ខេត្តកំពង់ឆ្នាំង៖ សមត្ថកិច្ចចម្រុះដោយមានការសម្របសម្រួលពីលោកព្រះរាជអាជ្ញាអមសាលាដំបូងខេត្តកំពង់ឆ្នាំង កាលពីរសៀលថ្ងៃទី៧ ខែមិថុនា ឆ្នាំ២០២១ បានចុះបង្ក្រាបនិងចាប់គ្រឿងចក្រឈូសឆាយដីព្រៃជាប់ដែនជម្រកសត្វព្រៃ ដោយគ្មានច្បាប់អនុញ្ញាត ក្នុងភូមិសាស្ត្រឃុំក្តុលសែនជ័យ ស្រុកទឹកផុស ។…
ខេត្តកំពង់ឆ្នាំង៖ សមត្ថកិច្ចចម្រុះដោយមានការសម្របសម្រួលពីលោកព្រះរាជអាជ្ញាអមសាលាដំបូងខេត្តកំពង់ឆ្នាំង កាលពីរសៀលថ្ងៃទី៧ ខែមិថុនា ឆ្នាំ២០២១ បានចុះបង្ក្រាបនិងចាប់គ្រឿងចក្រឈូសឆាយដីព្រៃជាប់ដែនជម្រកសត្វព្រៃ ដោយគ្មានច្បាប់អនុញ្ញាត ក្នុងភូមិសាស្ត្រឃុំក្តុលសែនជ័យ ស្រុកទឹកផុស ។
តាមប្រភពពីសមត្ថកិច្ចចម្រុះ ដែលធ្វើការចុះបង្ក្រាបការឈូសឆាយដីព្រៃគ្មានច្បាប់អនុញាតបានបញ្ជាក់ថា នៅរសៀលថ្ងៃទី៨ មិថុនា ឆ្នាំ ២០២១ សមត្ថកិច្ចចម្រុះមានមន្ត្រី អនុរក្ស នៃមន្ទីរបរិស្ថានខេត្តសហការជាមួយ សមត្ថកិច្ចនគរបាល មូលដ្ឋាន និងអាជ្ញាធរភូមិឃុំ សហគមន៍ បានចុះទៅបង្ក្រាបការឈូសឆាយដីព្រៃជាក់ស្ដែងមួយកន្លែង ដែលគ្មានច្បាប់អនុញ្ញាត ស្ថិតនៅក្នុងចំណុចត្រពាំងឡះ ក្នុងភូមិក្តុល និងភូមិអូរល្ពៅ ឃុំក្តុលសែនជ័យ តាមការសម្របសម្រួល ពី ឯកឧត្តម អ៊ិត សុធា ព្រះរាជអាជ្ញាអបអមសាលាដំបូង ខេត្តកំពង់ឆ្នាំង ដោយបានឃាត់គ្រឿងចក្រចំនួន ៣ គ្រឿង ក្នុងនោះ ២គ្រឿងខូចនៅហ្នឹងកន្លែង និងមួយគ្រឿង ប្រើការបាន ត្រូវបានយកមករក្សាទុកនៅស្នាក់ ការអនុរក្ស នៃមន្ទីរបរិដ្ឋាន ក្នុងឃុំក្តុលសែនជ័យ។ ព្រមជាមួយនឹងដកហូតប្រេងម៉ាស៊ូតចំនួន ៧ ពីដុង ស្មើនឹង២១០លីត្រ ទៀតផង ។
ដោយឡែកបើតាមការបញ្ជាក់ពី លោក ម៉ឹង វិសាលសុខ មេឃុំក្តុលសែនជ័យ ក៏បានបញ្ជាក់ឲ្យដឹងថា លោកមិនដឹងថា គ្រឿងចក្រដែលបានដាក់មកឈូសឆាយ ដីព្រៃនៅទីតាំងខាងលើជារបស់ក្រុមហ៊ុនណាទេ តែលើថាៈជារបស់ខ្យែអ្នកធំ ។ ប៉ុន្តែពេលដាក់គ្រឿចក្រចូលមកឈូសឆាយគឺមិនបានសុំច្បាប់អនុញ្ញាត្តិពីអាជ្ញាធរភូមិឃុំ ឬ មន្ត្រីជំនាញណានោះឡើយ ។ ចំណែកការដាក់គ្រឿងចក្រចូលមកតាំងពី អំឡុងមុនចូលឆ្នាំខ្មែរ គឺខែមេសាមកម្ល៉េះដោយមានទាំងគ្រឿចក្រ មានទាំង កុងតឺណឺ (សម្រាប់ធ្វើផ្ទះស្នាក់នៅ)ចំនួន៦គ្រឿងទៀតផង ។រាល់សកម្មភាពនេះ លោកបានរាយការតាមឋាននុក្រម និងទៅមន្ត្រីជំនាញផងដែរ។ ហើយនៅថ្ងៃ ម្សល់ម៉ិញនេះ (៧/៦/២១) លោកក៍បានញ្ជើញចូលរួម ក្នុងកិច្ចបង្ក្រាបនេះដែរ ។
ជុំវិញករណីគ្រឿងចក្រឈូសឆាយដីព្រៃគ្មានច្បាប់អនុញ្ញាត្តនេះដែរយើងមិនអាចសុំការបំភ្លឺពីម្ចាស់ដី ឬពីម្ចាស់គ្រឿងចក្របានទេ ។ប៉ុន្តែបើតាម ប្រភពដែលជឿទុកចិត្តបាន បានបញ្ជាក់ថា៖ ម្ចាស់ដី ដែលគេថា ជាអ្នកធំ បានទិញដី ពីគេ មានប្លង់កាន់កាប់នៅឆ្នាំ២០១៨ ។យ៉ាងនេះក្តីក្នុងប្លង់នោះបានដាក់ថា៖ ដីស្ថិតក្នុងភូមិតំណាក់ខ្លុង មិនមែនក្នុងភូមិក្តុល និងភូមិអូរល្ពៅ ដូច ដែលគ្រឿងចក្រកំពុងឈូសឆាយនោះឡើយ ។ ជាងនេះទៀតឮថា៖ មានប្រជាពលរដ្ឋខ្លះកើតទុក្ខមិនសុខចិត្តព្រោះដីរបស់គាត់ត្រូវបានគេចេញប័ណ្ណរំលោភបំពាន្តយកទៀតផង ៕
ចែករំលែកព័តមាននេះ