ខេត្តតាកែវ ៖ ក្រោយពីការសម្រេចបិទខ្ទប់ផ្សារធំតាកែវជាបណ្តេះអាស្នន កាលពីថ្ងៃទី៦ មិថុនា ២០២១ កាលពីម្សិលមិញដោយមានផ្ទុះជំងឺកូវីដ១៩ នោះហើយ ក្រុមអាជីវករអ្នករកស៊ីលក់ដូរក្នុងផ្សារតាកែវទាំងអស់ ត្រូវបានអាជ្ញាធរខេត្ត…
ខេត្តតាកែវ ៖ ក្រោយពីការសម្រេចបិទខ្ទប់ផ្សារធំតាកែវជាបណ្តេះអាស្នន កាលពីថ្ងៃទី៦ មិថុនា ២០២១ កាលពីម្សិលមិញដោយមានផ្ទុះជំងឺកូវីដ១៩ នោះហើយ ក្រុមអាជីវករអ្នករកស៊ីលក់ដូរក្នុងផ្សារតាកែវទាំងអស់ ត្រូវបានអាជ្ញាធរខេត្ត ក្រុង រួមជាមួយមន្ទីរសុខាភិបាលខេត្ត សម្រេចត្រូវមកធ្វើតេស្តរកជំងឺកូវីដ១៩ ទាំងអស់គ្នា។
បើសិនជាក្រុមអាជីវករមានការរឹងរូសមិនហ៊ានមកអោយក្រុមគ្រូពេទ្យធ្វើតេស្ត ដើម្បីរកជំងឺកូវីដ១៩ ទេ ខាងអាជ្ញាធរនឹងធ្វើការផាកពិន័យជាប្រាក់រាប់លានរៀលផងដែរ ។
លោក កង អាណាន់ អភិបាលក្រុងដូនកែវបានអោយកោះសន្តិភាពយើង នៅព្រឹកថ្ងៃទី០៧ ខែមិថុនា ឆ្នាំ២០២១នេះថា បន្ទាប់ពីបិទខ្ទប់ផ្សាររួច យើងបានយកសំណាកពីក្រុមបងប្អូនអាជីវករចំនួនជាង២០០នាក់ រកឃើញមានវិជ្ជមានចំនួន២៩នាក់ហើយ ដូច្នេះចំពោះបងប្អូនក្រុមអាជីវករដែលមានតូបលក់ដូរក្នុងផ្សារតាកែវមានប្រមាណជាង១១០០តូប ។
ដោយឡែកក្រុមអាជីវករលក់បន្លែផ្លៃឈើមានប្រមាណជាង៣០០កន្លែងរៀនផ្ទាល់ដី ឬលើគ្រែ តែមានមានបងប្អូនអាជីវករលក់បន្លែប្រមាណជាង២០កន្លែង ពួកគាត់បានផ្អាកមិនមកលក់មុនផ្ទុះជំងឺកូវីដ ១៩ ៥ទៅ៦ថ្ងៃហើយដែរ អញ្ចឹងចំពោះបងប្អូនអាជីវករយើងដែលមានឈ្មោះលក់ដូរក្នុងផ្សារតាកែវដាច់ខាត ត្រូវតែមកធ្វើតេស្តរកជំងឺកូវីដ១៩ ដោយមិនគិតថា អ្នកធ្លាប់បានប៉ះពាល់ដោយផ្ទាល់ឬដោយប្រយោលឡើយ ។
លោក កង អាណាន់ អភិបាលក្រុងដូនកែវបានបញ្ជាក់ថ្ងៃនេះលោកបានដឹកនាំក្រុមការងារអញ្ជើញចុះត្រួតពិនិត្យការសម្រេចរបស់រដ្ឋបាល ខេត្ត ស្ដីពីសម្រេចផ្អាកជាបណ្តោះអាសន្ននូវអាជីវកម្ម ការលក់ដូរនៅក្នុងផ្សារតាកែវ បរិវេណជុំវិញផ្សារ និងការលក់ដូរតាមគេហដ្ឋានជុំវិញផ្សារតាកែវទាំងអស់ ដោយមិនអោយមានការធ្វើដំណើរឆ្លងកាត់ឡើយ អោយឆ្លងកាត់បងប្អូនយើង ដែលមានផ្ទះនៅទីនោះតែប៉ុណ្ណោះ ដែលមានទីតាំងជុំវិញផ្សារស្ថិតនៅភូមិថ្នល់បែក សង្កាត់ រកាក្រៅ ក្រុងដូនកែវ ដែលជាតំបន់មានអ្នកវិជ្ជមានកូវីដ-១៩ បានប៉ះពាល់ដោយផ្ទាល់ និងដោយប្រយោលជាច្រើននាក់ពាក់ព័ន្ធក្នុងព្រឹត្តិការណ៍សហគមន៍ ២០កុម្ភៈ ព្រមទាំងការយកសំណាក របស់ក្រុមអាជីវករលក់ដូរនៅក្នុងផ្សារតាកែវ ។ គោលបំណងដើម្បីកាត់ផ្តាច់ការឆ្លងរាលដាលជំងឺកូវីដ-១៩ នៅក្នុងភូមិសាស្ត្រដែល ត្រូវបានបិទខ្ទប់ និងទប់ស្កាត់ជំងឺនេះមិនឱ្យឆ្លងរាលដាលទៅតំបន់ផ្សេងៗទៀតបាន ។
អាជីវករ និងអ្នកលក់ដូរក្នុងផ្សារ និងជុំវិញផ្សារទាំងអស់មានកាតព្វកិច្ចផ្តល់វត្ថុសំណាកទៅវិភាគរកមេរោគកូវីដ១៩ ដល់មន្ត្រីសុខាភិបាលនៅចំណតរថយន្តផ្សារតាកែវ ក្នុងករណីដែលបងប្អូនខកខានមិនបានផ្តល់សំណាកតាមកាលកំណត់ខាងលើត្រូវទៅផ្តល់សំណាកនៅមណ្ឌលសុខភាព ឬមន្ទីរពេទ្យបង្អែកនៅជិតលំនៅស្ថានរបស់បងប្អូនប្រជាពលរដ្ឋ ។
លោកកង អាណាន់ អភិបាលក្រុងដូនកែវក៏បានធ្វើការអំពាវនាវចំពោះ អាជីវករ និងអ្នកលក់ដូរទាំងអស់ព្រមទាំងក្រុមគ្រួសារត្រូវធ្វើចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាល ជាពិសេសអនុវត្ត ៣កុំ និង៣ការពារ ក្នុងអំឡុងពេលនៃការអនុវត្តវិធានការផ្អាកជាបណ្តោះអាសន្ន ត្រូវបានហាមឃាត់ការចេញចូលការជួបជុំ ឬការប្រមូលផ្តុំមនុស្សនៅតំបន់បិទខ្ទប់នឹងត្រូវអនុវត្តតាមផែនការការពារ៣កុំ ៣ការពារអោយបានខ្ពស់បំផុតផងដែរ ៕
ចែករំលែកព័តមាននេះ