រាជធានីភ្នំពេញ ៖ ក្រុមគ្រូពេទ្យបានរកឃើញករណីវិជ្ជមានកូវីដ19 ចំនួន29នាក់ទៅលើអាជីវករផ្សារដេប៉ូ ក្នុងចំណោមអាជីវករធ្វើតេស្តចំនួន274នាក់ដែលបានមកធ្វើតេស្តសំណាក កាលពីរសៀលថ្ងៃទី២១ ខែមេសា រហូតដល់វេលាម៉ោង៩យប់ថ្ងៃដដែល។ គួររំលឹកថា ផ្អាកដំណើរការផ្សារដេប៉ូ…
រាជធានីភ្នំពេញ ៖ ក្រុមគ្រូពេទ្យបានរកឃើញករណីវិជ្ជមានកូវីដ19 ចំនួន29នាក់ទៅលើអាជីវករផ្សារដេប៉ូ ក្នុងចំណោមអាជីវករធ្វើតេស្តចំនួន274នាក់ដែលបានមកធ្វើតេស្តសំណាក កាលពីរសៀលថ្ងៃទី២១ ខែមេសា រហូតដល់វេលាម៉ោង៩យប់ថ្ងៃដដែល។ គួររំលឹកថា ផ្អាកដំណើរការផ្សារដេប៉ូ ជាបណ្តោះអាសន្ន ដើម្បីបង្ការ និងទប់ស្កាត់ការឆ្លងរីករាលដាលជំងឺកូវីដ
នៅព្រឹកថ្ងៃទី២២ ខែមេសានេះ គេសង្កេតឃើញអាជីវកររាប់សិបនាក់បានបន្តសំរុកទៅធ្វើតេស្តនៅក្នុងទីតាំងផ្សារដេប៉ូ ដែលស្ថិតនៅក្នុងសង្កាត់ផ្សារដេប៉ូទី១ ខណ្ឌទួលគោក ។ ទោះបីជាយ៉ាងណា នៅព្រឹកថ្ងៃដដែលនេះដែរ ក្រុមគ្រូពេទ្យកំពុងត្រៀមបន្តយកសំណាក។
ទន្ទឹមនឹងនោះផងដែរ គណៈកម្មការផ្សារដេប៉ូក៏បានអំពាវនាវដល់អាជីវករទាំងអស់នាំគ្នាមកធ្វើតេស្តសំណាកឱ្យបានគ្រប់ៗគ្នា ។
សូមបញ្ជាក់ថា ផ្សារដេប៉ូ ត្រូវបានរដ្ឋបាលខណ្ឌទួលគោកចេញសេចក្តីជូនដំណឹងឱ្យផ្អាកដំណើរការជាបណ្តោះអាសន្ន កាលពីថ្ងៃទី២១ មេសា ឆ្នាំ២០២១ ព្រមទាំងណែនាំឱ្យអាជីវករ និងប្រជាពលរដ្ឋដែលចេញចូលផ្សានាំគ្នាទៅធ្វើតេស្តសំណាកផងដែរ ៕
ចែករំលែកព័តមាននេះ