តាមប្រភពព័ត៌មានដែលទទួលបានឱ្យដឹងថា មានករណីស្លា.ប់ដោយសារពុលស្រាជាបន្តបន្ទាប់ចំនួន១០នាក់ និងជាច្រើននាក់ទៀតកំពុងតែសង្គ្រោះនៅមន្ទីរពេទ្យនោះ ហេតុការណ៍នេះបានកើតឡើងនៅ
ខេត្តពោធិ៍សាត់ ៖ តាមប្រភពព័ត៌មានដែលទទួលបានឱ្យដឹងថា មានករណីស្លា.ប់ដោយសារពុលស្រាជាបន្តបន្ទាប់ចំនួន១០នាក់ និងជាច្រើននាក់ទៀតកំពុងតែសង្គ្រោះនៅមន្ទីរពេទ្យនោះ ហេតុការណ៍នេះបានកើតឡើងនៅភូមិកំពង់ថ្គោល ឃុំអន្សាចំបក់ ស្រុកក្រគរ ។ យ៉ាងនេះក្តី នៅរសៀលថ្ងៃទី២ ខែមិថុនា ឆ្នាំ២០២១នេះ សមត្ថកិច្ចនគរបាលស្រុកក្រគរ ខេត្តពោធិ៍សាត់ មិនទាន់ហ៊ានអះអាងថា ស្លា.ប់ដោយសារពុលស្រានៅឡើយនោះទេ ដរាបណាលទ្ធផលដែលបានចុះស្រាវជ្រាវបញ្ជាក់ចេញពីមន្ត្រីកាំកុងត្រូល និងមន្ត្រីសុខាភិបាល ។
ដោយឡែកយោងតាមអាខោនហ្វេសប៊ុកដែលមានឈ្មោះ Kunthea Eng បានសរសេរក្នុងបណ្ដាញសង្គមថា (សូមអរគុណ ឯកឧត្តម ម៉ៅ ធនិន ដែលបានយកចិត្តទុកដាក់ដល់ប្រជាជនស្លា.ប់ចំនួន១០នាក់ និងនៅមានអ្ន យកមកព្យាបាលមួយចំនួនទៀត ។ ករណីនេះសមត្ថកិច្ចដាក់ការសង្ស័យទៅលើការពុលស្រា.ស ដែលបានកើតឡើងនៅឃុំអន្សាចំបក់ ស្រុកក្រគរខេត្តពោធិ៍សាត់ )។
ជាមួយនឹងព័ត៌មានខាងលើនេះ បើតាមការបញ្ជាក់របស់លោក ឯម រុន អធិការនគរបាលស្រុកក្រគរ ខេត្តពោធិ៍សាត់ បានប្រាប់ភ្នាក់ងារយើងនៅរសៀលថ្ងៃទី២ ខែមិថុនានេះថា លោកមិនហ៊ានថា ករណីស្លា.ប់ជាបន្តបន្ទាប់នេះ ដោយសារការពុលស្រានោះទេ ដរាបណាមានការបញ្ជាក់ពីមន្ត្រីកាំកុងត្រូលនិងមន្ត្រីសុខាភិបាល ព្រមទាំងមានការបញ្ជាក់ពីស្នងការដ្ឋាននគរបាលខេត្តពោធិ៍សាត់ ។
ប៉ុន្តែលោកបានបញ្ជាក់ថា ពិតជាមានអ្នកស្លា.ប់ជាបន្តបន្ទាប់ចាប់តាំងពីថ្ងៃទី២៨ ខែឧសភា រហូតដល់ថ្ងៃទី២ ខែមិថុនានេះ ពិតប្រាកដមែន ។ តែមិនដល់១០នាក់ដូចការលើកឡើងនោះទេ គឺមានចំនួន៧នាក់ និងជាច្រើននាក់ទៀតកំពុងតែសង្គ្រោះ ។
រីឯការស្លា.ប់ គឺមានខ្លះចាស់ជរា ខ្លះទៀតមានជំងឺប្រចាំកាយ និងខ្លះក៏មានការផឹកស្រាពិតមែន ។ ហេតុនេះហើយ សមត្ថកិច្ចមិនទាន់ហ៊ានសន្និដ្ឋានបែបណានោះទេ ពេលនេះមន្ត្រីកាំកុងត្រូលកំពុងតែចុះពិនិត្យ និងស្រាវជ្រាវនៅឡើយ ។ យ៉ាងនេះក្តី ព័ត៌មានជាក់លាក់ នឹងពិតប្រាកដ និងបន្តផ្សាយជូននៅពេលក្រោយទៀត ។
គួរបញ្ជាក់ថា ជុំវិញករណីពុលស្រា ខាងលើនេះ តាមប្រភពដែលទទួលបានពីមន្ត្រីសាលាខេត្តពោធិ៍សាត់ បានឲ្យដឹងថា អ្នកស្លា.ប់ដែលសង្ស័យថាពុលស្រាទាំង៧នាក់សុទ្ធសឹងតែជាមនុស្សស្រីទាំងអស់។ ចំណែកឯអ្នកកំពុងតែសង្គ្រោះបន្ទាន់នៅឯមន្ទីរពេទ្យខេត្តពោធិ៍សាត់ មានចំនួន៣៧នាក់ ក្នុងនោះ២នាក់ធ្ងន់ និងម្នាក់កំពុងសង្គ្រោះបន្ទាន់ ។
ជាមួយគ្នានេះដែរ សមត្ថកិច្ចក៏បានឃាត់ខ្លះខ្លួនស្ត្រីជាអ្នកបិទស្រាម្នាក់ឈ្មោះ គ្រី វណ្ណា អាយុ៥៤ឆ្នាំ មានទីលំនៅភូមិសាន.ក ឃុំអន្សាចំបក់ស្រុកក្រគរ ។ ហើយនៅព្រឹកថ្ងៃទី០២ ខែមិថុនានេះដែរ គេសង្កេតឃើញថា ឯកឧត្តម ម៉ៅ ធនិន អភិបាលខេត្តកំពង់ឆ្នាំង បាននាំយកអំណោយ និងសាកសួរសុខទុក្ខជនរងគ្រោះដែលសង្ស័យ បណ្ដាលមកពីពុលស្រា និងកំពុងសង្គ្រោះព្យាបាលនៅមន្ទីរពេទ្យខេត្តពោធិ៍សាត់ផងដែរ ៕
ចែករំលែកព័តមាននេះ