ទុក្ខជាន់លើទុក្ខ! បាត់ខ្លួនមនុស្សជាង១០០នាក់ ក្នុងហេតុការណ៍លិចកប៉ាល់នៅឥណ្ឌា
ឥណ្ឌា ៖ មនុស្សចំនួន១២៧នាក់បានបាត់ខ្លួននៅថ្ងៃទី១៨ ខែឧសភា នេះ បន្ទាប់ពីកប៉ាល់ មួយគ្រឿងដែលចាកចេញពីឆ្នេរសមុទ្រ
រកឃើញអ្នកឆ្លងកូវីដ១៩ ថ្មី ចំនួន៣៥នាក់បន្ថែមទៀតនៅខេត្តសៀមរាម
ស្ត្រីម្នាក់ចូលដេកក្នុងទូ ATM លុះសន្តិសុខហាមឃាត់ ស្រាប់តែអុកឡុកស្រា.តខោអាវពេញផ្លូវ
ទីតាំងខារ៉ាអូខេ ២កន្លែងបំពានបម្រាមលួចបើកត្រូវបង្រ្កាបក្តោបបានមនុស្សប្រុសស្រី៣២នាក់
កូវីដ-១៩ ៖ ត្រឹម២សប្តាហ៍កម្ពុជាមានអ្នកស្លា.ប់ច្រើនជាង១៤០នាក់ នាំចូលពីក្រៅប្រទេសជិត៥២០ករណី
ថ្ងៃនេះ! អ្នកស្លា.ប់ដោយកូវីដ១៣នាក់ រកឃើញអ្នកឆ្លងថ្មី៤៩៥នាក់ ខណៈជាសះស្បើយ៦០៤នាក់
អាជ្ញាធរគួរពិនិត្យដែលគេកំពុងកាប់បង្ហូរទឹកស្អុយចេញពីហាងគុយទាវចូលស្ទឹងសង្កែ
កម្លាំងកាយអាចខ្សោយបាន តែកម្លាំងចិត្តត្រូវតែខ្លាំង
វិស័យកសិកម្មនៅកម្ពុជា៖ ជប៉ុន-កម្ពុជាកំពុងអនុវត្តគម្រោងសំខាន់ៗចំនួន៣
ក្រុមប្រឹក្សាឃុំព្រែកសាម៉ាន់ម្នាក់ត្រូវចោទប្រកាន់ថា «បានរំលោភយកដីទីទួលកប់ខ្មោចរបស់អ្នកភូមិ»
ឥណ្ឌា ៖ មនុស្សចំនួន១២៧នាក់បានបាត់ខ្លួននៅថ្ងៃទី១៨ ខែឧសភា នេះ បន្ទាប់ពីកប៉ាល់មួយគ្រឿងដែលចាកចេញពីឆ្នេរសមុទ្រនៅទីក្រុងម៉ុមបៃ បានលិចអំឡុងពេលមានព្យុះស៊ីក្លូន Tauktae។ ខណៈដែលកងទ័ពជើងទឹកឥណ្ឌាបាននិយាយថា មកដល់ពេលនេះ នាវាសង្គ្រោះ និងឧទ្ធម្ភាគចក្រចំនួន២គ្រឿង ត្រូវបានដាក់ពង្រាយដើម្បីជួយក្នុងដំណើរការរុករក។ នេះបើតាមការចេញផ្សាយពីសារព័ត៌មាន CNA។
កប៉ាល់ដែលលិចនេះ បានដឹកមនុស្សចំនួន ២៧៣នាក់ ហើយបានចាកចេញកាលពីថ្ងៃ១៧ ខែឧសភា កន្លងទៅ។ ខណៈដែលព្យុះស៊ីក្លូន Tauktae បានបោកបក់នៅឆ្នេរភាគខាងលិចប្រទេសឥណ្ឌា។ ដោយបណ្តាលឱ្យមានរលកធំៗបោកបក់យ៉ាងខ្លាំង។
ក្រសួងការពារជាតិឥណ្ឌាបាននិយាយថា មនុស្ស ១៤៦នាក់ត្រូវបានជួយសង្គ្រោះចេញពីកប៉ាល់នោះ។ ហើយដំណើរការរុករកត្រូវរំពឹងថា នឹងបន្តពេញមួយថ្ងៃ ដើម្បីស្វែងរកអ្នកដែលបានបាត់ខ្លួន។ បើទោះជាស្ថានភាពទឹកសមុទ្រមានរលកបោកបក់ខ្លាំងយ៉ាងណាក៏ដោយ។
បើយោងតាមកាសែត The Tribune របស់ឥណ្ឌាបានពិពណ៌នាថា កប៉ាល់ដែលបានលិចនោះ គឺជាប្រភេទកប៉ាល់ប្រើប្រាស់ក្នុងគោលបំណងវិស្វកម្ម និងដឹកទំនិញ។
ព្យុះស៊ីក្លូន Tauktae បានវាយប្រហារនៅក្នុងរដ្ឋ Kerala, Goa, Maharashtra និងរដ្ឋ Gujarat របស់ឥណ្ឌា។ ដោយបានបំផ្លិចបំផ្លាញផ្ទះសំបែង និងបណ្តាលឱ្យបាក់រលំដើមឈើ និងបង្គោលភ្លើងជាច្រើន។ ខណៈដែលមនុស្សរាប់ពាន់នាក់ត្រូវបានជម្លៀសចេញ។ ហើយអាជ្ញាធរនៅទីក្រុងម៉ុមបៃ ក៏បានផ្លាស់ប្តូរអ្នកជំងឺកូវីដ១៩ចំនួន ៦០០នាក់នៅក្នុងមន្ទីរពេទ្យទៅកាន់កន្លែងមានសុវត្ថិភាព។
គ្រោះធម្មជាតិដ៏អាក្រក់នេះ បានបន្ថែមបន្ទុកមួយទៀតដល់រដ្ឋាភិបាលឥណ្ឌា។ ខណៈដែលបច្ចុប្បន្នប្រទេសនេះ កំពុងតែប្រយុទ្ធប្រឆាំងនឹងការឆ្លងរីករាលដាលធ្ងន់ធ្ងរបំផុតនៃវីរុសកូវីដ១៩។ ដែលបានស.ម្លា.ប់មនុស្សយ៉ាងហោចណាស់ ៤,០០០នាក់ជារៀងរាល់ថ្ងៃ និងកំពុងប៉ះពាល់យ៉ាងខ្លាំងដល់ប្រព័ន្ធសុខាភិបាលជាតិផងដែរ៕
