ខេត្តកណ្ដាល ៖ បើតាមសេចក្តីរាយការណ៍បានឱ្យដឹងថា មានករណីប្រជាពលរដ្ឋបានប្រទះឃើញសាកស.ពបុរសម្នាក់បញ្ចប់ជីវិតខ្លួន ដោយយកអាវចងភ្ជាប់នឹង.កខ្លួនឯង រួចជាប់ជាមួយនឹងដើមឈើ រហូតនៅសល់តែគ្រោងឆ្អឹង ទើបត្រូវគេប្រទះឃើញ បង្កឱ្យមានការភ្ញាក់ផ្អើលកាលពីវេលាម៉ោង៩ព្រឹក ថ្ងៃទី៧…
ខេត្តកណ្ដាល ៖ បើតាមសេចក្តីរាយការណ៍បានឱ្យដឹងថា មានករណីប្រជាពលរដ្ឋបានប្រទះឃើញសាកស.ពបុរសម្នាក់បញ្ចប់ជីវិតខ្លួន ដោយយកអាវចងភ្ជាប់នឹង.កខ្លួនឯង រួចជាប់ជាមួយនឹងដើមឈើ រហូតនៅសល់តែគ្រោងឆ្អឹង ទើបត្រូវគេប្រទះឃើញ បង្កឱ្យមានការភ្ញាក់ផ្អើលកាលពីវេលាម៉ោង៩ព្រឹក ថ្ងៃទី៧ ខែឧសភា ឆ្នាំ២០២១ នៅចំណុចក្នុងព្រៃឬស្សី ស្ថិតក្នុងភូមិតាឡឹក ឃុំត្រពាំងវែង ស្រុកកណ្តាលស្ទឹង ខេត្តកណ្តាល ។
សេចក្តីរាយការណ៍បានឱ្យដឹងថា សាកស.ពជនរងគ្រោះខាងលើនេះ ត្រូវគេស្គាល់ថា មានឈ្មោះ ហួន ផានិត ភេទប្រុស អាយុ៣០ឆ្នាំ មុខរបរជាកសិករ និងជាមនុស្សមានជំងឺប្រចាំកាយទៀតផង ។
ពាក់ព័ន្ធនឹងករណីខាងលើនេះ បើតាមការបំភ្លឺបងប្រុសបង្កើតរបស់ជនរងគ្រោះឈ្មោះ ហួន ពិសិដ្ឋ បានប្រាប់ឲ្យដឹងថា នៅថ្ងៃទី២០ ខែមីនា ឆ្នាំ២០២១ ជនរងគ្រោះបានដើរចេញពីផ្ទះបាត់ ដោយមិនដឹងថា ទៅទីណានោះទេ។ បន្ទាប់មក ក្រុមគ្រួសារក៏បានដើររក៣យប់៣ថ្ងៃដែរ ប៉ុន្តែរកមិនឃើញសោះ ។
បងប្រុសជនរងគ្រោះបន្តថា កន្លងមកមុនពេលបាត់ខ្លួន ជនរងគ្រោះធ្លាប់និយាយប្រាប់ក្រុមគ្រួសារ និងបងប្អូនថា «ពេលបាត់ខ្ញុំទៅ មិនបាច់ដើររកខ្ញុំទេ សូមត្រឹមតែជួយមើលប្រពន្ធ និងកូនខ្ញុំបានហើយ»។ ប៉ុន្តែសំដីទាំងអស់នោះ ក្រុមគ្រួសារមិនចាប់អារម្មណ៍នោះទេ ដោយគិតថា «គាត់ (ជនរងគ្រោះ) ធ្លាប់និយាយលេងច្រើនដងហើយ» ។
ប្រភពដដែលបន្តថា លុះរហូតដល់ពេលកើតហេតុខាងលើ ក៏ស្រាប់តែមានប្រជាពលរដ្ឋដើររកឃ្មុំ បានប្រទះឃើញសាកស.ពដែលមានតែស្បែក និងគ្រោងឆ្អឹងដោយយកអាវចងភ្ជាប់នឹង.កខ្លួនឯង រួចចងជាប់ជាមួយនឹងដើមឈើនៅក្នុងព្រៃតែម្តង ។
ក្រោយពេលទទួលបានព័ត៌មានខាងលើនេះភ្លាម សមត្ថកិច្ចនគរបាលមូលដ្នានបានបង្កើតគណៈកម្មការ ដែលមានកម្លាំងជំនាញ ស្រុក និងគ្រូពេទ្យ បានចុះទៅពិនិត្យដល់កន្លែងកើតហេតុ ។ លុះពេលសមត្ថកិច្ចចុះទៅដល់ ក៏ឃើញសាកស.ពជនរងគ្រោះមានសភាព រលួយសល់តែឆ្អឹង និងស្បែក ដោយចងនឹងអាវក្រណាត់ដៃវែង ក្រឡាខៀវលាយស ជាប់នឹងដើមត្រយឹងកម្ពស់ជាង២មែត្រពីដី ។
ក្រោយមកសមត្ថកិច្ច និងគ្រូពេទ្យជំនាញ បានធ្វើការសន្និដ្ឋានថា ជនរងគ្រោះពិតជាស្លា.ប់ដោយសារបញ្ចប់ជីវិតខ្លួនឯង ហើយពុំមានស្លាកស្នាមអ្វីគួរឲ្យកត់សម្គាល់ឡើយ ។ ក្រោយពេលពិនិត្យរួច ស.ពជនរងគ្រោះត្រូវបានសមត្ថកិច្ចប្រគល់ឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ