៅដាច់ដោយឡែកពីនាង អស់រយៈពេលមួយឆ្នាំហើយ ចុងក្រោយឮថា អតីតស្វាមីរបស់នាង បានជួបនឹងអ្នកថ្មី ៕
ចែករំលែកព័តមាននេះ