រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ស្រឡាញ់ភេទដូចគ្នា ដែលដើរតួជាប្តី សង្ស័យតែផ្ទុះភ្លើងប្រច័ណ្ឌជាមួយប្រពន្ធ ទើបសម្រេចចិត្តធ្វើ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ស្រឡាញ់ភេទដូចគ្នា ដែលដើរតួជាប្តី សង្ស័យតែផ្ទុះភ្លើងប្រច័ណ្ឌជាមួយប្រពន្ធ ទើបសម្រេចចិត្តធ្វើអត្ត.ឃាតច.ង.កសម្លា.ប់ខ្លួន បណ្តាលឲ្យស្លា.ប់នៅក្នុងផ្ទះជួលមួយកន្លែង បង្កឲ្យមានការភ្ញាក់ផ្អើលនៅវេលាម៉ោង៨យប់ ថ្ងៃទី០៦ ខែមិថុនា ឆ្នាំ២០២១ នៅចំណុចផ្លូវបេតុង ស្ថិតក្នុងភូមិរោងចក្រ សង្កាត់គោកឃ្លាង ខណ្ឌសែនសុខ ។
សេចក្តីរាយការណ៍បន្តថា ស.ពបុរសដើរតួជាប្តីឈ្មោះ និត សុវណ្ណរតនា អាយុ២៧ឆ្នាំ ចំណែកបុរសដើរតួជាប្រពន្ធឈ្មោះ គង់ វីហ្សា អាយុ៣៤ឆ្នាំ ស្នាក់នៅទីតាំងកើតហេតុខាងលើ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ បុរសដែលដើរតួជាប្រពន្ធភាគច្រើនគឺមិនសូវនៅផ្ទះនោះទេ ដោយឃើញឧស្សាហ៍ចេញក្រៅផ្ទះជាមួយមិត្តភក្តិ ហើយបុរសដែលដើរតួជាប្តីវិញ តែងតែប្រាប់ប្រពន្ធថា «កុំសូវទៅណាពេកនៅផ្ទះខ្លះទៅ»។ លុះនៅរសៀលថ្ងៃកើតហេតុខាងលើ បុរសដើរតួជាប្រពន្ធក៏បានចេញទៅក្រៅបាត់តាំងពីថ្ងៃជាមួយមិត្តភក្តិ ហើយពេលត្រឡប់មកផ្ទះវិញ ក៏បានគោះទ្វារ តែអត់បើក ហៅក៏មិនឆ្លើយតប ទូរស័ព្ទតេក៏មិនលើក ដោយមានការសង្ស័យ បុរសដើរតួជាប្រពន្ធបានគាស់សោចូលមើល ក៏ស្រាប់តែប្រទះឃើញបុរសដើរតួជាប្តីបានច.ង.កសម្លា.ប់ខ្លួននៅនឹងកាំជណ្តើរឡើងទៅលើផ្ទះ បណ្តាលឱ្យស្លា.ប់បាត់ទៅហើយ ។
ចំណែកប្រភពព័ត៌មានដែលទទួលបានពីប្រជាពលរដ្ឋរស់នៅក្បែរខាងគ្នា បានបន្តទៀតថា ពួកគេទាំង២នាក់ខាងលើ គឺជាមនុស្សប្រុសស្រឡាញ់ប្រុសដូចគ្នាមែន ប៉ុន្តែខាងបុរសដើរតួជាប្តី ស្រឡាញ់ប្រពន្ធខ្លាំងបាត់មុខមិនបានឡើយ ហើយក៏ប្រច័ណ្ឌខ្លាំងដែរ ពួកគេរស់នៅផ្ទះជួលជាមួយគ្នាអស់រយៈពេលជាច្រើនឆ្នាំមកហើយ ឃើញថាមិនដែលឈ្លោះគ្នាទេ គឺពួកគេស្រឡាញ់គ្នាណាស់ ។
ប្រភពដដែលបន្តថា ហើយពួកគេទើបតែរើផ្ទះជួល ពីផ្ទះចាស់មកជួលផ្ទះថ្មី តែក៏នៅជិតនឹងផ្ទះចាស់ដែរ ក្រោយមកទើបតែនៅបានកន្លះខែ បុរសដើរតួជាប្តីបានរអ៊ូប្រាប់អ្នកជិតខាងថា ប្រពន្ធគេមួយរយៈក្រោយមកនេះដូចជាប្លែកណាស់ ឧស្សាហ៍ចេញពីផ្ទះ ទូរស័ព្ទពិបាកតេទាក់ទងគ្នា ។
ប្រភពដដែលបន្តទៀតថា លុះដល់រសៀលថ្ងៃកើតហេតុ បុរសដើរតួជាប្រពន្ធបានខលហៅមនុស្សប្រុសម្នាក់ឲ្យមកយកចេញទៅក្រៅ ហើយមួយសន្ទុះក៏ឃើញមកយកមែន ដោយឈប់ចាំនៅខាងមុខផ្លូវ ស្រាប់តែបុរសដើរតួរជាប្តីចេញទៅឃើញ ក៏មានចិត្តប្រច័ណ្ឌទាំងមិនដែលស្គាល់បុរសដែលឌុបប្រពន្ធខ្លួននោះទេ ។
ប្រភពដដែលបន្តទៀតថា ក្រោយមក បុរសដើរតួជាប្តីក៏បានខលទៅប្រពន្ធ តែមិនលើក ក៏មានចិត្តប្រច័ណ្ឌរត់ចូលផ្ទះតែម្តង។ លុះពេលបុរសដើរតួជាប្រពន្ធត្រឡប់មកវិញពេលយប់ប្រហែលជាម៉ោង៧ ក៏បានហៅទ្វារមិនបើក ហៅមិនឆ្លើយ ទូរស័ព្ទតេមិនលើក ក៏សង្ស័យរួចក៏គាស់សោចូលទៅមើល ស្រាប់តែប្រទះឃើញបុរសដើរតួជាប្តីច.ង.កសម្លា.ប់ខ្លួនទៅហើយ ទើបរាយការណ៍ប្រាប់សមត្ថកិច្ច ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ទីតាំងកើតហេតុ រួចក៏ទាក់ទងទៅក្រុមគ្រូពេទ្យជំនាញមកធ្វើតេស្តរកមេរោគកូវីដ១៩ ទៅលើស.ពឃើញថា អវិជ្ជមាន ទើបទាក់ទងទៅសមត្ថកិច្ចជំនាញកោសល្យវិច័យធ្វើកោសល្យទៅលើពិនិត្យស.ព និងធ្វើកំណត់ហេតុ រួចប្រគល់ស.ពឲ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ