រាជធានីភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍រំលឹកនៅក្នុងសារលិខិតទិវាសេរីភាពសារព័ត៌មានសកលលោកលើកទី២៨ នាថ្ងៃទី៣ ឧសភា ដែលពិធីនេះបានប្រារព្ធឡើងជារៀងរាល់ឆ្នាំក្នុងគោលបំណងលើកកំពស់សេរីភាពនៃការបញ្ចេញមតិ សេរីភាពខាងសារព័ត៌មាន…
រាជធានីភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍រំលឹកនៅក្នុងសារលិខិតទិវាសេរីភាពសារព័ត៌មានសកលលោកលើកទី២៨ នាថ្ងៃទី៣ ឧសភា ដែលពិធីនេះបានប្រារព្ធឡើងជារៀងរាល់ឆ្នាំក្នុងគោលបំណងលើកកំពស់សេរីភាពនៃការបញ្ចេញមតិ សេរីភាពខាងសារព័ត៌មាន ការលើកស្ទួយនូវឯករាជភាពនៃប្រព័ន្ធផ្សព្វផ្សាយព័ត៌មានពហុនិយមនិងធានាសុវត្ថិភាពដល់អ្នកសារព័ត៌មានក្នុងការបំពេញភារកិច្ចតាមវិជ្ជាជីវៈរបស់ខ្លួនដោយគ្មានការភ័យខ្លាចព្រមទាំងជំរុញតួនាទីរបស់អ្នកសារព័ត៌មានកាន់តែសកម្មថែមទៀត ដើម្បីបម្រើផលប្រយោជន៍សាធារណៈជនក្នុងការចូលរួមលើកស្ទួយសុខុមាលភាពសង្គម និងសុខដុមនីយកម្មសកលដែលជាបំណងប្រាថ្នារបស់មនុស្សជាតិទូទាំងសកលលោក។
សម្ដេចតេជោ ហ៊ុន សែន បានរំលឹកជាថ្មីម្ដងទៀត ដល់បងប្អូនអ្នកសារព័ត៌មានជាតិ និងអន្តរជាតិសូមយកចិត្តទុកដាក់អនុវត្តឲ្យបានត្រឹមត្រូវតាមច្បាប់ក្រមសីលធម៌វិជ្ជាជីវៈ ដើម្បីបន្សាបព័ត៌មានក្លែងក្លាយ ដែលបង្កឡើងដោយជនអគតិជ្រកក្រោមស្លាកសារព័ត៌មានធ្វើសកម្មភាពខុសច្បាប់ ធ្វើឲ្យប៉ះពាល់កិត្តិយស សេចក្តីថ្លៃថ្នូរ កិត្យានុភាពរបស់ស្ថាប័នសារព័ត៌មាននិងអ្នកយកព័ត៌មានមានអាជីពដែលមិនអាចអត់ឱនបាន ។
ទិវាសេរីភាពសារព័ត៌មានសាកលលោកលើកទី២៨ឆ្នាំនេះ បានលើកយកប្រធានបទស្ដីពី «ផលប្រយោជន៍នៃព័ត៌មានចំពោះសាធារណៈជន» គឺពិតជាមានសារៈសំខាន់ណាស់ ហើយស្របទៅនឹងស្ថានភាពជាក់ស្ដែង ដែលមនុស្សទូទាំងសកលលោកចាត់ទុកថា ព័ត៌មានគឺជាចំណីអាហារប្រចាំថ្ងៃរបស់ពួកគេដែលមិនអាចខ្វះបាន ជាពិសេស នៅក្នុងកាលៈទេសៈដែលសកលលោកបាននិងកំពុងទទួលរងនូវមហន្តរាយ និងសោកនាដកម្មការឆ្លងរាតត្បាតសកលនៃជំងឺកូវីដ-១៩ ដែលបានឆក់យកអាយុជីវិតមនុស្សនៅលើសាកលលោកអស់ជាង ៣លាននាក់ ហើយមនុស្សជិត១៥០លាននាក់បានឆ្លងមេរោគដ៏កាចសាហាវនេះ។
ខ្លឹមសារនៃសារលិខិតរបស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងឱកាសទិវាសេរីភាពសារព័ត៌មានសសាកលលោកលើកទី២៨ភ្ជាប់ជូននៅខាងក្រោម៖ ដោយ៖ អ៊ូ ច័ន្ទថា
ចែករំលែកព័តមាននេះ