បន្ទាយមានជ័យ៖ កម្លាំងអធិការដ្ឋាននគរបាលស្រុកស្វាយចេក បានចេញល្បាតពេលយប់ ក៏បានឃាត់រថយន្តតួរីស ១គ្រឿង ដឹកពលករ បម្រុងនាំឆ្លងដែនចំនួន ១២នាក់ កាលពីម៉ោង ៨ និង៣០នាទីយប់ថ្ងៃទី០៣ ខែឧសភា ឆ្នាំ២០២១ តាមផ្លូវក្បែរព្រំដែន ចន្លោះភូមិដំណាក់កកោះ និងភូមិរបើកស្វាយ ក្នុងស្រុកស្វាយចេក។
លោកវរៈសេនីយ៍ឯក ជា ឈ្លូញ អធិការនគរបាលស្រុកស្វាយចេក បានប្រាប់ថា ម្ចាស់រថយន្ត និងពលករចំនួន ១២នាក់ ដែលប៉ូលិសចាប់ឃា់តនេះ រួមមាន៖ ១.ឈ្មោះ ស្រឿង សារ៉េត ភេទប្រុស អាយុ ៣៧ឆ្នាំ (ជាម្ចាស់រថយន្តដឹកពលករ) រស់នៅភូមិបន្ទាយឆ្មារត្បូង ឃុំបន្ទាយឆ្មារ ស្រុកថ្មពួក ២.ឈ្មោះ ឡោម រិត ភេទប្រុស អាយុ ៥៥ឆ្នាំ ៣.ឈ្មោះ រី ចាន់ ភេទប្រុស អាយុ ៤០ឆ្នាំ៤.ឈ្មោះ ស្មុត ណាង ភេទស្រី អាយុ ៣៩ឆ្នាំ ៥.ឈ្មោះ ស្មុត ស៊ូ ភេទប្រុស អាយុ ១ខួប ៦.ឈ្មោះ អាន វិត ភេទស្រី អាយុ ៣២ឆ្នាំ ៧.ឈ្មោះ ស្មុត ទន់ ភេទស្រី អាយុ ៣៣ឆ្នាំ ៨.ឈ្មោះ តៃ តាវ៉ាន់ ភេទប្រុស អាយុ ២ខួប ៩.ឈ្មោះ ភ្លឿង ប៉ក ភេទប្រុស អាយុ ២៥ឆ្នាំ ១០.ឈ្មោះ ឃួន ចន្នី ភេទស្រី អាយុ ១៨ឆ្នាំ ១១.ឈ្មោះ ហ៊ូ ចន្នី ភេទស្រី អាយុ ១៨ឆ្នាំ ១២.ឈ្មោះ លឿម ផល្លា ភេទស្រី អាយុ ១១ឆ្នាំ។ ពលករទាំងនេះ រស់នៅខេត្តបន្ទាយមានជ័យ និងខេត្តឧត្តរមានជ័យ។
លោកបានបញ្ជាក់ថា នៅពេលដែលឃាត់ខ្លួនពលករ គឺកម្លាំងអធិការដ្ឋាននគរបាលស្រុកស្វាយចេក បានចេញល្បាតតាមផ្លូវក្នុងភូមិឈរជើង គោលដៅតេជោភ្នំឆ័ត្រ បានសហការជាមួយកម្លាំងនគរបាលវរៈការពារព្រំដែនគោក បានឃាត់រថយន្ត ១គ្រឿង ធុនស្តារីច ពណ៌ទឹកប្រាក់ ស៊េរីឆ្នាំ២០០៨ ពាក់ស្លាកលេខ ភ្នំពេញ 2BB-9491 ដែលដឹកពលករចំនួន ១១នាក់ មានស្រី ៧នាក់ កុមា ៣នាក់ បម្រុងឆ្លងដែន ទៅប្រទេសថៃ ដោយខុសច្បាប់។ ពេលឃាត់ខ្លួនហើយ ក៏បញ្ជូនមកអធិការដ្ឋាននគរបាលស្រុកស្វាយចេក។
លោកវរៈសេនីយ៍ឯក ជា ឈ្លូញ បានបញ្ជាក់ថា ក្រោយឃាត់ម្ចាស់ឡាន និងពលករប្រុសស្រីចំនួន ១១នាក់ បានធ្វើការសាកសួរតាមសំដី គឺពួកគាត់ ត្រូវបានទៅរកការងារធ្វើនៅប្រទេសថៃ តាមរយៈមេខ្យល់ ដែលសន្យាជូនដល់កន្លែងធ្វើការម្នាក់យកតំលៃ៥.០០០បាតនិងកូនក្មេងអត់យកទេដែលពួកគាត់ត្រូវបានម្ចាស់រថយន្តទៅដឹកដល់ម្ចាស់ដឹកដល់ផ្ទៈដើម្បីបម្រុងឆ្លងព្រំដែនដល់ទឹកដីថៃមេខ្យល់ថៃយករថយន្តមកទទួលយកទៅដល់កន្លែងធ្វើការ តែមិនទាន់បានឆ្លងផង ត្រូវបានសមត្ថកិច្ចឃាត់ខ្លួន។
ពលករចំនួន ១១នាក់នោះ ត្រូវបានបញ្ជូនទៅមណ្ឌលធ្វើចត្តាឡីស័ក។ រីឯម្ចាស់រថយន្ត ជាមេខ្យល់ ត្រូវបានកសាងសំណុំរឿង បញ្ជូនទៅសាលាដំបូង ខេត្តបន្ទាយមានជ័យចាត់ការតាមច្បាប់៕ ប៊ុន ធឿន
ចែករំលែកព័តមាននេះ