ប្រទេសជប៉ុន ៖ អ្នកជាតិនិយមខ្លាំង លោកស្រីសាណាអ៊ីតាកាអ៊ីជី(SANAE TAKAICHI)ត្រូវបានជ្រើសតាំងកាលពីថ្ងៃទី២១ តុលា ជានាយករដ្ឋមន្ត្រីស្ត្រីដំបូងរបស់ជប៉ុនហើយ ដោយសារក្រុមចម្រុះសភាមួយដែលអាចបង្កើតបាន នាពេលមុននេះ ក្រោយការចរចានានាទីចុងក្រោយ។…
ប្រទេសជប៉ុន ៖ អ្នកជាតិនិយមខ្លាំង លោកស្រីសាណាអ៊ីតាកាអ៊ីជី(SANAE TAKAICHI)ត្រូវបានជ្រើសតាំងកាលពីថ្ងៃទី២១ តុលា ជានាយករដ្ឋមន្ត្រីស្ត្រីដំបូងរបស់ជប៉ុនហើយ ដោយសារក្រុមចម្រុះសភាមួយដែលអាចបង្កើតបាន នាពេលមុននេះ ក្រោយការចរចានានាទីចុងក្រោយ។
សភាជប៉ុនបានជ្រើសតាំងលោកស្រីសាណាអ៊ីតាកាអ៊ីជី អាយុ៦៤ឆ្នាំ តាំងពីការបោះឆ្នោតជុំទីមួយ។ ការជ្រើសតាំងនោះក្លាយជាផ្លូវការពេលលោកស្រីចូលគាល់ព្រះចៅអធិរាជណារូហ៊ីតូនាថ្ងៃនេះដែរ។ លោកស្រីជាអ្នកដណ្ដើមបានជ័យជម្នះក្នុងការបោះឆ្នោតជ្រើសតាំងប្រធានគណបក្សកាន់អំណាចរបស់លោកស្រីគឺគណបក្សសេរីប្រជាធិបតេយ្យជប៉ុនPLD កាលពីថ្ងៃទី៤តុលាកន្លងទៅ។
ប៉ុន្តែគណបក្សPLDដែលធ្លាក់ប្រជាប្រិយភាពខ្លាំង ពិសេសមកពីរឿងអាស្រូវហិរញ្ញវត្ថុនោះ តាំងពីប៉ុន្មានខែមកនេះបានបាត់បង់សំឡេងភាគច្រើនក្នុងសភានិងព្រឹទ្ថសភា។ ចំណែកសម្ព័ន្ធមិត្តជាប្រពៃណីរបស់ខ្លួនគឹគណបក្សKOMEITO បានឈប់ចូលរួមក្នុងក្រុមចម្រុះដែលមានចាប់តាំងពីឆ្នាំ១៩៩៩មក ដោយសាររឿងអាស្រូវហិរញ្ញវត្ថុនិងគំនិតអភិរក្សនិយមខ្លាំងពេករបស់លោកស្រីសាណា អ៊ីតាកាអ៊ីជី។
ដើម្បីឲ្យធានាបានជោគជ័យក្នុងការបោះឆ្នោតរបស់សភា ឲ្យលោកស្រីក្លាយជានាយករដ្ឋមន្ត្រីជប៉ុនបន្តពីនាយករដ្ឋមន្ត្រីដែលសុំលាលែងលោកស៊ីហ្សេរូអ៊ីស៊ីបាលោកស្រីត្រូវបង្កើតនាថ្ងៃទី២០តុលា ក្រុមចម្រុះមួយជាមួយគណបក្សកែប្រែថ្មីជប៉ុន ជាគណបក្សកែទម្រង់កណ្ដាលនិយម។ លោកស្រីសន្យាពង្រឹងសេដ្ឋកិច្ចជប៉ុន និងធ្វើឲ្យជប៉ុនក្លាយជាប្រទេសមួយដែលអាចធានាការទទួលខុសត្រូវចំពោះមនុស្សជំនាន់ក្រោយ។
លោកស្រីកាតាអ៊ីជីជាអ្នកដែលតែងសរសើរ អតីតនាយករដ្ឋមន្ត្រីអង់គ្លេសលោកស្រីម៉ាហ្គារេតថាតឈ័រដែលមានរហស្សនាមថានារីកណ្ដាប់ដៃដែក។ លោកស្រីសន្យាពីការរៀបចំរដ្ឋាភិបាលថ្មីមួយដែលមានស្ត្រីក្នុងចំនួនច្រើន ទាល់នឹងត្រឹម២នាក់ប៉ុណ្ណោះក្នុងរដ្ឋាផិបាលលោកស៊ីហ្សេរូអ៊ីស៊ីបា។ លោកស្រីត្រូវជួបពិសេសជាមួយប្រធានាធិបតីអាមេរិកលោកដូណាល់ត្រាំនាសប្ដាហ៍ខាងមុខនេះពេលលោកមកបំពេញទស្សនកិច្ចនៅជប៉ុន៕
ចែករំលែកព័តមាននេះ