ឥណ្ឌូនេស៊ី ៖ អង្គភាពកងទ័ពជើងទឹកឥណ្ឌូនេស៊ីបានបញ្ចេញវីដេអូចុងក្រោយបង្អស់ ដែលបង្ហាញពីសកម្មភាពនាវិកដែលបានស្លា.ប់នៅក្នុងនាវាមុជទឹក KRI Nanggala 402 ដែលបានលិចកាលពីថ្ងៃទី២១ ខែមេសា អំឡុងពេលការធ្វើសមយុទ្ធមួយនៅឯកោះបាលី។…
ឥណ្ឌូនេស៊ី ៖ អង្គភាពកងទ័ពជើងទឹកឥណ្ឌូនេស៊ីបានបញ្ចេញវីដេអូចុងក្រោយបង្អស់ ដែលបង្ហាញពីសកម្មភាពនាវិកដែលបានស្លា.ប់នៅក្នុងនាវាមុជទឹក KRI Nanggala 402 ដែលបានលិចកាលពីថ្ងៃទី២១ ខែមេសា អំឡុងពេលការធ្វើសមយុទ្ធមួយនៅឯកោះបាលី។ គួររំលឹកថា ឥណ្ឌូនេស៊ីបញ្ជាក់ពីស្ថានភាពនាវិក៥៣នាក់បាត់ខ្លួន ក្រោយរកឃើញទីតាំងលិចនាវាមុជទឹក
វីដេអូនេះត្រូវបានថតកាលពីប៉ុន្មានសប្តាហ៍មុន ដោយបង្ហាញពីសកម្មភាពនាវិកទាំងអស់ច្រៀងចំរៀងឥណ្ឌូនេស៊ីដែលមានចំណងជើងថា Sampai Jumpa ។ ដែលធ្វើឱ្យប្រជាជនឥណ្ឌូនេស៊ី ជាពិសេសក្រុមគ្រួសាររបស់ជនរងគ្រោះមានការស្រណោះអាឡោះអាល័យជាទីបំផុត។
បើតាមសម្តីអ្នកនាំពាក្យយោធាគឺលោក Djawara Whimbo បានប្រាប់ទីភ្នាក់ងារសារព័ត៌មាន AFP ថា វីដេអូនេះត្រូវបានធ្វើឡើងដើម្បីជាការគោរពលាគ្នា ជូនចំពោះមេបញ្ជាការខាងនាវាមុជទឹកម្នាក់របស់កងទ័ពជើងទឹក។
សូមរំលឹកជូនថា លោក Marshal Hadi Tjahjanto មេបញ្ជាការកងកំលាំងប្រដាប់អាវុធជាតិឥណ្ឌូនេស៊ីបានចេញមកបញ្ជាក់កាលពីថ្ងៃទី២៥ ខែមេសា ថា នាវាមុជទឹក KRI Nanggala 402 ដែលបានលិចនៅក្នុងឆ្នេរសមុទ្រកោះបាលីកាលពីថ្ងៃទី២១ ខែមេសា ត្រូវបានក្រុមសង្គ្រោះ MV Swift Rescue របស់ប្រទេសសិង្ហបុរីរកឃើញបំណែកបែកបាក់ជា ៣បំណែកដែលលិចនៅក្នុងជម្រៅ ៨៥០ម៉ែត្រ។ ហើយនាវិកទាំង ៥៣នាក់ក៏ត្រូវបានបញ្ជាក់ថា ស្លា.ប់ទាំងអស់។
បច្ចុប្បន្នក្រុមជំនាញ និងក្រុមសង្គ្រោះកំពុងធ្វើការយ៉ាងដុតដៃដុតជើងបំផុត ដើម្បីស្រង់បំណែកនៃនាវាមុជទឹកដែលលិចរួមជាមួយសាកស.ពនាវិកទាំង ៥៣នាក់៕
ចែករំលែកព័តមាននេះ