ខេត្តកណ្តាល ៖ មនុស្សប្រុសស្រីចំនួន៦នាក់ដែលប្រឆាំងនឹងសេចក្តីសម្រេចរបស់រាជរដ្ឋាភិបាល ដោយប្រមូលម្តុំគ្នាផឹកស៊ី ទូលឆ័ត្រទាំងកំពុងភ្លៀងខ្លាំង នៅថ្ងៃទី២៥ ខែមេសា ឆ្នាំ២០២១ នេះ ត្រូវបានលោក…
ខេត្តកណ្តាល ៖ មនុស្សប្រុសស្រីចំនួន៦នាក់ដែលប្រឆាំងនឹងសេចក្តីសម្រេចរបស់រាជរដ្ឋាភិបាល ដោយប្រមូលម្តុំគ្នាផឹកស៊ី ទូលឆ័ត្រទាំងកំពុងភ្លៀងខ្លាំង នៅថ្ងៃទី២៥ ខែមេសា ឆ្នាំ២០២១ នេះ ត្រូវបានលោក វ៉ាន់ សុបញ្ញា ចៅក្រមស៊ើបសួរសាលាដំបូងខេត្តកណ្តាល សម្រេចឃុំខ្លួនដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទ «មិនគោរពវិធានការរដ្ឋបាល» តាមមាត្រា៤ និងមាត្រា១០ នៃច្បាប់ស្តីពីកូវីដ១៩ ដែលប្រព្រឹត្តនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។
ជនត្រូវចោទខាងលើ ទី១-ឈ្មោះ សារី ឆេង ភេទស្រី អាយុ៣៨ឆ្នាំ ជនជាតិខ្មែរ មុខរបរអ៊ុតសក់ ស្នាក់នៅ ផ្ទះជួលភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។ ទី២-ឈ្មោះ ឃុត ចន្ធូ ភេទស្រី អាយុ៣៧ឆ្នាំ មុខរបរនៅផ្ទះ ស្នាក់នៅផ្ទះជួល ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។ ទី៣-ឈ្មោះ រុណ ស្រីញឹប ភេទស្រី អាយុ៣៥ឆ្នាំ មុខរបរនៅផ្ទះ ស្នាក់នៅផ្ទះជួល ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។
ទី៤-ឈ្មោះ ហុង ស្រីណុច ភេទស្រី អាយុ២៩ឆ្នាំ មុខរបរនៅផ្ទះ ស្នាក់នៅផ្ទះជួល ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។ ទី៥-ឈ្មោះ កៃ ហួត ភេទប្រុស អាយុ២៧ឆ្នាំ មុខរបរ នៅផ្ទះ ស្នាក់នៅផ្ទះជួល ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល និងទី៦-ឈ្មោះ អ៊ុង វ៉ែននី ភេទប្រុស អាយុ៥០ឆ្នាំ មុខរបរស្នាក់នៅផ្ទះជួល ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។
ចំណែកវត្ថុតាងដែលចាប់យកបានមាន ៖ ស្រាបៀរចំនួន១២កំប៉ុង, តុជ័រ០១, កែវចំនួន២, ឆ័ត្រចំនួន០១ និងសំបកកំប៉ុងផឹករួចចំនួន២៤សំបកទៀត ។
កងរាជអាវុធហត្ថក្រុងតាខ្មៅ បានអោយដឹងថា មុនពេលឃាត់ខ្លួន គឺមានប្រជាពលរដ្ឋនៅក្បែរនោះបានរាយការណ៍មកសមត្ថកិច្ចកងរាជអាវុធហត្ថក្រុងតាខ្មៅថា មានអ្នកជួលផ្ទះនៅភូមិព្រែកសំរោង៣ សង្កាត់តាខ្មៅ បាននាំគ្នាផឹកស៊ីនៅខាងមុខផ្ទះជួលរបស់ឈ្មោះ ម៉ៅ ដោយពេលនោះមេឃកំពុងតែមានភ្លៀងខ្លាំង ពួកគេក៏បានដាក់ឆ័ត្ររួចផឹកស៊ីទៀត។
ដោយទទួលបានព័ត៌មានខាងលើនេះភ្លាម កម្លាំងកងរាជអាវុធហត្ថខេត្ត និងក្រុងតាខ្មៅ ក៏បានចុះឃាត់ខ្លួន ដើម្បីកសាងតាមនីតិវិធីច្បាប់តែម្តង ។
ចែករំលែកព័តមាននេះ