តាកែវ ៖ រដ្ឋបាលខេត្តតាកែវបានចេញលិខិតនៅព្រឹកថ្ងៃទី០២ ខែមិថុនា ឆ្នាំ២០២១នេះ ស្ដីពីការសម្រេចបញ្ចប់ការបិទខ្ទប់ផ្សារសំរោងយ៉ោង ព្រមទាំងបើកឡើងវិញនូវភូមិស្មៅខ្ញី ភូមិចក ភូមិពូនភ្នំ និងភូមិរលាំងគ្រើល…
តាកែវ ៖ រដ្ឋបាលខេត្តតាកែវបានចេញលិខិតនៅព្រឹកថ្ងៃទី០២ ខែមិថុនា ឆ្នាំ២០២១នេះ ស្ដីពីការសម្រេចបញ្ចប់ការបិទខ្ទប់ផ្សារសំរោងយ៉ោង ព្រមទាំងបើកឡើងវិញនូវភូមិស្មៅខ្ញី ភូមិចក ភូមិពូនភ្នំ និងភូមិរលាំងគ្រើល ក្នុងឃុំត្រពាំងសាប ស្រុកបាទី ចាប់ពីថ្ងៃនេះតទៅ ។
នៅក្នុងលិខិតក៏បានធ្វើការណែនាំដល់អាជ្ញាធរគ្រប់លំដាប់ថ្នាក់ ត្រូវធ្វើការផ្សព្វផ្សាយ ដល់ប្រជាពលរដ្ឋនៅមូលដ្ឋានត្រូវអនុវត្តអោយបានម៉ឺងម៉ាត់តាមវិធានការ ៣កុំ ៣ការពារ របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសេចក្ដីណែនាំរបស់ក្រសួងសុខាភិបាល ។
គួបញ្ជាក់ផងដែរថា ផ្សារសំរោងយ៉ោងត្រូវបានរដ្ឋបាលខេត្តបានចេញលិខិតអោយបិទខ្ទប់ កាលពីថ្ងៃទី១៩ ខែឧសភា ២០២១ទៅនេះ បន្ទាប់ពីបានផ្ទុះជំងឺកូវីដ១៩ ទៅលើក្រុមអាជីវករលក់ដូរក្នុងផ្សារនោះ ហើយនៅថ្ងៃទី២ ខែមិថុនា ២០២១ រដ្ឋបាលខេត្តបានមើលឃើញថា ការរីករាលដាកជំងឺកូវីដ ១៩ មានការថយចុះចំពោះក្រុមអាជីវករលក់ដូរក្នុងផ្សារសំរោងយ៉ោងស្រុកបាទីនោះក៏បានចេញលិខិតអោយបើកឡើងវិញ ដើម្បីអោយបងប្អូនអាជីវករបានលក់ដូរជាធម្មតាវិញ តែត្រូវអនុវត្តតាមការណែនាំរបស់ក្រសួងសុខាភិបាលជានិច្ច ពិសេសផែនការការពារ ៣កុំ ៣ការពារ របស់សម្តេចប្រមុខរាជរដ្ឋាភិបាលអោយបានជាប្រចាំ ៕
ចែករំលែកព័តមាននេះ