រាជធានីភ្នំពេញ ៖ រថយន្តទូរីសមួយគ្រឿងត្រូវបានកម្លាំងនគរបាលប៉ុស្តិ៍ស្ទឹងមានជ័យទី៣ ធ្វើការចាប់ឃាត់ភ្លាមៗ បន្ទាប់ពីម្ចាស់រថយន្តបានដឹកអ្នកដំណើរមួយចំនួនប៉ងចេញពីតំបន់ក្រហម ធ្វើដំណើរឆ្ពោះទៅតាមខេត្ត ។
ការឃាត់នេះធ្វើឡើងនៅវេលាម៉ោង១២និង៣០នាទីថ្ងៃត្រង់ ទី០៨ ខែឧសភា ឆ្នាំ២០២១ នៅតាមបណ្តោយផ្លូវវេងស្រេង ក្បែរស្តុបលូ៥ ក្នុងសង្កាត់ស្ទឹងមានជ័យ៣ រាជធានីភ្នំពេញ ។
រថយន្តខាងលើមានពណ៌ខៀវ លាយទឹកប្រាក់ ពាក់ស្លាកលេខ កំពង់ចាម 2A-9724 បើកបរដោយប្តីប្រពន្ធ២នាក់ ។
តាមប្រភពអោយដឹងថា នៅវេលាខាងលើកម្លាំងនគរបាលប៉ុស្តិ៍បានជិះម៉ូតូល្បាតក្នុងមូលដ្ឋានដែលជាតំបន់ក្រហមមានការរីករាលដាលខ្លាំងនូវជម្ងឺកូវីដ១៩ ។ លុះល្បាតដល់ចំណុចខាងលើ ស្រាប់តែប្រទះឃើញរថយន្តទូរីសខាងលើបានឈប់ដឹកអ្នកដំណើរមួយចំនួនប៉ងចេញពីតំបន់ក្រហមឆ្ពោះទៅខេត្ត ជាហេតុធ្វើអោយកម្លាំងសមត្ថកិច្ចធ្វើការឃាត់តែម្តង។
ភ្លាមៗនោះពលរដ្ឋដែលកំពុងអង្គុយក្នុងរថយន្តប៉ងចេញទៅខេត្តនោះបានចុះពីរថយន្តដើរដោយថ្មើជើងត្រឡប់ទៅលំនៅឋានអស់ នៅឡើយ តែរថយន្ត រួមជាមួយបុរស២នាក់ប្តីប្រពន្ធ ត្រូវសមត្ថកិច្ចឃាត់យកទៅកាន់ប៉ុស្តិ៍រដ្ឋបាលនគរបាលស្ទឹងមានជ័យ៣ ដើម្បីសាកសួរនាំ ។
ជុំការឃាត់ខាងលើនេះគេពុំទាន់ដឹងថា សមត្ថកិច្ចនឹងមានចំណាត់ការយ៉ាងណាឡើយ ពោល គឺមិទាន់ដឹងថា មានការអប់រំរួចសម្រេចដោះលែង ឬមានការបន្តនីតិវិធីច្បាប់ឡើយ ៕
ចែករំលែកព័តមាននេះ