ខេត្តកំពង់ឆ្នាំង ៖ យោងតាមផេកផ្លូវការរបស់អង្គភាពការពារកុមារ ហៅកាត់ថា CPU បានបញ្ជាក់ថានៅថ្ងៃទី១៣ ខែឧសភា ឆ្នាំ២០២១ វេលាម៉ោង១០ព្រឹកនេះ ជនជាប់ចោទឈ្មោះ…
ខេត្តកំពង់ឆ្នាំង ៖ យោងតាមផេកផ្លូវការរបស់អង្គភាពការពារកុមារ ហៅកាត់ថា CPU បានបញ្ជាក់ថានៅថ្ងៃទី១៣ ខែឧសភា ឆ្នាំ២០២១ វេលាម៉ោង១០ព្រឹកនេះ ជនជាប់ចោទឈ្មោះ នន់ សារ៉េត ត្រូវបាន សាលាដំបូងខេត្តកំពង់ឆ្នាំង ផ្ដន្ទាទោសពីបទឃាត.កម្មគិតទុកជាមុន ទៅលើជនរងគ្រោះចំនួន៥នាក់ (ម្តាយនិងកូនៗ) និងពីបទលាក់បំបាំងភស្តុតាង ដែលបានចែងក្នុងមាត្រា 200 នៃក្រមព្រហ្មទណ្ឌបទល្មើសឃាតកម្មគិតទុកជាមុន គឺមានទោសជាប់ពន្ធនាគាអស់មួយជីវិត ។
ក្នុងខ្លឹមសារដដែលបានបន្តថា នៅវេលាម៉ោង៨យប់ ថ្ងៃទី៩ ខែឧសភា ឆ្នាំ២០២១ ជនល្មើសមានជម្លោះយ៉ាងខ្លាំងជាមួយប្រពន្ធរបស់ខ្លួន ក្នុងនោះជនល្មើសបានយកកន្ត្រៃទៅចាក់ប្រពន្ធរបស់ខ្លួនជាច្រើនលើកលើផ្នែកទ្រូង បណ្ដាលឱ្យជនរងគ្រោះរបួសធ្ងន់ធ្ងរ បន្ទាប់មកជនល្មើសបានបន្តហិង្សាទៅលើកូនតូចដែលមានអាយុ២ឆ្នាំ បណ្ដាលឲ្យបាត់បង់ជីវិត។
ភស្តុតាងបានបង្ហាញឃើញថា ជនល្មើសបានបន្តប្រហារទៅលើកូនចុងរបស់ខ្លួនអាយុ៩ឆ្នាំ ដោយច្របាច់.ក ចំណែកឯកូនភ្លោះ២នាក់ទៀតដែលមានអាយុ៧ឆ្នាំ បានឃើញនូវអំពើរបស់ឪពុកចុងទាំងនេះ ក៏រត់ចូលទៅក្នុងបន្ទប់គេង ហើយក៏បានកាន់ ឬឱបដៃគ្នាដោយការភ័យខ្លាច។
ភស្តុតាងបានបង្ហាញឃើញថា ជនល្មើសបានខ្ទាស់សោបន្ទប់គេងរបស់កូនភ្លោះចុងទាំង២ខាងលើពីខាងក្រៅ បន្ទាប់មកជនល្មើសក៏បានដុតពូក និងខោអាវ ដើម្បីផ្ដើមអគ្គីភ័យ។ ជនល្មើសក៏បានរង់ចាំនៅក្នុងផ្ទះ រហូតដល់អគ្គិភ័យចាប់ផ្ដើមរីករាលដាល ទាំងដឹងថា កូនភ្លោះទាំង២នាក់នៅមានជីវិតនៅឡើយ ហើយជាប់សោនៅក្នុងបន្ទប់គេង។ ខណៈពេលដែលអគ្គិភ័យឆាបឆេះផ្ទះទាំងស្រុង ជនល្មើសក៏បានចេញមកក្រៅ និងរង់ចាំរហូតដល់អ្នកជិតខាងប្រទះឃើញ។
ភស្តុតាងខាងលើបង្ហាញទៀតថា ជនរងគ្រោះខ្លះបានស្លា.ប់ដោយរបួសមុនពេលមានអគ្គិភ័យកើតឡើង ហើយមួយចំនួនទៀតក៏បានស្លា.ប់ក្នុងអគ្គីភ័យនោះ ។ ចំណែកសាកស.ពកូនភ្លោះទាំង២នាក់ត្រូវបានរកឃើញក្នុងស្ថានភាពអោបគ្នា។
ក្រោយមកជនល្មើសត្រូវបានកម្លាំងសមត្ថកិច្ចឃាត់ខ្លួន និងបានផ្ដល់សេចក្តីបំភ្លឺមួយចំនួនទៅកម្លាំងសមត្ថកិច្ច រៀបរាប់អំពីការផ្ដើមនូវអគ្គិភ័យនេះ ក្នុងពេលក្រុមការងារជំនាញ បានចាប់ផ្ដើមធ្វើកោសល្យវិច្ច័យទៅលើសាកស.ព និងកន្លែងកើតហេតុទាំងស្រុង ។ ពេលដែលក្រុមការងារ រៀបរាប់ និងសួរអំពីភស្តុតាងប្រជាសាស្ត្រមួយចំនួនទៅកាន់ជនល្មើស គេក៏បានសារភាពអំពីឃាតកម្ម និងអគ្គីភ័យ ។ នេះជាអំពើដ៏ឃោរ.ឃៅលើសពីការស្មានរបស់អ្នកណាទាំងអស់។
នៅក្នុងផេកដដែលក៏បានថ្លែងអំណរគុណដល់កងកម្លាំងសមត្ថកិច្ចទាំងអស់ដែរបានជ្រោមជ្រែងក្នុងការស៊ើបអង្កេតនេះ មាននាយកដ្ឋាននគរបាលព្រហ្មទណ្ឌ និងនាយកដ្ឋាននគរបាលបច្ចេកទេសវិទ្យាសាស្ត្រនៃក្រសួងមហាផ្ទៃនាយកដ្ឋាននគរបាលព្រហ្មទណ្ឌ និងនាយកដ្ឋាននគរបាលបច្ចេកទេស និងវិទ្យាសាស្ត្រនៃស្នងការដ្ឋាននគរបាលខេត្តកំពង់ឆ្នាំង សមាជិកក្រុមការងារស៊ើបអង្កេតបទល្មើសមនុស្ស.ឃាត HIT និងក្រុមការងារបច្ចេកទេសវិទ្យាសាស្ត្រ FST នៃអង្គភាពការពារកុមារ CPU និងអ្នកជំនាញនៅប្រទេសអូស្ត្រាលីទាំងអស់ ដែលបានរួមសហការគ្នាធ្វើការការងារបានល្អប្រសើរ ដើម្បីស្វែងរកការពិត និងយុត្តិធម៌ជូនជនរងគ្រោះ។
គួររំលឹកថា ៖ ការពិតត្រូវបានលាតត្រដាង! ករណីឆេះស្លា.ប់ទាំងម្តាយ និងកូនៗ៤នាក់នោះ គឺជាស្នាដៃប្តី ។ គួររំលឹកបន្តថា ៖ ចម្លើយសារភាពបុរសជាប្តី ក្រោយពេលដុតផ្ទះសម្លា.ប់ម្តាយ និងកូនតូចៗ៤នាក់ ។ គួររំលឹកទៀតថា ៖ ពិតទេ! វត្ថុបុរាណ«កងជើងទេវរូប» ពាក់ព័ន្ធនឹងករណីប្តីសម្លា.ប់ប្រពន្ធនិងកូន៤នាក់រួចដុតផ្ទះ ៕
ចែករំលែកព័តមាននេះ