អាជ្ញាធរមូលដ្ឋានបានរាយការណ៍ឱ្យដឹងថា មនុស្សយ៉ាងតិច១២នាក់បានត្រូវស្លា.ប់ និងជិត១៤០នាក់រងរបួស កាលពីថ្ងៃទី១៣ មិថុនា ក្នុងការផ្ទុះឧស្ម័ននៅសង្កាត់មួយនៃខេត្តហ៊ឺប៉ីភាគកណ្ដាលចិន
ប្រទេសចិន ៖ អាជ្ញាធរមូលដ្ឋានបានរាយការណ៍ឱ្យដឹងថា មនុស្សយ៉ាងតិច១២នាក់បានត្រូវស្លា.ប់ និងជិត១៤០នាក់រងរបួស កាលពីថ្ងៃទី១៣ មិថុនា ក្នុងការផ្ទុះឧស្ម័ននៅសង្កាត់មួយនៃខេត្តហ៊ឺប៉ីភាគកណ្ដាលចិន ។
ក្នុងសេចក្ដីប្រកាសមួយការិយាល័យគ្រប់គ្រងគ្រោះមហន្តរាយទីក្រុងស៊ីយ៉ាន កន្លែងកើតមានការផ្ទុះនោះនាវេលាម៉ោង៦និង៣០នាទីព្រឹកម៉ោងក្នុងស្រុកបញ្ជាក់ថា ប្រតិបត្តិការជួយសង្គ្រោះកំពុងបន្ត ។ បណ្ដាវីដេអូបង្ហោះតាមបណ្ដាញសង្គមបង្ហាញអគារជាច្រើនរងការបំផ្លាញ និងបណ្ដាអ្នកជួយសង្គ្រោះកំពុងតែទាញបណ្ដាអ្នកនៅរស់រានមានជីវិតចេញពីគំនរបាក់បែក ។ ការផ្ទុះបានបំផ្លាញជាពិសេសផ្សារលក់ បន្លែមួយនៃទីក្រុងនោះដោយពេលផ្ទុះក្នុងផ្សារនេះមានអ្នកលក់ដូរច្រើន ព្រមទាំងមនុស្សម្នាកំពុងស្រស់ស្រូបអាហារពេលព្រឹក ។
ចំណែកទូរទស្សន៍រដ្ឋចិន CCTV បានផ្សាយបណ្ដារូបភាពនៃអគារនានាដែលមានជញ្ជាំងនិងបង្អួចបាក់ ។ គេឃើញបណ្ដាអ្នកជួយសង្គ្រោះរើកកាយបំណែកនានាដោយដៃ ជួនកាលដោយបែល ។ ការស៊ើបអង្កេតមួយត្រូវបានបើកធ្វើ ដើម្បីកំណត់ពីមូលហេតុនៃការផ្ទុះនេះ ។ ក្រសួងគ្រប់គ្រងសភាពការណ៍បន្ទាន់ក៏បញ្ជូនក្រុមមួយមកដែរ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ