ADផ្ទាំងផ្សព្វផ្សាយពាណិជ្ជកម្ម

Picture

តំណាង​អយ្យការ​ចោទប្រកាន់​ចិនតៃវ៉ាន់​៧នាក់ និងស្ត្រី​វៀតណាម​ម្នាក់

4 ខែ មុន
  • ភ្នំពេញ

រាជធានី​ភ្នំពេញ ៖ លោក ប្លង់ សុផល ព្រះរាជអាជ្ញា​រង នឹង​ជា​អ្នកនាំពាក្យ​អយ្យការ​អម​សាលាដំបូង​រាជធានី​ភ្នំពេញ បាន​ឲ្យ​ដឹង​នៅ​ព្រឹក​ថ្ងៃ​ទី​២៩ ខែឧសភា នេះ​ថា…

រាជធានី​ភ្នំពេញ ៖ លោក ប្លង់ សុផល ព្រះរាជអាជ្ញា​រង នឹង​ជា​អ្នកនាំពាក្យ​អយ្យការ​អម​សាលាដំបូង​រាជធានី​ភ្នំពេញ បាន​ឲ្យ​ដឹង​នៅ​ព្រឹក​ថ្ងៃ​ទី​២៩ ខែឧសភា នេះ​ថា សំណុំរឿង​ជនជាតិ​ចិនតៃវ៉ាន់​៧ នាក់ នឹង​ស្ត្រី​វៀ​ម​ណា​ម​ម្នាក់ ពាក់​ព័ន្ធ​ករណី​រក្សា​ទុក ដឹក​ជញ្ជូន ឬ​ជួញ​ដោយ​ខុសច្បាប់​នូវ​សារធាតុ​ញៀន នឹង​បទ​.​ផលិត ឬ​ធ្វើ​ចរាច រណ៍​អាវុធ​ជាតិ​ផ្ទុះ នឹង​គ្រាប់រំសេវ​គ្រប់​ប្រភេទ​នោះ ត្រូវ​បាន​លោក ស៊ិ​ត វណ្ណៈ ព្រះរាជអាជ្ញា​រង បើក​ការ​សាកសួរ បាន​ចោទប្រកាន់​ជា​ផ្លូវការ​ហើយ ។

Picture

ក្រោយ​ពី​តំណាង​អយ្យការ​បាន​ធ្វើការ​ចោទប្រកាន់​លើ​ជនសង្ស័យ​ជា​ផ្លូវការ​ហើយ​នោះ សំណុំរឿង​ត្រូវ​បាន​ចាត់​ប​ញ្ជូ ន​ទៅ​ចៅក្រម​ស៊ើបសួរ ដើម្បី​សម្រេច​ឃុំខ្លួន​ដាក់​ពន្ធនាគារ​ជា​បណ្តោះអាសន្ន ។ តំណាង​អយ្យការ​បាន​ចោទប្រកាន់ ៖

១.​ឈ្មោះ LIN PO-I ភេទ​ប្រុស អាយុ​៣៣​ឆ្នាំ២.​ឈ្មោះ CHUANG HUNG TAI ភេទ​ប្រុស អាយុ​៣៦​ឆ្នាំពី​បទ​.​រក្សា​ទុក ដឹក​ជញ្ជូន ឬ​ជួញដូរ​ដោយ​ខុសច្បាប់​នូវ​សារធាតុ​ញៀន ប្រព្រឹត្ត​នៅ​រាជធានី​ភ្នំពេញ កាលពី​ថ្ងៃ​ទី​២១ ខែឧសភា ឆ្នាំ​២០២១ តាម​មាត្រា ៤០ នៃ​ច្បាប់​ស្តី​ពី​ការ​ត្រួតពិនិត្យ​គ្រឿងញៀន ។៣.​ចោទប្រកាន់ ឈ្មោះ WU CHING YUAN ភេទ​ប្រុស អាយុ​៣៣​ឆ្នាំ ពី​បទ​.​រក្សា​ទុក ដឹក​ជញ្ជូន ឬ​ជួញដូរ​ដោយ​ខុសច្បាប់​នូវ​សារធាតុ​ញៀន នឹង​បទ​.​ផលិត ឬ​ធ្វើ​ចរាចរណ៍​អាវុធ​គ្រឿងផ្ទុះ និង​គ្រាប់រំសេវ​គ្រប់​ប្រភេទ ប្រព្រឹត្ត​នៅ​រាជធានី​ភ្នំពេញ កាលពី​ថ្ងៃ​ទី​២១ ខែឧសភា ឆ្នាំ​២០២១ តាម​មាត្រា ៤០ នៃ​ច្បាប់​ស្តី​ពី​ការ​ត្រួតពិនិត្យ​គ្រឿងញៀន នឹង​មាត្រា ៤៨៨ នៃ​ក្រមព្រហ្មទណ្ឌ ។ ៤.​ឈ្មោះ CHAO WEN CHUNG ភេទ​ប្រុស អាយុ​៤១​ឆ្នាំ៥.​ឈ្មោះ LI RUI TENG ភេទ​ប្រុស៦.​ឈ្មោះ ZHANG BO HAN ភេទ​ប្រុស៧.​ឈ្មោះ CHING KHAN HAO ភេទ​ប្រុស៨.​ឈ្មោះ TRUONG QUYNH NUT ភេទស្ត្រី ជនជាតិ​វៀតណាម ត្រូវ​បាន​ចោទ​ប្រកាប់​ពី​បទ​.​រក្សា​ទុក​ដោយ​ខុសច្បាប់​នូវ​សារធាតុ​ញៀន និង​បទ​.​ផលិត ឬ​ធ្វើ​ចរាចរណ៍​អាវុធ គ្រឿងផ្ទុះ និង​គ្រាប់រំសេវ​គ្រប់​ប្រភេទ ប្រ​ពឹត្ត​នៅ​រាជធានី​ភ្នំពេញ​កាលពី​ថ្ងៃ​ទី​២១ ខែឧសភា ឆ្នាំ​២០២១ តាម​មាត្រា ៤០ នៃ​ច្បាប់​ស្តី​ពី​ការ​ត្រួតពិនិត្យ​គ្រឿងញៀន នឹង​មាត្រា ៤៨៨ នៃ​ក្រមព្រហ្មទណ្ឌ ។

Picture

សូម​រម្លឹក​ថា កាលពី​ថ្ងៃ​ទី​២៧ ខែឧសភា ឆ្នាំ​២០២១ កម្លាំង​សមត្ត​កិច្ច​ការិយាល័យ​ជំនាញ​ទី​១០ នៃ​មន្ទីរ​ប្រឆាំង​បទល្មើស​គ្រឿងញៀន អគ្គស្នងការដ្ឋាន​នគរបាល​ជាតិ បាន​ចាប់​បញ្ជូន​ជនជាតិ​ចិនតៃវ៉ាន់​ចំនួន​៧ នាក់ នឹង​ស្ត្រី​ជនជាតិ​វៀតណាម​ម្នាក់ ទៅ​កាន់​សាលាដំបូង​រាជធានី​ភ្នំពេញ ពាក់ព័ន្ធ​ករណី​រក្សា​ទុក ជួញដូរ ដឹក​ជញ្ជូន នឹង​ប្រើប្រាស់​នូវ​សារធាតុ​ញៀន នឹង​កាន់កាប់​អាវុធ​ដោយ​ខុសច្បាប់ ។

តាម​ប្រភព​ព័ត៌មាន​ឲ្យ​ដឹង​ថា ជនសង្ស័យ​ទាំង​៨ នាក់​នោះ​ត្រូវ​បាន​សមត្ត​កិច្ច​នគរបាល​មន្ទីរ​ប្រឆាំង​បទល្មើស​គ្រឿងញៀន សហការ​ជាមួយ​អាជ្ញាធរ​មូលដ្ឋាន នៃ​ស្នងការដ្ឋាន​នគរបាល​រាជធានី​ភ្នំពេញ ក្រោម​ការ​សម្របសម្រួល​ពី​ស្ថាប័ន​អយ្យការ​អម​សាលាដំបូង​រាជធានី​ភ្នំពេញ ចុះ​បង្ក្រាប​ចំនួន​២ គោលដៅ ពោល​គឺ​គោលដៅ​ទី​១.​កាលពី​ថ្ងៃ​ទី​២១ ខែឧសភា ឆ្នាំ​២០២១ ស្ថិត​នៅ​ក្នុង​សង្កាត់​ទួល​សង្កែ នឹង​ក្នុង​បុរី​បឹង​កក់ សង្កាត់​ស្រះ​ចក ខណ្ឌដូនពេញ ឃាត់ខ្លួន​ជនសង្ស័យ​២ នាក់ ជា​ជនជាតិ​ចិនតៃវ៉ាន់ និង​ចាប​យក​វត្ថុ​តាង​សារធាតុ​ញៀន​ប្រភេទ​(​កេ​តា​មីន​)​ទម្ងន់​ប្រមាណ​ជិត​១ គីឡូក្រាម ។ នឹង គោលដៅ​ទី​២ នៅ​ថ្ងៃ​ដដែល សមត្ត​កិច្ច​បាន​ឆ្មក់​ចូល​បង្ក្រាប នៅ​ចំណុច​គោលដៅ រី​ហ្សត​ឈ្មោះ សមាធិ​ឡេ​ក ភូមិ​ច្រេស សង្កាត់​គោក​ឃ្លាង ខ័​ណ្ឌ​សែន​សុខ រាជធានី​ភ្នំពេញ នឹង​បាន​ធ្វើការ​ឃាត់ខ្លួន​ជនសង្ស័យ​៦ នាក់ មាន​ម្នាក់​ជា​ជនជាតិ​វៀតណាម ។

Picture

ក្នុង​នោះ សមត្ថកិច្ច​បាន​ចាប់​យក​វត្ថុ​តាង​រួម​មាន ៖
១.​ម្សៅ​ក្រាម​ព័​ណ​ស​ថ្លា សារធាតុ​ញៀន​ប្រភេទ​.​កេ​តា​មីន​.៨១៤.៨១ ក្រាម ។
២.​ថ្នាំ​គ្រាប់​ព័​ណ​ស្វាយ ជា​ធាតុ​ញៀន​ប្រភេទ​អិ​ច​ស្តា​ស៊ី (MDMA)​ទម្ងន់ ១៨.៧១​ក្រាម ។
រថយន្ត​ម៉ា TOYOTA TUNTRA ព័​ណ​ស ស្លាក​លេខ​ភ្នំពេញ ២BA០៥៣៨
៣.​ជញ្ជីង​សម្រាប់​ថ្លឹង​គ្រឿងញៀន ១ គ្រឿង
៤.​បង់​កាំភ្លើង​AK៤៧ ៤​បង់
៥.​ស្រោម​កាំភ្លើង​AK៤៧ ២
៦.​ស្រោម​កាំភ្លើងខ្លី ៣
៧.​អាវុធ​វែង​ម៉ាក​AK ៤៧ ចំនួន​១​ដើម
៨.​អាវុធ​វែង​ម៉ា​កាលី​ឌូ ១​ដើម
៩.​អាវុធ​ខ្លី​ម៉ាក G.LOCK ១​ដើម
១០.​អាវុធ​ខ្លី​ម៉ាក SIG.SUAER ២ ដើម
១១.​គ្រាប់កាំភ្លើង AK.៤៧ ចំនួន ៤៩០ គ្រាប់
១២.​គ្រាប់​កាំភ្លើងខ្លី ចំនួន ២៩២ គ្រាប់
១៣.​គ្រាប់កាំភ្លើង​កាលី​ឌូ ២៥ គ្រាប់
១៣.​បង់វែង ៥
១៤.​បង់​ខ្លី ៩
១៥.​ចំពោះ​ដី ១​គូ
១៦.​ប្រអប់​កាំភ្លើង ៥ ប្រអប់ ។

ក្រោយ​ពី​ឃាត់ខ្លួន​ជនសង្ស័យ នឹង​វត្ថុ​តាង​ទាំង​អស់នោះ ត្រូវ​សមត្ត​កិច្ច​កសាង​សំណុំរឿង​បញ្ជូន​ទៅ​កាន់​សាលាដំបូង​រាជធានី​ភ្នំពេញ​តាម​នីតិវិធី នឹង​បាន​ធ្វើការ​ចោទប្រកាន់​ជា​ផ្លូវការ ដើម្បី​ឃុំខ្លួន​ដាក់​ពន្ធនាគារ​ជា​បណ្តោះអាសន្ន រង់ចាំ​ការ​កាត់ទោស​តាម​ច្បាប់​កំណត់ ៕ ដោយ ៖ ឃឹម ប៊ុ​ន​ណា​ក់

Picture