យល់ដឹង ៖ ឪឡឹកជាផ្លែឈើមួយប្រភេទជួយទ្រទ្រង់ ស្បែកនៅលើផ្ទៃមុខឱ្យមានភាពស្រស់ស្រាយ។ វិធីសាស្ដ្រអនុវត្ដ គឺត្រូវចិត្ដសាច់ ឪឡឹកដែលនៅខាងក្នុងជាចំណិតស្ដើងៗ កុំយកសាច់នៅក្បែរសំបក ព្រោះផ្នែកនេះមាន កំហាប់អាស៊ីតច្រើន និងមានលក្ខណៈរឹងមិន សក្ដិសមសំរាប់ប្រើប្រាស់ទេ ។
បន្ទាប់ពីទទួលបានបន្ទះឪឡឹកស្ដើងហើយ យើងត្រូវតំរៀបទុកនៅលើកំណាត់ពណ៌ស ដែលបានត្រៀមទុក ហើយយកទៅបិទនៅលើ ផ្ទៃមុខឱ្យបានសព្វ រួចទុកចោលប្រហែល១០ ទៅ១៥នាទី ទើបលាងសំអាតចេញ ។ គួរ រំលឹកថា ភាពត្រជាក់របស់ឪឡឹកជួយឱ្យស្បែក ផ្នែកខាងក្រៅមានភាពស្រស់ស្រាយ ឯ សារធាតុពណ៌ក្រហមពីឪឡឹក ហៅថា “លីកូពីន” ជាសារធាតុប្រឆាំងនឹងមេរោគ ក្រៅ ពីនេះក៏បានជួយទ្រទ្រង់បេះដូង និងការពារ ការកើតមហារីក ថែមទាំងអាចស្រូបយក ជាតិខ្លាញ់នៅលើមុខបានយ៉ាងល្អ ។
ស្របពេលជាមួយគ្នានេះ ឪឡឹកក៏សំបូរ ដោយសារធាតុប៉ូតាស្យូមជួយគ្រប់គ្រងប្រព័ន្ធ ចរន្ដឈាមនៅលើស្បែកមុខឱ្យមានលក្ខណៈប្រក្រតី ជួយឱ្យចន្លោះរន្ធញើសមានភាព ត្រជាក់។ ក្រៅពីនេះនៅក្នុងទឹកឪឡឹកក៏មាន ម៉ូលេគុលស្ករដ៏សមស្រប រួមទាំងអាស៊ីត “អាមីណូ” បន្ដិចបន្ដួចជួយឱ្យស្បែកស្រស់ ស្រាយល្អ ៕
ចែករំលែកព័តមាននេះ