ខេត្តកំពង់ឆ្នាំង ៖ លោកស្រី កែវ ចន្ទ័មុនី អ្នកតំណាងរាស្ត្រមណ្ឌលកំពង់ឆ្នាំង រួមដំណើរដោយលោកស្រី ឈឹម ចាន់សុខ ប្រធានមន្ទីរកិច្ចការនារី និងមន្ត្រីនៃមន្ទីរកិច្ចនារីខេត្ត នៅរសៀលថ្ងៃទី១៣ ខែវិច្ឆិកា ឆ្នាំ២០១៥
ខេត្តកំពង់ឆ្នាំង ៖ លោកស្រី កែវ ចន្ទ័មុនី អ្នកតំណាងរាស្ត្រមណ្ឌលកំពង់ឆ្នាំង រួមដំណើរដោយលោកស្រី ឈឹម ចាន់សុខ ប្រធានមន្ទីរកិច្ចការនារី និងមន្ត្រីនៃមន្ទីរកិច្ចនារីខេត្ត នៅរសៀលថ្ងៃទី១៣ ខែវិច្ឆិកា ឆ្នាំ២០១៥ បានអញ្ជើញចុះសាកសួរសុខទុក្ខ និងនាំយកអំណោយជូនស្ត្រីកើតជម្ងឺមហារីកដោះធ្ងន់ធ្ងរ នៅភូមិត្រពាំងបី សង្កាត់កំពង់ឆ្នាំង ក្រុងកំពង់ឆ្នាំង ។
លោកស្រី កែវ ចន្ទ័មុនី បានមានប្រសាសទៅកាន់ស្ត្រីកើតជម្ងឺ មហារីកដោះកម្រិតធ្ងន់ ដែលរង់ចាំថ្ងៃស្លាប់នោះថា សូមតាំងចិត្តអោយបានមាំទាំ កុំគិតថាខ្លួននឹងស្លាប់បណ្តោយតាមយថាកម្ម ត្រូវជំនះ រឹងប៉ឹង ប្រឹងហូបចំណីអាហារ ហើយបើឈឺចុកចាប់ខ្លាំងត្រូវពិសារថ្នាំដែលបំបាត់ការចុកចាប់ ដែលពេលនេះលោកគ្រូពេទ្យក៏បានអញ្ជើញមកជាមួយដែរ បន្តិចទៀតលោកនឹងណែនាំត្រូវធ្វើអ្វីខ្លះ ។ សូមគិតថា ពួកយើងទាំងអស់គ្នាមានប្រធានមន្ទីរ មេភូមិ និងពិសេសម្ចាស់ផ្ទះដែលអោយយើងស្នាក់នៅគឺបានគិតគូរណាស់ មិនព្រងើយកន្តើយឡើយ ។
លោកគ្រូពេទ្យដែលបានអញ្ជើញទៅជាមួយបានមានប្រសាសន៍ថា សុដន់យើងមានសាច់២ដុំ សាច់១ដុំអាចព្យាបាលបាន សាច់១ដុំទៀតជាសាច់កាច មិនអាចព្យាបាលបានទេ ហេតុនេះលោកសូមណែនាំថា ត្រូវថែរក្សាខ្លួនជំនះអោយបាន និងត្រូវតស៊ូ លោកនឹងជួយអោយថ្នាំបំបាត់ការចុកចាប់ ដើម្បីអោយសម្រាន្តលក់បានច្រើន ។ បើយើងចេះតស៊ូជំនះនឹងជម្ងឺនេះ យើងអាចរស់បានយូរ តែបើយើងបណ្តែត បណ្តោយក៏ឆាប់ស្លាប់បានដែរ ។
លោកស្រីតំណាងរាស្ត្របញ្ចាក់ថា អំណោយទាំងនេះបានមកពីសប្បុរសជននានា មានលោកស្រី តុង ណារី ប្រធានមន្ទីរកិច្ចការនារី សប្បុរសជននានា និងលោកស្រីផ្ទាល់ ដែលមាន អង្ករ២៥គីឡូក្រាម ទឹកត្រី១យួរ ទឹកស៊ីអីវ១យួរ ទឹកដោះគោឆៅ១ឡូ មី១កេះ ផ្លែឈើ១ថង់ធំ សារុង២ និងថវិការចំនួន៦០ម៉ឺនរៀល ។
សូមរំឮកថា ស្រី្តឈ្មោះ សំ ធឿន អាយុ៥២ឆ្នាំ កើតជម្ងឺមហារីកដោះខាងឆ្វេងធ្ងន់ធ្ងរ ដែលគ្រូពេទ្យប្រាប់ថា ហួសពេលមិនអាចព្យាបាលបាន ត្រូវបានស្ត្រីឈ្មោះ កេត នាង អាយុ៥៦ឆ្នាំ និងឈ្មោះ កេត នីម អាយុ៥៣ឆ្នាំ រស់នៅភូមិត្រពាំងបី សង្កាត់ផ្សារឆ្នាំង អោយផ្ទះស្នាក់នៅ ព្រោះគាត់កំព្រា ។ ពេលនេះគាត់កើតជំងឺមហារីកដោះ មិនអាចព្យាបានរង់ចាំតែថ្ងៃស្លាប់ប៉ុណ្ណោះ ៕
ចែករំលែកព័តមាននេះ