គ្រោះថ្នាក់ចរាចរណ៍រវាងរថភ្លើងនឹងរថយន្ត បណ្ដាលឲ្យរបួសធ្ងន់ម្នាក់
- ព្រះសីហនុ
ខេត្តព្រះសីហនុ ៖ នៅវេលាម៉ោង០៩ និង៣០នាទីព្រឹក ថ្ងៃទី០៨ ខែមិថុនា ឆ្នាំ២០២១ ស្ថិតនៅក្នុងភូមិអូរត្រជាក់ចិត្ត ឃុំសំរុង ស្រុកព្រៃនប់…
ខេត្តព្រះសីហនុ ៖ នៅវេលាម៉ោង០៩ និង៣០នាទីព្រឹក ថ្ងៃទី០៨ ខែមិថុនា ឆ្នាំ២០២១ ស្ថិតនៅក្នុងភូមិអូរត្រជាក់ចិត្ត ឃុំសំរុង ស្រុកព្រៃនប់ ខេត្តព្រះសីហនុ លើផ្លូវដែក។ មានគ្រោះថ្នាក់ចរាចរណ៍មួយកើតឡើងបង្កដោយរថយន្ត ០១គ្រឿងម៉ាក ហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2Q-6552 ដែលមានទិសដៅពីត្បូងទៅជើង បើកបរដោយឈ្មោះ ជាង នី ភេទប្រុស អាយុ៥២ឆ្នាំ មុខរបរកម្មករចម្ការ ក្បែចំណុចកើតហេតុមានទីលំនៅភូមិអូរត្រចាក់ចិត្ត ឃុំសំរុង ស្រុកព្រៃនប់ ខេត្តព្រះសីហនុ។
លុះមកដល់ចំណុចខាងលើ រថយន្តបានបើកបរឆ្លងផ្លូវដែកខណៈមានរថភ្លើងមួយខ្សែ ដែលមានទិសដៅពីភ្នំពេញ ទៅខេត្តព្រះសីហនុ បានបុករថយន្ដតែម្ដង អ្នកបើកបរឈ្មោះនង គីមលេង ភេទប្រុស អាយុ៦១ឆ្នាំ មានទីលំនៅបច្ចុប្បន្ន រាជធានីភ្នំពេញ។ ករណីគ្រោះថ្នាក់ខាងលើ បណ្តាលឲ្យមានមនុស្សរងរបួសមនុស្សចំនួន០១នាក់ គឺឈ្មោះ ជាង នី អ្នកបើកបររថយន្ដ របួសមធ្យម។
បច្ចុប្បន្ន ជនរងគ្រោះបានបញ្ជូនទៅព្យាបាលនៅខេត្តព្រះសីហនុ រីឯវត្ថុតាងបានយកមករក្សាទុកនៅអធិការដ្ឋាននគរបាលស្រុកព្រៃនប់។ គួរបញ្ចាក់ផងដែរ ករណីរថយន្តបើកបរឆ្លងផ្លូវដែក ហើយត្រូវបានរថភ្លើងបុកនៅតំបន់ស្រុកព្រៃនប់ដែលមានផ្លូវរថភ្លើងឆ្លងកាត់វែង តែងកើតមានជាបន្តបន្ទាប់ គឺកើតមានតែផ្លូវតូចៗឆ្លងកាត់ដូចជា ផ្លូវចូលទៅចម្ការ និងផ្លូវរថយន្តដឹកដី៕ ដោយ ៖ ហ៊ុយ ចាន់ធួន
ចែករំលែកព័តមាននេះ