វៀងចន្ទន៍ ៖ ក្រសួងសុខាភិបាលប្រទេសឡាវ នៅថ្ងៃទី២៦ មេសា ២០២១ បានរាយការណ៍ពីករណីឆ្លងកូវីដ-១៩បន្ថែមថ្មី ចំនួន ១១៣នាក់ ដែលនាំឲ្យចំនួនអ្នកឆ្លងសរុបក្នុងប្រទេសនេះកើនឡើងដល់ ៤៣៦នាក់ហើយ ។
មន្ត្រីអគ្គនាយកមជ្ឈមណ្ឌលជាតិ មន្ទីរពិសោធន៍ និងរោគរាតត្បាត នៅក្រោមក្រសួងសុខាភិបាលឡាវ បានប្រាប់នៅសន្និសីទកាសែត នៅថ្ងៃចន្ទនេះថា ក្នុងចំណោម ១១៣ករណីថ្មី ត្រូវបានរកឃើញ តាមបណ្ដាខេត្តក្រុងរួមមាន ៖ ខេត្តចំប៉ាសាក់ ចំនួន៥៤នាក់, រដ្ឋធានីវៀងចន្ទន៍ ចំនួន៣១នាក់, ខេត្ត Savannakhet ចំនួន១៣នាក់, ខេត្តBokeo ចំនួន៧នាក់, ខេត្តOudomxay ចំនួន២នាក់, ខេត្តPhongsaly ចំនួន២នាក់, ខេត្តសេកុង ចំនួន០១នាក់, ខេត្តសាយ៉ាបូរី ចំនួន០១នាក់, ហ្លួងប្រាបាង ចំនួន០១នាក់ និងខេត្តវៀងចន្ទន៍ ចំនួន០១នាក់ ។
គិតមកត្រឹម ល្ងាចថ្ងៃទី២៦ មេសា ២០២១នេះ ប្រទេសឡាវ មានអ្នកឆ្លងកូវីដ-១៩ សរុបចំនួន៤៣៦នាក់ ។ អ្នកជាសះស្បើយពីជំងឺកូវីដ-១៩ សរុបចំនួន ៤៩នាក់ ហើយអ្នកកំពុងសម្រាកព្យាបាល សរុបចំនួន ៣៨៧នាក់ និងគ្មានអ្នកស្លាប់ទេ ៕
ចែករំលែកព័តមាននេះ