មកដល់សម័យនេះទៅហើយ ជាសម័យកាលដែលមនុស្សចេះបង្កើតសម្ភារឱ្យស្រណុកៗ មានភាពងាយស្រួលច្រើនបែបច្រើនយ៉ាង ដែលហៅថាជាបច្ចេកវិទ្យាដ៏ទំនើបៗ ដូច្នេះមនុស្សមិនគួរនៅប្រជែងគ្នាទៅដោយសព្វាវុធដ៏មហាប្រល័យ, ដោយការវាយតប់ ឬដោយការជេរបញ្ចោរ ដោយការឈ្នានីសគ្នានោះឡើយ ។
បើថាស្អប់គ្នា ប្រជែងគ្នា គួរតែប្រជែងនៅត្រង់ថា អ្នកណាមានសេចក្ដីសុខជាង អ្នកនោះគឺជាអ្នកឈ្នះទើបគួរ ហើយតើសេចក្តីសុខនោះបានមកដោយរបៀបណា ?
បើតាមអត្ថកថាចារ្យពោលថា សេចក្ដីសុខទាំងឡាយកើតចេញពីការលះនូវលោភៈ ទោសៈ និងមោហៈចោលចេញចាកសន្តាន ការលះកាត់សេចក្តីស្អប់ លះទិដ្ឋិ លះមានះឱ្យអស់ នោះអ្នកនឹងបានត្រជាក់ចិត្ត សេចក្តីសុខក៏កើតឡើងក្នុងខណៈនោះដែរ ។
អ្នកប្រាថ្នាសេចក្តីសុខ ប្រសិនបើចម្រើននៅក្នុងវិបស្សនាកម្មដ្ឋាន រៀនធ្វើសមាធិអប់រំកាយចិត្តឱ្យស្ងប់ទៅក្នុងគោលធម៌ នោះសេចក្តីសុខពិតប្រាកដក៏នឹងកើតឡើងច្រើនចម្រើនអស់កាលយូរអង្វែង ៕ សាន សារិន
ចែករំលែកព័តមាននេះ