រាជធានីភ្នំពេញ ៖ ទីបំផុត នៅរសៀលថ្ងៃទី១១ ខែឧសភា ឆ្នាំ២០២១នេះ បុរសម្នាក់ដែលបានប្រើប្រាស់គណនីហ្វេសបុកឈ្មោះ ឱសថបុរាណភ្នំទ្រទ្រង់ ត្រូវបានសមត្ថកិច្ច នៃអធិការដ្ឋាននគរបាលខណ្ឌមានជ័យ…
រាជធានីភ្នំពេញ ៖ ទីបំផុត នៅរសៀលថ្ងៃទី១១ ខែឧសភា ឆ្នាំ២០២១នេះ បុរសម្នាក់ដែលបានប្រើប្រាស់គណនីហ្វេសបុកឈ្មោះ ឱសថបុរាណភ្នំទ្រទ្រង់ ត្រូវបានសមត្ថកិច្ច នៃអធិការដ្ឋាននគរបាលខណ្ឌមានជ័យ កោះហៅឲ្យចូលខ្លួន មកបំភ្លឺ ធ្វើកិច្ចសន្យា ទទួលកំហុស និងបានថតជាវីដេអូ សុំទោសជាសាធារណ: នូវកំហុសឆ្គងរបស់ខ្លួន ដែលបានចោទប្រកាន់ខុសពីការពិត មកលើលោកអធិការនគរបាលខណ្ឌមានជ័យ ។
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានអោយដឹងថា ពេលនេះ សមត្ថកិច្ចជំនាញ កំពុងតែស្រាវជ្រាវរកម្ចាស់លេខទូរស័ព្ទម្នាក់ទៀត ដែលបន្លំខ្លួនជាអធិការខណ្ឌមានជ័យ ដើម្បីចូលខ្លួនមកបកស្រាយបំភ្លឺ លើករណីបន្លំខ្លួនជាអធិការនេះផងដែរ ។
សូមជម្រាបផងដែរថា លោកវរសេនីយ៍ឯក ម៉េង វិមានតារា អធិការខណ្ឌមានជ័យ កាលពីថ្ងៃទី០៩ ឧសភា ២០២១ បានចេញសេចក្តីប្រកាសបដិសេធទាំងស្រុងចំពោះការផ្សព្វផ្សាយព័ត៌មានមិនពិត និងស្នើឲ្យបុរសម្នាក់ជាម្ចាស់ទូរស័ព្ទលេខ 069 359757 រួមទាំងបុរសម្នាក់ទៀតឈ្មោះ«ឈឹម» ជាម្ចាស់គណនីហ្វេសប៊ុកឱសថបុរាណភ្នំទ្រទ្រង់ បញ្ឈប់សកម្មភាពនេះជាបន្ទាន់ នឹងធ្វើការបកស្រាយ សុំទោសជាសាធារណៈ បើមិនដូច្នោះទេ លោកអធិការខណ្ឌមានជ័យ និងចាត់វិធានការតាមផ្លូវច្បាប់ជាធរមាន ៕
ចែករំលែកព័តមាននេះ