រាជធានីភ្នំពេញ ៖ រដ្ឋបាលរាជធានីភ្នំពេញបានប្រកាសនៅថ្ងៃទី២៤ ខែមេសានេះថា បន្ថែមទីតាំងយកសំណាក និងគោលការណ៍ប្រមូលសំណាកតេស្តរកមេរោគកូវីដ១៩ ចំពោះប្រជាពលរដ្ឋទាំងអស់ ដែលកំពុងស្នាក់នៅភូមិសាស្ត្រ «តំបន់ក្រហម» នៅរាជធានីភ្នំពេញ…
រាជធានីភ្នំពេញ ៖ រដ្ឋបាលរាជធានីភ្នំពេញបានប្រកាសនៅថ្ងៃទី២៤ ខែមេសានេះថា បន្ថែមទីតាំងយកសំណាក និងគោលការណ៍ប្រមូលសំណាកតេស្តរកមេរោគកូវីដ១៩ ចំពោះប្រជាពលរដ្ឋទាំងអស់ ដែលកំពុងស្នាក់នៅភូមិសាស្ត្រ «តំបន់ក្រហម» នៅរាជធានីភ្នំពេញ ទៅតាមសំណូពររបស់ប្រជាពលរដ្ឋ ។
រដ្ឋបាលរាជធានីភ្នំពេញ បានសម្រេចបន្ថែមទីតាំងយកសំណាកមួយចំនួនទៀត និងគោលការណ៍យកសំណាក ដោយធ្វើការយកសំណាកចំពោះក្រុមបុគ្គលទាំងឡាយណាដែលធ្លាប់ប៉ះពាល់ផ្ទាល់ ឬប្រយោលជាមួយអ្នកជំងឺកូវីដ-១៩ និងអ្នកកំពុងស្នាក់នៅតំបន់ប្រមូលផ្តុំដែលមានករណីវិជ្ជមានជំងឺកូវីដ-១៩ និងអ្នកដែលមានអាការៈសង្ស័យ ។
ចំពោះគ្រួសារដែលរស់នៅក្នុងតំបន់ក្រហម ដែលទីតាំងនោះមិនទាន់មានករណីវិជ្ជមានជំងឺកូវីដ-១៩ សូមបន្តស្នាក់នៅក្នុងលំនៅឋាន ដោយមិនចាំបាច់ចេញទៅយកសំណាកឡើយ ៕
ចែករំលែកព័តមាននេះ