រាជធានីភ្នំពេញ៖ លោក ម៉េត មាស ភក្តី អ្នកនាំពាក្យរដ្ឋបាលរាជធានីភ្នំពេញ បានឱ្យកោះសន្តិភាពដឹងមុននេះបន្តិចថា ផ្សារក្នុងរាជធានីភ្នំពេញ ចំនួន ២២ហើយ បានបិទជាផ្លូវការ ដើម្បីទប់ស្កាត់ការរីករាលដាលកូវីដ-១៩។ ការផ្ទុះកូវីដ១៩ នៅភ្នំពេញ បានរីករាលដាលគ្រប់មូលដ្ឋានទាំង ១៤ ខណ្ឌ ហើយក្នុងនោះ ផ្សារលក់ដូរមួយចំនួន ស្ថិតក្នុងការព្រួយបារម្ភ ដោយសារមានករណីផ្ទុះ ឆ្លងលើអាជីវករ សន្តិសុខ និងពលរដ្ឋ ចេញចូល។
ជាក់ស្តែង មកដល់ពេលនេះ មានផ្សារចំនួន ២២ហើយ ត្រូវបានផ្អាកបណ្តោះអាសន្ន ក្នុងនោះ រួមមាន៖
១. មជ្ឈមណ្ឌលពាណិជ្ជកម្មផ្សារអូរឫស្សី (ខណ្ឌ៧មករា)
២. ផ្សារដើមគរ និងផ្សារបន្លែ (ខណ្ឌទួលគោក និងខណ្ឌបឹងកេងកង)
៣. ផ្សារចាស់ (ខណ្ឌដូនពេញ)
៤. ផ្សារធំទួលសង្កែ (ខណ្ឌឫស្សីកែវ)
៥. ផ្សារបឹងត្របែកផ្លាហ្សា (ខណ្ឌចំការមន)
៦. ផ្សារត្រពាំងថ្លឹង (ខណ្ឌពោធិ៍សែនជ័យ)
៧. ផ្សារឯករាជ្យ១ (ខណ្ឌពោធិ៍សែនជ័យ)
៨. ផ្សារទួលពង្រ (ខណ្ឌពោធិ៍សែនជ័យ)
៩. ផ្សារសេនជូរីផ្លាហ្សា (ខណ្ឌពោធិ៍សែនជ័យ)
១០. ផ្សារពោធិ៍ចិនតុង (ខណ្ឌពោធិ៍សែនជ័យ)
១១. ផ្សារកណ្ដាល (ខណ្ឌដូនពេញ) ១២. ផ្សារដេប៉ូ (ខណ្ឌទួលគោក)
១៣. ផ្សារពិភពថ្មីឈូកមាស (ខណ្ឌសែនសុខ)
១៤. ផ្សាររីករាយ (ខណ្ឌសែនសុខ)
១៥. ផ្សារអូឡាំពិក (ខណ្ឌបឹងកេងកង)
១៦.ផ្សារទឹកថ្លា (ខណ្ឌសែនសុខ)
១៧.ផ្សារ ងិនអាន (ខណ្ឌឬស្សីកែវ)
១៨. ផ្សារច្បារអំពៅ (ខណ្ឌ ច្បារអំពៅ)
១៩. ផ្សារបន្លែច្បារអំពៅ (ខណ្ឌច្បារអំពៅ)
២០. ផ្សារ ឆេកូ ឬផ្សារគីឡូម៉ែត្រលេខ៦ (ខណ្ឌឬស្សីកែវ)
២១. ផ្សារ ច្រាំងចំរេះ (ខណ្ឌឬស្សីកែវ)
២២. ផ្សារ ទួលសង្កែ (ខណ្ឌឫស្សីកែវ)
ចំណែក ផ្សារកាប់គោ (ខណ្ឌចំការមន) ត្រូវបានក្រុមអាជីវករ បានអះអាងថា ក្រុមអាជីវករបានព្រមព្រៀងគ្នា ដោយស្ម័គ្រចិត្តបិទខ្លួនឯង តាមការសំណូមពររបស់គណៈកម្មការផ្សារ ចាប់ពីថ្ងៃទី២៤មេសាស្អែកនេះតទៅ ដើម្បីចូលរួមទប់ស្កាត់ការរីករាលដាលជំងឺកូវីដ១៩ ផងដែរ ទោះមិនទាន់មានពាក់ពន្ធ័ជាមួយអ្នកកូវីដក៏ដោយ៕ ចន ណារិទ្ធ
ចែករំលែកព័តមាននេះ