អភិបាលក្រុងដូនកែវចុះយកសំណាកអាជីវករលក់ដូរនៅផ្សារតាកែវបន្តទៀត ក្រោយពីបិទខ្ទប់ផ្សារធំតាកែវ
- តាកែវ
ខេត្តតាកែវ ៖ លោក កង អាណាន់ អភិបាលក្រុងដូនកែវ នៅថ្ងៃទី១០ ខែមិថុនា ឆ្នាំ២០២១នេះ បានដឹកនាំ…
ខេត្តតាកែវ ៖ លោក កង អាណាន់ អភិបាលក្រុងដូនកែវ នៅថ្ងៃទី១០ ខែមិថុនា ឆ្នាំ២០២១នេះ បានដឹកនាំ និងលោកប្រធានមន្ទីរពេទ្យបង្អែកខេត្ត បានចុះពិនិត្យការយកសំណាកបងប្អូនជាអាជីវករលក់ដូរនៅផ្សារតាកែវ និងនៅតាមមូលដ្ឋានដែលមកផ្តល់សំណាកនៅមណ្ឌលគរុកោសល្យភូមិភាគខេត្ត ដែលមិនទាន់យកសំណាកអស់ក្រោយពីបិទខ្ទប់ផ្សារធំតាកែវ ។
លោក កង អាណាន់ អភិបាលក្រុងដូនកែវ បានប្រាប់កោះសន្តិភាពយើងអោយដឹងថា បន្ទាប់ពីបីទខ្ទប់ផ្សារធំតាកែវ កាលពីថ្ងៃទី៦ ខែមិថុនា ២០២១ វេលាម៉ោង១២ថ្ងៃត្រង់ កន្លងទៅនេះ អាជ្ញាធរក្រុងសហការណ៍ជាមួយមន្ទីរសុខាភិបាលខេត្ត បានធ្វើតេស្តយកសំណាក១រសៀល នឹងធ្វើតេស្តយកសំណាកនៅថ្ងៃទី៧ និងទី៨នឹងបន្តធ្វើតេស្តមកដល់ថ្ងៃទី១០ ខែមិថុនា ២០២១ នេះ បានចំនួន១០៥៣នាក់ហើយ ដោយធ្វើតេស្តមានវិជ្ជមានជំងឺកូវីដ១៩ មានចំនួន៥៤ នាក់ ហើយនៅសល់ជាង២០០នាក់ទៀត កំពុងតែយកសំណាកបន្តទៀត ។
លោកអភិបាលក្រុងបានបន្តថា យើងសង្ឃឹងបងប្អូនអាជីវករយើងដែលនៅសល់ និងកំពុងតែធ្វើតេស្តរកជំងឺកូវីដ១៩ កុំអោយមានវិជ្ជមានទៅចុះ ព្រោះអាជ្ញាធរមិនចង់ឃើញបងប្អូនជួបទុកលំបាកឡើយ ហើយលោកក៏សូមអំពាវនាវដល់បងប្អូនយើងទាំងអស់គ្នាមេត្តាមានការប្រុងប្រយ័ត្នអោយបានខ្ពស់បំផុត និងត្រូវអនុវត្តតាមការណែនាំរបស់ក្រសួងសុខាភិបាល ពិសេសអនុវត្តផែនការការពារ ៣កុំ ៣ការពារ របស់សម្តេច ប្រមុខរាជរដ្ឋាភិបាល អោយបានត្រឹមត្រូវ និងជាប្រចាំផង គឺដើម្បីខ្លួនយើងនឹងគ្រួសារយើងគ្មានជំងឺកូវីដ១៩ ៕
ចែករំលែកព័តមាននេះ