Messi និង Neymar ស្ថិតក្នុងចំណោមកីឡាករអាមេរិកខាងត្បូង ដែលនឹងត្រូវចាក់វ៉ាក់សាំងចិន
ចិន ៖ យោងតាមសហព័ន្ធកីឡាបាល់ទាត់អាមេរិកខាងត្បូង (CONMEBOL) បានឱ្យដឹងថា កំពូលកីឡាករ Lionel Messi និង Neymar…
ចិន ៖ យោងតាមសហព័ន្ធកីឡាបាល់ទាត់អាមេរិកខាងត្បូង (CONMEBOL) បានឱ្យដឹងថា កំពូលកីឡាករ Lionel Messi និង Neymar…
ចិន ៖ យោងតាមសហព័ន្ធកីឡាបាល់ទាត់អាមេរិកខាងត្បូង (CONMEBOL) បានឱ្យដឹងថា កំពូលកីឡាករ Lionel Messi និង Neymar ស្ថិតក្នុងចំណោមកីឡាករតំបន់អាមេរិកខាងត្បូងរាប់រយនាក់ផ្សេងទៀត ដែលនឹងត្រូវទទួលបានការវ៉ាក់សាំងកូវីដ១៩ ដែលផ្តល់ដោយក្រុមហ៊ុន Sinovac Biotech នៅប៉ុន្មានសប្តាហ៍ខាងមុខនេះ។ នេះបើតាមការចេញផ្សាយពីទីភ្នាក់ងារព័ត៌មានចិន ស៊ីនហួ។
សហព័ន្ធកីឡាបាល់ទាត់អាមេរិកខាងត្បូង បានចាប់ផ្តើមចែកចាយវ៉ាក់សាំងនេះ ដល់សមាគមជាសមាជិកចំនួន ១០ របស់ខ្លួន។ បន្ទាប់ពីការដឹកជញ្ជូនចំនួន ៥ ម៉ឺនដូសបានទៅដល់រដ្ឋធានី Montevideo របស់ប្រទេសអ៊ុយរូហ្គាយ កាលពីថ្ងៃទី២៧ ខែមេសា កន្លងមក។
លោក Alejandro Dominguez ប្រធានសហព័ន្ធកីឡាបាល់ទាត់អាមេរិកខាងត្បូង បានឱ្យដឹងតាមរយៈប្រព័ន្ធទំនាក់ទំនងសង្គមថា «វ៉ាក់សាំងសម្រាប់បាល់ទាត់អាមេរិកខាងត្បូងបានមកដល់ហើយ។ សូមអរគុណដល់ក្រុមហ៊ុន Sinovac Biotech»។
នៅក្នុងសេចក្តីថ្លែងការណ៍មួយដែលត្រូវចេញផ្សាយនៅលើគេហទំព័រផ្លូវការរបស់សហព័ន្ធកីឡាបាល់ទាត់អាមេរិកខាងត្បូងបានឱ្យដឹងថា កម្មវិធីចាក់វ៉ាក់សាំងនឹងផ្តល់អាទិភាពដល់ក្រុមជម្រើសជាតិ, គ្រូបង្វឹក, កីឡាករ និងបុគ្គលិកដទៃទៀត។ ដែលចូលរួមក្នុងព្រឹត្តិការណ៍ Copa America ដែលនឹងត្រូវធ្វើឡើងនៅប្រទេសអាហ្សង់ទីន និងកូឡុំប៊ី ចាប់ពីថ្ងៃទី១៣ ខែមិថុនា រហូតដល់ថ្ងៃទី១០ ខែកក្កដា ខាងមុខនេះ៕
ចែករំលែកព័តមាននេះ