ហ៊ុមព័ទ្ធបិទខ្ទប់ផ្ទះសំណាក់ «សោភា» ទាំងយប់ ក្រោយពីអ្នកវិជ្ជមានកូវីដ១៩ចូលស្នាក់នៅ
- ឧត្តរមានជ័យ
សមត្ថកិច្ចគ្រប់ស្ថាប័នបានធ្វើការហ៊ុមព័ទ្ធផ្ទះសំណាក់ ដែលមានយីហោ «សោភា» កាលពីវេលាម៉ោងប្រមាណ៨យប់ ដោយដាក់ការសង្ស័យថា
សមត្ថកិច្ចគ្រប់ស្ថាប័នបានធ្វើការហ៊ុមព័ទ្ធផ្ទះសំណាក់ ដែលមានយីហោ «សោភា» កាលពីវេលាម៉ោងប្រមាណ៨យប់ ដោយដាក់ការសង្ស័យថា
ខេត្តឧត្តរមានជ័យ ៖ ក្រុមគ្រូពេទ្យចត្តាឡីស័ក រួមទាំងក្រុមអាជ្ញាធរមូលរដ្ឋាន កងកម្លាំងសមត្ថកិច្ចគ្រប់ស្ថាប័នបានធ្វើការហ៊ុមព័ទ្ធផ្ទះសំណាក់ ដែលមានយីហោ «សោភា» កាលពីវេលាម៉ោងប្រមាណ៨យប់ថ្ងៃទី១៥ ខែឧសភា ឆ្នាំ២០២១ ។ ហេតុការណ៍នេះកើតឡើងនៅក្នុងភូមិអូរចញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ដោយដាក់ការសង្ស័យថា មានឆ្លងជំងឺកូវីដ១៩ ក្រោយពីមានបុរសវិជ្ជមានកូវីដ១៩ម្នាក់ចូលស្នាក់នៅ។
ទាក់ទិនទៅនឹងហេតុការណ៍បិទខ្ទប់ផ្ទះសំណាក់ដែលមានយីហោ «សោភា» ទាំងយប់នេះ ខណៈមានក្រុមការងារប្រតិ្តកម្មរហ័សឆ្លើយតបពីមន្ទីរសុខាភិបាលខេត្តប៉ៃលិនថា មានឈ្មោះ គេង រ៉ាវី ភេទប្រុសអាយុ២៦ឆ្នាំ មុខរបរបើកបររថយន្ត ម៉ាកព្រូស ពាក់ស្លាលេខ ២A J ៧៤ ៩៨ ធ្វើដំណើរលក់សំបករថយន្តគ្រប់តាមបណ្តាខេត្ត-ក្រុងក្នុង របស់ក្រុមហ៊ុន Wing Forco ដែលមានវិជ្ជមានកូវីដ១៩ ។
បើតាមលោក នៅ សំអន ប្រធានប្រតិបត្តិស្រុកបានបញ្ជាក់ថា ឈ្មោះ គេង រ៉ាវី នេះ បានធ្វើដំណើរចេញពីលំនៅឋានកាលពីថ្ងៃទី៨ ខែឧសភា ឆ្នាំ២០២១ ដោយបើកបររថយន្តធ្វើដំណើរលក់សំបករថយន្តតាមខេត្ត-ក្រុង ។ លុះរហូតមកទល់នឹងថ្ងៃទី១៤ ខែឧសភា ឆ្នាំ២០២១ ឈ្មោះ គេង រ៉ាវី បានមកស្នាក់នៅក្នុងផ្ទះសំណាក់ «សោភា» ហើយក៏បានបន្តធ្វើដំណើរទៅដល់ខេត្តបន្ទាយមានជ័យ បាត់ដំបង និងខេត្តប៉ៃលិន ទើបក្រុមគ្រូពេទ្យចតាឡីស័កខេត្តប៉ៃលិន ធ្វើតេស្តរកឃើញថា វិជ្ជមានកូវីដ ១៩។
លោក នៅ សំអន ប្រធានប្រតិបត្តិស្រុក បន្តថា យោងទៅតាមការណែនាំរបស់ក្រសួងសុខាភិបាលបានចេញវិធានការថា ការប៉ះពាល់ និងការពាក់ព័ន្ធជាមួយនឹងមនុស្សដែលមានការសង្ស័យ ឬមនុស្សដែលមានវិជ្ជមានកូវីដ១៩ នោះ ត្រូវតែអនុវត្តន៍ធ្វើចតាឡីស័កក្នុងរយៈពេល១៤ថ្ងៃ ដើម្បីពិនិត្យសំណាកលើកទី១ និងលើកទី២ រួចរាល់សិន៕
ចែករំលែកព័តមាននេះ