រាជធានីភ្នំពេញ៖ យោងតាមសេចក្តីប្រកាសព័ត៌មានរបស់រដ្ឋបាលរាជធានីភ្នំពេញបានឱ្យដឹងថា រដ្ឋបាលរាជធានីភ្នំពេញ សូមប្រកាសជម្រាបជូនដល់បងប្អូនប្រជាពលរដ្ឋ និងសាធារណជនទាំងអស់ឲ្យបានជ្រាបថា ដោយទទួលបានការប្រគល់ភារកិច្ចពីគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស(ព.1.ក-១៩) ។
ក្នុងនាមអនុគណៈកម្មការចំពោះកិច្ចចាក់វ៉ាក់សាំងកូវីដ-១៩ក្នុងក្របខណ្ឌទូទាំងរាជធានីភ្នំពេញ និងដោយមានការឯកភាពដ៏ខ្ពង់ខ្ពស់ពីសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តមឆាយ ឧត្តមសេនីយ៍ អគ្គមេបញ្ជាការកងយុទ្ធពលខេមរភូមិច្ច បានសម្រេចប្រគល់ភារកិច្ចជូនក្រុមគ្រូពេទ្យយោធា នៃកងយុទ្ធពូលខេមរភូមិន្ទដើម្បីទទួលបន្ទុកចាក់វ៉ាក់សាំងជូនប្រជាពលរដ្ឋក្នុងមូលដ្ឋានខណ្ឌចំនួន០៤ រួមមានខណ្ឌដង្កោ ខណ្ឌមានជ័យ ខណ្ឌពោធិ៍សែនជ័យ និងខណ្ឌកំបូល ដែលមានតំបន់ក្រហម និងមានចំនួនកម្មករ-កម្មការិនីច្រើនកំពុងស្នាក់នៅ។
សេចក្ដីប្រកាសព័ត៌មានបានបញ្ជាក់៣ ចំពោះនីតីវិធី និងដំណើរការនៃការចាក់វ៉ាក់សាំងទាំងដូសទី១ និងដូសទី២ ត្រូវអនុវត្តតាមផែនការរបស់ក្រុមការងារចាក់វ៉ាក់សាំងក្ខវីខ.១៩ ក.ជ.ក របស់ក្រសួងការពារជាតិ ដោយត្រូវចាប់ផ្តើមចាក់វ៉ាក់សាំងពីថ្ងៃទី១ ខែឧសភាឆ្នាំ២០២១ តទៅ ក្រោមការសម្របសម្រួលទីតាំងដោយ រដ្ឋបាលរាជធានីភ្នំពេញ៕
ចែករំលែកព័តមាននេះ