ខ្យល់កន្ត្រាក់ បំផ្លាញផ្ទះប្រជាពលរដ្ឋខូចខាត ៣២ខ្នង នៅសិរីសោភ័ណ
- បន្ទាយមានជ័យ
បន្ទាយមានជ័យ៖ អាជ្ញាធរក្រុងសិរីសោភ័ណ បានចុះពិនិត្យស្ថានភាពខ្យល់កន្ត្រាក់ បំផ្លាញផ្ទះប្រជាពលរដ្ឋ ខូចខាត ៣២ខ្នង នៅល្ងាចថ្ងៃទី២១ ខែមេសា ឆ្នាំ២០២១ នៅសង្កាត់ទឹកថ្លា…
បន្ទាយមានជ័យ៖ អាជ្ញាធរក្រុងសិរីសោភ័ណ បានចុះពិនិត្យស្ថានភាពខ្យល់កន្ត្រាក់ បំផ្លាញផ្ទះប្រជាពលរដ្ឋ ខូចខាត ៣២ខ្នង នៅល្ងាចថ្ងៃទី២១ ខែមេសា ឆ្នាំ២០២១ នៅសង្កាត់ទឹកថ្លា…
បន្ទាយមានជ័យ៖ អាជ្ញាធរក្រុងសិរីសោភ័ណ បានចុះពិនិត្យស្ថានភាពខ្យល់កន្ត្រាក់ បំផ្លាញផ្ទះប្រជាពលរដ្ឋ ខូចខាត ៣២ខ្នង នៅល្ងាចថ្ងៃទី២១ ខែមេសា ឆ្នាំ២០២១ នៅសង្កាត់ទឹកថ្លា ក្រុងសិរីសោភ័ណ។
លោក ហ៊ឹល រ៉ាយ៉ា អភិបាលក្រុងសិរីសោភ័ណ បានប្រាប់ថា ភ្លៀងធ្លាក់លាយឡំដោយខ្យល់កន្ត្រាក់ ថ្មីៗ នេះ បានបំផ្លាញផ្ទះសំបែងប្រជាពលរដ្ឋចំនួន ៣២ខ្នងផ្ទះ ដែលមានបាក់ និងប៉ើងដំបូល។ ផ្ទះប្រជាពលរដ្ឋរងការខូចខាតទាំងនោះ នៅសង្កាត់ទឹកថ្លា ក្រុងសិរីសោភ័ណ។
លោកបានបញ្ជាក់ថា ក្រោយចុះពិនិត្យជាក់ស្តែង រកឃើញរងការខូចខាតដោយខ្យល់កន្ត្រាក់បំផ្លាញមានចំនួន ៣២ខ្នងផ្ទះ ហើយសុំអោយកងកម្លាំងជួយអន្តរាគមន៍ ដើម្បីរុះរើ និងធ្វើជម្រកជូនប្រជាពលរដ្ឋរងគ្រោះ ដោយខ្យល់កន្ត្រាក់ ហើយនៅថ្ងៃទី២២ ខែមេសាស្អែកនេះ សុំអោយកងកម្លាំងជួយជួសជុលជូនប្រជាពលរដ្ឋ។
លោក ហ៊ឹល រ៉ាយ៉ា បានអំពាវនាវបងប្អូនប្រជាពលរដ្ឋ ឲ្យប្រុងប្រយ័ត្នឲ្យបានខ្ពស់ ចំពោះបាតុភូគ្រោះធម្មជាតិ ផ្គរ រន្ទះ ខ្យល់កន្ត្រាក់ ដែលតែងតែកើតមាន។
ប្រជាពលរដ្ឋបានកោតសសើរ និងថ្លែងអំណរគុណចំពោះអភិបាលក្រុងសិរីសោភ័ណ លោក ហ៊ឹល រ៉ាយ៉ា ដែលបានដឹកនាំមន្ត្រី និងកម្លាំងចុះជួយអន្តរាគមន៍ដល់ប្រជាពលរដ្ឋ ដែលរងគ្រោះដោយខ្យល់កន្ត្រាក់ ដើម្បីធ្វើជម្រកបានស្នាក់នៅសិន រង់ចាំព្រឹក នឹងដឹកនាំកម្លាំងធ្វើការជួសជុល៕ ប៊ុនធឿន
ចែករំលែកព័តមាននេះ