ស្រុកព្រៃនប់៖ នៅថ្ងៃទី២៤ ឧសភា វេលាម៉ោង៦និង៥០នាទីព្រឹកនេះ មានករណីគ្រោះថ្នាក់ចរាចរណ៍រថយន្តបុកបន្តក្នុងទិសដៅបញ្ច្រាសគ្នា ខណៈមេឃកំពុងធ្លាក់ភ្លៀងផងដែរ ស្ថិតនៅតាមបណ្តោយផ្លូវជាតិលេខ៤ ចន្លោះបង្គោលគីឡូម៉ែត្រលេខ ២០០-២០១ ក្នុងភូមិអូរតាសេក…
ស្រុកព្រៃនប់៖ នៅថ្ងៃទី២៤ ឧសភា វេលាម៉ោង៦និង៥០នាទីព្រឹកនេះ មានករណីគ្រោះថ្នាក់ចរាចរណ៍រថយន្តបុកបន្តក្នុងទិសដៅបញ្ច្រាសគ្នា ខណៈមេឃកំពុងធ្លាក់ភ្លៀងផងដែរ ស្ថិតនៅតាមបណ្តោយផ្លូវជាតិលេខ៤ ចន្លោះបង្គោលគីឡូម៉ែត្រលេខ ២០០-២០១ ក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
សេចក្តីរាយការណ៍ឱ្យដឹងថា គ្រោះថ្នាក់នេះកើតឡើងរវាងរថយន្តមួយគ្រឿងម៉ាក SSANGYONG ពណ៌.ស ពាក់ផ្លាកលេខភ្នំពេញ 2AT-5358 មានទិសដៅពីខេត្តព្រះសីហនុទៅ រាជធានីភ្នំពេញ បើកបរដោយឈ្មោះ ណុប រៀន ភេទប្រុស អាយុ ៣៨ឆ្នាំ មានទីលំនៅភូមិស្រែចាមលើ ឃុំអូរជ្រៅ ស្រុកព្រៃនប់ ខេត្តព្រះសីហនុ ។ លុះមកដល់ចំណុចខាងលើ បានបុកជាមួយរថយន្ត១គ្រឿងម៉ាក LEXUS RX 300 ពណ៌ខ្មៅ ពាក់ផ្លាកលេខភ្នំពេញ 2T-4688 ដែលមានទិសដៅផ្ទុយគ្នា ។
ខណៈនោះ ក៏មានរថយន្ត០១គ្រឿងទៀត ម៉ាក TOYOTA HIGHLANDER ពណ៌ខ្មៅ ពាក់ផ្លាកលេខភ្នំពេញ 2AT-5358 ដែលមានទិសដៅស្របនឹងរថយន្ត LEXUS បើកបរដោយឈ្មោះ ញ៉ សុខជា ភេទប្រុស អាយុ ៣៤ឆ្នាំ មានទីលំនៅភូមិតាំងក្រង់ ឃុំស្វាយទាប ស្រុកចំការលើ ខេត្តកំពង់ចាមបានបុករថយន្ត LEXUS បន្ថែមទៀត។
ករណីគ្រោះថ្នាក់ខាងលើ បណ្តាលអោយមានមនុស្សរងរបួសមនុស្សម្នាក់ឈ្មោះ ណុប រៀន ជាអ្នកបើកបររថយន្ត SSANGYONG រីឯអ្នកបើកបររថយន្ត LEXUS បានរត់គេចខ្លួនបាត់ ក្រោយពេលកើតហេតុ ។ ដោយ៖ ហ៊ុយ ចាន់ធួន
ឡ
ចែករំលែកព័តមាននេះ