នាយករដ្ឋមន្ត្រីអ៊ីស្រាអែល ប្តេជ្ញាបន្តវាយប្រហារលើក្រុមហាម៉ាស់នៅតំបន់ហ្គាហ្សា
អ៊ីស្រាអែល ៖ នាយករដ្ឋមន្ត្រីអ៊ីស្រាអែល លោក Benjamin Netanyahu ប្តេជ្ញាថានឹងបន្តឆ្លើយតបដោយបង្ខំ ចំពោះការវាយប្រហារ
អ៊ីស្រាអែល ៖ នាយករដ្ឋមន្ត្រីអ៊ីស្រាអែល លោក Benjamin Netanyahu ប្តេជ្ញាថានឹងបន្តឆ្លើយតបដោយបង្ខំ ចំពោះការវាយប្រហារ
អ៊ីស្រាអែល ៖ នាយករដ្ឋមន្ត្រីអ៊ីស្រាអែល លោក Benjamin Netanyahu ប្តេជ្ញាថានឹងបន្តឆ្លើយតបដោយបង្ខំ ចំពោះការវាយប្រហារដោយគ្រាប់រ៉ុក្កែតលើក្រុមសកម្មប្រយុទ្ធប៉ាឡេស្ទីននៅតំបន់ហ្គាហ្សា ដែលបានឈានដល់ថ្ងៃទី៧ហើយ។ (នេះបើតាមការចេញផ្សាយពីសារព័ត៌មាន BBC នៅថ្ងៃទី១៦ ខែឧសភា នេះ)
មន្ត្រីសុខាភិបាលប៉ាឡេស្ទីនបាននិយាយថា ការវាយប្រហារតាមអាកាសរបស់អ៊ីស្រាអែលលើតំបន់ហ្គាហ្សា បានស.ម្លា.ប់ប្រជាជនប៉ាឡេស្ទីនយ៉ាងហោចណាស់ចំនួន ៣ នាក់បន្ថែមទៀត នៅព្រឹកព្រលឹមថ្ងៃ១៦ ខែឧសភា នេះ។
ក្រុមសកម្មប្រយុទ្ធប៉ាឡេស្ទីន បានបន្តបាញ់រ៉ុក្កែតឆ្ពោះទៅកាន់ទីក្រុង Tel Aviv ដែលបណ្តាលឱ្យប្រជាជនរស់នៅទីនោះរត់ភៀសខ្លួនទៅកាន់កន្លែងសុវត្ថិភាព។ ស្របពេលដែលសហគមន៍អន្តរជាតិ ក៏បានអំពាវនាវដល់ភាគទាំងពីរឱ្យបញ្ឈប់ជម្លោះដែលកំពុងកើតឡើង។
ដោយឡែកកាលពីថ្ងៃទី១៥ ខែឧសភា ប្រធានាធិបតីសហអាមេរិក លោក ចូ ប៊ៃដិន ក៏បានហៅទូរស័ព្ទដោយផ្ទាល់ទៅកាន់នាយករដ្ឋមន្ត្រីអ៊ីស្រាអែល និងប្រធានាធិបតីប៉ាឡេស្ទីន លោក Mahmoud Abbas ដើម្បីសំដែងការព្រួយបារម្ភអំពីស្ថានភាពនេះ។ ខណៈដែលកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ (UN) នឹងត្រូវធ្វើឡើងនៅក្នុងថ្ងៃនេះផ្ទាល់តែម្តង។
សូមបញ្ជាក់ថា ចាប់តាំងពីការប្រយុទ្ធគ្នាបានចាប់ផ្តើមកាលពីថ្ងៃទី១០ ខែឧសភា កន្លងមក មនុស្សយ៉ាងតិច ១៤៨នាក់ត្រូវបានស.ម្លាប់.នៅឯតំបន់ហ្គាហ្សា ក្នុងនោះ ៤១នាក់ជាកុមារ។ នេះបើយោងតាមការអះអាងពីមន្ត្រីប៉ាឡេស្ទីន។ ស្របពេលដែលអ៊ីស្រាអែលបានរាយការណ៍ថា មានមនុស្ស ១០នាក់បានស្លា.ប់ ដោយក្នុងនោះរួមទាំងកុមារ ២នាក់ផងដែរ។
ថ្លែងនៅក្នុងសុន្ទរកថាតាមទូរទស្សន៍កាលពីល្ងាចថ្ងៃទី១៦ ខែឧសភា នាយករដ្ឋមន្ត្រីអ៊ីស្រាអែលបាននិយាយថា ការវាយប្រហារនឹងបន្ដដរាបណាមានភាពចាំបាច់។ ហើយលោកបានអះអាងថា អ្វីគ្រប់យ៉ាងដែលអាចធ្វើបានគឺកំពុងត្រូវបានធ្វើ ដើម្បីកំណត់ចំនួនជនស៊ីវិលដែលស្លា.ប់ និងរបួស៕
ចែករំលែកព័តមាននេះ