រាជធានីភ្នំពេញ ៖ នៅក្នុងវិបត្តដែលបង្កឡើងដោយជំងឺកូវីដ១៩ ធ្វើឱ្យប៉ះពាល់ដល់វិស័យជាច្រើនដែលជាជន្ទល់សេដ្ឋកិច្ចកម្ពុជា ក្នុងនោះវិស័យធនាគារនិងហិរញ្ញវត្ថុក៏ទទួលរងឥទ្ធិពលខ្លាំងពី វិបត្តិនៃជំងឺនេះផងដែរ ។ ដើម្បីសម្រាលបន្ទុកដល់ប្រជាពលរដ្ឋកូនបំណុលរបស់ធនាគារនិងមីក្រូហិរញ្ញវត្ថុ ធនាគារនៃកម្ពុជា បានបានដាក់ចេញនូវយុទ្ធសាស្ត្រមួយចំនួនក្នុងនោះ…
រាជធានីភ្នំពេញ ៖ នៅក្នុងវិបត្តដែលបង្កឡើងដោយជំងឺកូវីដ១៩ ធ្វើឱ្យប៉ះពាល់ដល់វិស័យជាច្រើនដែលជាជន្ទល់សេដ្ឋកិច្ចកម្ពុជា ក្នុងនោះវិស័យធនាគារនិងហិរញ្ញវត្ថុក៏ទទួលរងឥទ្ធិពលខ្លាំងពី វិបត្តិនៃជំងឺនេះផងដែរ ។ ដើម្បីសម្រាលបន្ទុកដល់ប្រជាពលរដ្ឋកូនបំណុលរបស់ធនាគារនិងមីក្រូហិរញ្ញវត្ថុ ធនាគារនៃកម្ពុជា បានបានដាក់ចេញនូវយុទ្ធសាស្ត្រមួយចំនួនក្នុងនោះ ការរៀបចំ ឥណទានឡើងវិញក៏ជាផ្នែកមួយនៃយុទ្ធសាស្ត្រនេះផងដែរដែលនឹងជំរុញស្ថិរភាពសេដ្ឋកិច្ចកម្ពុជា ។
បើតាមលោកហេង គយ ប្រធានកិច្ចការទូទៅនៃសមាគមធនាគារនៅកម្ពុជាបានឱ្យដឹងថា ការរៀបចំឥណទានឡើងវិញជាមធ្យោបាយដ៏ត្រឹមត្រូវ ដើម្បីធានាឱ្យសេដ្ឋកិច្ចមានស្ថិរភាព និងអាចសម្រួលបន្ទុកដល់ពលរដ្ឋផងដែរ ។ រហូតមកដល់ដំណាច់ខែមេសា ឆ្នាំ២០២១ ការរៀបចំឥណទានឡើងវិញមានរហូតដល់ជាង៣០ម៉ឺនគណនី និងមានទឹកប្រាក់ជាង៤ពាន់លានដុល្លារអាមេរិក ។
លោកបន្តថា ការរៀបចំឥណទានឡើងវិញនេះ គឺផ្ដោតទៅលើអតិថិជនដែលមានផលប៉ះពាល់ ដោយមិនសំដៅទៅលើឥណទានជានីតិបុគ្គលឬឥណទានជាលក្ខណៈឯកជនឡើយ ។ តែបើតាមការិយាល័យឥណទានកម្ពុជា អ្នកដែលស្នើសុំធ្វើឥណទានឡើងវិញភាគច្រើនជាឥណទានរបស់ក្រុមហ៊ុន ឬនីតិបុគ្គល ។ លោកថា៖« គោលការណ៍នៃការរៀបចំឥណទានឡើងវិញគឺមានភាពបត់បែន ហើយធនាគារជាតិនៃកម្ពុជា ក៏ផ្ដល់ភាពបត់បែននេះ ទៅតាមតម្រូវការរបស់អតិថិជន បូករួមជាមួយនឹងការបត់បែននៃគ្រឹះស្ថាន ដោយអតិថិនខ្លះស្នើសុំរៀបចំឡើងវិញ៣ខែ ខ្លះ មានរហូតដល់៦ខែ ដូច្នេះពេលវេលានៃការផ្ដល់ជូនអតិថិជនគឺអាស្រ័យលើស្ថានភាពជាក់ស្ដែងរបស់អតិថិជន និងភាពបត់បែនរបស់គ្រឹះស្ថានផងដែរ » ។
លោកបន្ថែមថា ការផ្ដល់ការរៀបចំឥណទានឡើងវិញនេះ គឺជាការគិតគូរមួយរបស់ធនាគារជាតិនៃកម្ពុជា ក៏ដូចជារដ្ឋាភិបាលទាំងមូលផងដែរ ព្រោះ ដូចយើងបានឃើញស្រាប់ហើយថានៅពេលមានបញ្ហាដោយសារតែកូវីដ១៩ ជាពិសេសក្នុងអំឡុងនៃការបិទខ្ទប់ដោយសារតែការរីករាលដាលខ្លាំងកាលពីខែមេសា ប្រជាពលរដ្ឋបានបាត់បង់ចំណូលយ៉ាងសន្ធឹកសន្ធាប់ និងមានខ្លះទៀតក៏ត្រូវរងគ្រោះ ដោយសារតែការឆ្លងមេរោគ និងខ្លះតម្រូវធ្វើចត្តាឡីស័ក ដែលមិនអាចចេញទៅប្រកបរបរសកស៊ីបាន ។
លោកបណ្ឌិតអ៊ិន ចាន់នីប្រធានសមាគមធនាគារនៅកម្ពុជាបានលើកឡើងថា ការផ្ដល់ឥណទានឡើងវិញ នៃគឺការសម្រាលបន្ទុកមួយដល់កូនបំណុល ជាក់ស្ដែងពីមុនគាត់ធ្លាប់បង់សង់ត្រលប់ទៅគ្រឹះស្ថានម្ចាស់បំណុលវិញក្នុងមួយខែ២០០ដុល្លារអាមេរិក ដូច្នេះក្រោយពេលធ្វើឥណទានឡើងវិញគាត់អាចបង់ត្រលប់ត្រឹម២០ដុល្លារឬ៣០ដុល្លារ តាមការស្នើសុំនិងពិនិត្យជាក់ស្ដែងរបស់គ្រឹះស្ថានធនាគារនិងមីក្រូហិរញ្ញវត្ថុ។ ការធ្វើបែបនេះ គឺវាអាចជួយឱ្យពលរដ្ឋមានលទ្ធភាពបង់សងត្រលប់ផង ហើយធនាគារក៏នៅតែបន្តសកម្មភាពការងាររបស់ខ្លួនជាប្រចាំថ្ងៃផងដែរ ។
គួរបញ្ជាក់ថា កាលពីពេលកន្លងទៅនេះ សមាគមមីធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានចេញនូវសេចក្ដីប្រកាសជាបន្តបន្ទាប់ ជូនចំពោះអតិថិជនដែលរងផលប៉ះពាល់ដោយសារតែកូវីដ១៩ ដោយពន្យារពេលការបង់ក្នុងរយៈពេលណាមួយបើសិនជាអតិថិជនមានជាប់ពាក់ពន្ធឆ្លងកូវីដ១៩ ឬអតិថិជនដែលតម្រូវជាប់ធ្វើចត្តាឡីស័ក និងបានផ្ដល់ការរៀបចំឥណទានឡើងវិញដល់អតិថិជនដែលប៉ះពាល់ពីវិបត្តិនេះផងដែរ ៕
ចែករំលែកព័តមាននេះ