សង្គ្រាមអ៊ុយក្រែន ៖ រួមប្រជុំនៅលុចហ្សំបួរ បណ្ដារដ្ឋមន្ត្រីថាមពលអឺរ៉ុប បានអនុម័តកាលពីថ្ងៃទី២០ តុលា ផែនការរបស់គណៈកម្មាធិការអឺរ៉ុប ដើម្បីបញ្ចប់ជាស្ថាពរការនាំចូលឧស្ម័នរុស្ស៊ី ។ ពេលការហ៊ុមព័ទ្ធធ្យូងថ្ម…
សង្គ្រាមអ៊ុយក្រែន ៖ រួមប្រជុំនៅលុចហ្សំបួរ បណ្ដារដ្ឋមន្ត្រីថាមពលអឺរ៉ុប បានអនុម័តកាលពីថ្ងៃទី២០ តុលា ផែនការរបស់គណៈកម្មាធិការអឺរ៉ុប ដើម្បីបញ្ចប់ជាស្ថាពរការនាំចូលឧស្ម័នរុស្ស៊ី ។ ពេលការហ៊ុមព័ទ្ធធ្យូងថ្ម និងប្រេងកាតដំណើរការល្អ តែប្រទេសអឺរ៉ុបជាច្រើនបច្ចុប្បន្ននៅពឹងផ្អែកលើ
ឧស្ន័នរុស្ស៊ី ។ ប្រសិនបើសំណើហាមឃាត់ការនាំចូលរបស់ខ្លួនត្រូវបានអនុម័ត វានៅត្រូវឆ្លងកាត់ការពិនិត្យរបស់សភាអឺរ៉ុប និងរកកិច្ចព្រមព្រៀងសម្រាប់ថ្ងៃកំណត់ចុងក្រោយនៃការឈប់នាំចូលនេះ។
បណ្ដាអ្នកគាំទ្រការហាមឃាត់នាំចូលឧស្ម័នរុស្ស៊ី វាយតម្លៃថា សហភាពអឺរ៉ុបនៅនាំចូលឧស្ន័ន
រុស្ស៊ី ដល់២០២៤,៥២ពាន់លានម៉ែត្រគូប ក្នុងឆ្នាំ២០២៤ ដែលតំណាងឲ្យ១៩%នៃការនាំចូលឧស្ម័នរបស់ខ្លួន។
រដ្ឋមន្ត្រីថាមពលនៃប្រទេសទាំង២៧ជាសមាជិកសហភាពអឺរ៉ុប បានអនុម័តផែនការនោះត្រឹមសំឡេងភាគច្រើន ពោលត្រឹម៥៥%នៃរដ្ឋជាមាជិកដែលមានប្រជាជនសរុប៦៥%នៃប្រជាជនសហភាពអឺរ៉ុបទាំងមូល។
ដូច្នេះ នៅសល់ប្រទេសអឺរ៉ុបចំនួនតិចដែលនៅចំណុះលើឧស្ម័នរុស្ស៊ី ដូចជាហុងគ្រីនិងស្លូវ៉ាគី។ ស្លូវ៉ាគីរហូតដល់គំរាមប្រឆាំងការដាក់ទណ្ឌកម្មរុស្ស៊ី ប្រសិនបើខ្លួនខ្វះឧស្ម័ន។ ចំណែករដ្ឋមន្ត្រីការបរទេសហុងគ្រីលោកPETER SZIJJARTOលើកឡើងថា សម្រាប់យើងយល់ថា ការផ្គត់ផ្គង់ខាងថាមពល គ្មានអីទាក់ទិននឹងនយោបាយនិងជាមួយរុស្ស៊ីឡើយ។
លោកថា វិធានការនោះរបស់សហភាពអឺរ៉ុប នឹងសម្លាប់សន្តិសុខនៃការផ្គត់ផ្គង់ថាមពលរបស់ហុងគ្រី។ ចំណែកប្រធានាធិបតីអាមេរិកលោកដូណាល់ត្រាំវិញ ទាក់ទិនរឿងជម្លោះអ៊ុយក្រែន-រុស្សុី ប្រកាសកាលពីថ្ងៃទី១៦ តុលាថា លោកនឹងជួបជាមួយសមភាគីរុស្ស៊ី លោកវ្ល៉ាឌីមៀរពូទីនជាថ្មីម្ដងទៀតនៅហុងគ្រី បន្ទាប់ពីកិច្ចប្រជុំមួយរបស់ទីប្រឹក្សាជាន់ខ្ពស់រុស្ស៊ី និងអាមេរិក។
ការប្រកាសនោះ របស់លោកត្រាំធ្វើឡើងបន្ទាប់ពីការជួបសន្ទនាគ្នាតាមទូរស័ព្ទជាមួយលោកពូទីន។ លោកត្រាំប្រកាសថាលោកនឹងជួបជាមួយលោកពូទីនជាថ្មីនៅទីក្រុងប៊ូដាប៉េស្ត។ ការជួបគ្នាកំពូលនេះគឹបន្ទាប់ពីកិច្ចប្រជុំរបស់ទីប្រឹក្សាជាន់ខ្ពស់របស់ប្រទេសទាំង២។
តាមលោកត្រាំថា ទិសដៅនៃការជួបគ្នាកំពូលជាយថាហេតុនោះ រវាងមេដឹកនាំប្រទេសទាំង២ គឺពិនិត្យមើលថាតើយើងអាចបញ្ចប់សង្គ្រាមដ៏អាក្រក់រវាងរុស្ស៊ី និងអ៊ុយក្រែនបានទេ។ ប្រធានាធិបតីទាំង២ជួបគ្នាលើកទីមួយនៅអាឡាស្កាកាលពីថ្ងៃទី១៥សីហាកន្លងទៅ៕
ចែករំលែកព័តមាននេះ