អ្នកគាំទ្របន្តជូនពរក្រុមជម្រើសជាតិកម្ពុជា លើទឹកដីបារ៉ែន
- ភ្នំពេញ
រាជធានីភ្នំពេញ ៖ មកដល់ពេលនេះ ក្រុមបាល់ទាត់ជម្រើសជាតិកម្ពុជា បានបញ្ចប់ការប្រកួតបានមួយចំនួនហើយនៅលើទឹកដី
រាជធានីភ្នំពេញ ៖ មកដល់ពេលនេះ ក្រុមបាល់ទាត់ជម្រើសជាតិកម្ពុជា បានបញ្ចប់ការប្រកួតបានមួយចំនួនហើយនៅលើទឹកដីបារ៉ែន ខណៈដែលកីឡាករទាំងអស់សុទ្ធតែមានសុខភាពល្អ និងប្រឹងហ្វឹកហាត់នៅលើទឹកនោះ ដើម្បីបញ្ចប់ភារកិច្ចដែលត្រូវទទួលរ៉ាប់រង។ ក្រុមកម្ពុជា ត្រូវគេឃើញ ចាប់ផ្តើមហ្វឹកហាត់តាំងពីទៅដល់ថ្ងៃដំបូង គឺថ្ងៃទី៣០ ខែឧសភា ឆ្នាំ២០២១ នៅកីឡាដ្ឋាននៃប្រទេសបារ៉ែន ដោយក្រុមកម្ពុជាក៏បានប៉ះប្រកួតជាមួយម្ចាស់ផ្ទះបារ៉ែនផងដែរ នៅថ្ងៃទី៣ ខែមិថុនា ឆ្នាំ២០២១ ដែលការប្រកួតនេះ គឺជាការប្រកួតក្នុងជម្រុះជុំទី២ ក្នុងពូល C នៃព្រឹត្តិការណ៍បាល់ទាត់ពិភពលោក នៅប្រទេសកាតា ឆ្នាំ២០២២ (FIFA WORLD CUP QATAR 2022)។
អ្នកគាំទ្រភាគច្រើន នៅតែបន្តគាំទ្របើទោះជាលទ្ធផលប្រកួតរបស់ក្រុមជម្រើសជាតិកម្ពុជា ទទួលលទ្ធផលបែបណា។ អ្វីដែលអ្នកគាំទ្រសប្បាយចិត្ត គឺនៅពេលដឹងថា កីឡាករគ្រប់រូប សុទ្ធតែមានសុខភាពល្អ បន្ទាប់ពីបានចំណាយពេលរហូតដល់៣៨ម៉ោង សម្រាប់ការហោះហើរ និងរង់ចាំនៅតាមអាកាសយានដ្ឋាននានា ក្រុមជម្រើសជាតិកម្ពុជា បានទៅដល់ទឹកដីប្រទេសបារ៉ែន កាលពីថ្ងៃទី២៩ ខែឧសភា ឆ្នាំ២០២១ ខណៈពេលបញ្ហាកូវីត១៩បន្តផ្ទុះខ្លាំ។ ក្រុមកម្ពុជា ដែលដឹកនាំដោយគ្រូបង្គោលជនជាតិជប៉ុន លោក Ryu Hirose និងអ្នកចាត់ការទូទៅ លោក Keisuke Honda រួមទាំងគ្រូជំនួយ ក៏ត្រូវបានធ្វើតេស្តស្វែងរកមេរោគកូវីដ-១៩ យ៉ាងម៉ត់ចត់នៅក្នុងប្រទេសបារ៉ែនផងដែរ បើទោះជាកីឡាករម្នាក់ៗសុទ្ធតែមានសុខភាពល្អ។ ជាក់ស្ដែងតាំងពីទៅដល់រហូតពេលនេះ ក៏តាមដានសុខភាព និង ពិនិត្យសុខភាពនៅតែត្រូវបានធ្វើ ក្នុងពេលដែលប្រទេសបារ៉ែន ក៏មិនតម្រូវអោយធ្វើចត្តាឡីស័កនោះ។ ដោយសារតែលទ្ធផលអវិជ្ជមាន ជាហូរហែរ ទើបធ្វើឲ្យក្រុមជម្រើសជាតិកម្ពុជា អាចចាប់ផ្តើមហ្វឹកហាត់ ប្រកួតជាមួយម្ចាស់ផ្ទះ បារ៉ែន មុនគេ នាវេលាម៉ោង ១១ និង៣០នាទីយប់ (ម៉ោងនៅកម្ពុជា) នាថ្ងៃទី៣ ខែមិថុនា ឆ្នាំ២០២១នេះ។ ក្រុមកម្ពុជា នឹងត្រូវបន្តជួបប្រកួតជាមួយក្រុមជម្រើសជាតិអ៊ីរ៉ាក់ នាថ្ងៃទី៧ ខែមិថុនា ឆ្នាំ២០២១ និង១ប្រកួតចុងក្រោយ ត្រូវប៉ះជាមួយក្រុមជម្រើសជាតិ អ៊ីរ៉ង់ នាថ្ងៃទី១១ ខែមិថុនា ឆ្នាំ២០២១ នៅកីឡដ្ឋាននៃប្រទេសបារ៉ែនដូចៗគ្នា។
សូមរំឭកថា កាលពីជំនួបជើងទី១ ក្នុងពូល C នេះ បានធ្វើឡើងកាលពីឆ្នាំ២០១៩ ដោយក្រុមម្ចាស់ផ្ទះ ក្រុមកម្ពុជាបានប្រកួតចាញ់ក្រុមភ្ញៀវ បារ៉ែន ដោយលទ្ធផល ០ទល់១, ក្រុមម្ចាស់ផ្ទះ កម្ពុជា បានប្រកួតចាញ់ក្រុមភ្ញៀវ អ៊ីរ៉ាក់ ០ទល់៤ និងពេលជួបជាមួយក្រុមម្ចាស់ផ្ទះ អ៊ីរ៉ង់ គឺក្រុមភ្ញៀវ កម្ពុជា បានចាញ់គ្រាប់បាល់រហូតដល់ ០ទល់១៤។ ក្រុមកម្ពុជាបានធ្លាក់ចេញពីវគ្គជម្រុះជុំទី២ នៅក្នុងពូល C នេះហើយ ដោយឆ្លងកាត់៥ប្រកួតកន្លងមក ស្មើ១ប្រកួត និងចាញ់៤ប្រកួត មាន១ពិន្ទុ ឈរនៅលេខ៥ ក្នុងចំណោម៥ក្រុម (អ៊ីរ៉ាក់ បារ៉ែន អ៊ីរ៉ង់ ហុងកុង កម្ពុជា)។ ដូច្នេះហើយ នៅ៣ប្រកួតចុងក្រោយក្នុងពូល C របស់ក្រុមកម្ពុជា គឺជាប្រកួតបំពេញកាតព្វកិច្ច ដែល៣ក្រុមត្រូវប៉ះជាមួយក្រុមកម្ពុជា នាដើមខែមិថុនា ខាងមុខឆាប់ៗនេះ សុទ្ធសឹងជាក្រុមខ្លាំងៗ ប្រចាំទ្វីបអាស៊ី៕
ចែករំលែកព័តមាននេះ