សម្តេច ស ខេង ចែកលុយដល់ប៉ូលិស ១២៤៤នាក់ ក្នុងម្នាក់ ២៨ម៉ឺនរៀល
- ភ្នំពេញ
(ភ្នំពេញ)៖ នៅរសៀលថ្ងៃទី២២ ខែមេសា ឆ្នាំ២០២១ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បន្ទាប់ពីហាមមិនឲ្យប៉ូលិស…
(ភ្នំពេញ)៖ នៅរសៀលថ្ងៃទី២២ ខែមេសា ឆ្នាំ២០២១ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បន្ទាប់ពីហាមមិនឲ្យប៉ូលិស…
(ភ្នំពេញ)៖ នៅរសៀលថ្ងៃទី២២ ខែមេសា ឆ្នាំ២០២១ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បន្ទាប់ពីហាមមិនឲ្យប៉ូលិស ប្រើរំពាត់វាយអ្នកមិនគោរពបម្រាមបិទខ្ទប់ភ្នំពេញ និងក្រុងតាខ្មៅ នៅពេលនេះ សម្តេចបានប្រកាសផ្តល់ថវិកាលើកទឹកចិត្តដល់កងកម្លាំងនគរបាលជាតិ ១២៤៤នាក់ ដែលកំពុងការពារតាមគោលដៅ និងប្រចាំការងត្រៀមអន្តរាគមន៍ ក្នុងដំណាក់កាលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ ខេត្តកណ្តាល។ ប៉ូលិសម្នាក់ ទទួលបាន ២៨០ ០០០រៀល។
ក្នុងលិខិត ជូននាយឧត្តមសេនីយ៍ នេត សាវឿន អគ្គស្នងការនគរបាលជាតិ នៅថ្ងៃទី២២ ខែមេសា ឆ្នាំ២០២១ សម្តេចក្រឡាហោម ស ខេង បានលើកឡើងថា «ដើម្បីជាការលើកទឹកចិត្តដល់កងកម្លាំងនគរបាលជាតិ ចំនួន ១២៤៤នាក់ ដែលកំពុងការពារតាមគោលដៅ និងប្រចាំការត្រៀមអន្តរាគមន៍ ក្នុងដំណាក់កាលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាល ខ្ញុំសូមឧបត្ថម្ភនូវថវិកាចំនួន ៣៤៨ ៣២០ ០០០ រៀល បន្ថែមលើគោលរបប ដែលបានឧបត្ថម្ភ ជាហូរហែកន្លងមកហើយ។ សូមឯកឧត្តម នាយឧត្តមសេនីយ៍ ចាត់ចែងបែងចែកថវិកានេះ ជូនដល់បងប្អូនកងកម្លាំង ដោយក្នុង ០១នាក់ ទទួលបានថវិកា ចំនួន ២៨០ ០០០ រៀល»៕
ចែករំលែកព័តមាននេះ