រាជធានីភ្នំពេញ ៖ ផ្សារដេប៉ូ ត្រូវបានរដ្ឋបាលខណ្ឌទួលគោក ជូនដំណឹងអោយផ្អាកដំណើរការជាបណ្តោះអាសន្នក្នុងរយះពេល ១៤ថ្ងៃគិតចាប់ពីម៉ោងសូន្យនាទី ថ្ងៃទី២១ ខែមេសា ឆ្នាំ២០២១ ដល់ថ្ងៃទី៥…
រាជធានីភ្នំពេញ ៖ ផ្សារដេប៉ូ ត្រូវបានរដ្ឋបាលខណ្ឌទួលគោក ជូនដំណឹងអោយផ្អាកដំណើរការជាបណ្តោះអាសន្នក្នុងរយះពេល ១៤ថ្ងៃគិតចាប់ពីម៉ោងសូន្យនាទី ថ្ងៃទី២១ ខែមេសា ឆ្នាំ២០២១ ដល់ថ្ងៃទី៥ ខែឧសភា ឆ្នាំ២០២១ ដើម្បីបង្ការ និងទប់ស្កាត់ការឆ្លងរីករាលដាលវីរុសកូវីដ១៩។
ផ្សារដេប៉ូ ជាផ្សាររដ្ឋធំមួយ ស្ថិតនៅមូលដ្ឋានសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។
តាមសេចក្តីជួនដំណឹងស្តីពីការផ្អាកដំណើរការជាបណ្តោះអាសន្នមូលដ្ឋានផ្សារដេប៉ូរបស់រដ្ឋបាលខណ្ឌទួលគោកចុះថ្ងៃទី២០ ខែមេសា ឆ្នាំ២០២១ បានអោយដឹងថា ក្នុងរយៈពេលប៉ុន្មានថ្ងៃចុងក្រោយនេះមានអាជីវករ និងប្រជាពលរដ្ឋ បានឆ្លងវីរុសកូវីដ១៩ក្នុងព្រឹត្តិការណ៍សហគមន៍២០ កុម្ភះ ឆ្នាំ២០២១ ដែលស្ថានភាពនេះបានឆ្លងរាលដាលយ៉ា់ងឆាប់រហ័សគួរអោយព្រួយបារម្ភនិងចាំបាច់ត្រូវមានវិធានការសុខាភិបាលដើម្បីទប់ស្កាត់ជាបន្ទាន់។
ចំពោះមុខ រដ្ឋបាលខណ្ឌទួលគោក សូមផ្អាកដំណើរការជាបណ្តោះអាសន្នមូលដ្ឋាន ផ្សារដេប៉ូ សម្រាប់រយះពេល១៤ថ្ងៃ ចាប់ពីម៉ោងសូន្យនាទីថ្ងៃទី២១ខែមេសា ឆ្នាំ ២០២១ដល់ថ្ងៃទី០៥ខែឧសភាឆ្នាំ ២០២១ដើម្បីបង្ការ និងទប់ស្កាត់ការឆ្លងរីករាលដាលវីរុសកូវីដ១៩ទៅដល់បងប្អូន អាជីវករ អតិថិជនក៍ដូចជាប្រជាពលរដ្ឋដែលបានចេញចូលក្នុងទីតាំងផ្សារខាងលើ។
នៅក្នុងសេចក្តីជូនដំណឹងនោះ រដ្ឋបាលខណ្ឌទួលគោកក៍បានអំពាវនាវ ដល់បងប្អូន អាជីវករ សន្តិសុខ បុគ្គលិក កម្មករ បម្រើការងារក្នុងផ្សារ និងក្រុមគ្រួសារអាជីវករពាក់ព័ន្ធ ព្រមទាំងប្រជាពលរដ្ឋ ដែលបានចេញចូលផ្សារ ខាងលើគិតចាប់ពីថ្ងៃទី០៧ ខែមេសា ដល់ថ្ងៃទី១៤ខែមេសា ឆ្នាំ ២០២១មក បើមានអាការៈក្តៅខ្លួន ក្អក ពិបាកដកដង្ហើម ហើយមានការសង្ស័យថា ឆ្លងមេរោគកូវីដ១៩ សូមអញ្ជើញមកយកសំណាកតេស្តរកមេរោគកូវីដ១៩ជាបន្ទាន់នៅបរិវេណទីរួមផ្សារដេប៉ូ ស្ថិតនៅសង្កាត់ផ្សារដេប៉ូទី១ ព្រមទាំងអនុវត្តវិធានចត្តាឡីស័កស្របតាមការណែនាំរបស់ក្រសួងសុខាភិបាលអោយបានត្រឹមត្រូវបំផុត។
គួរបញ្ជាក់ថា ផ្សារជាច្រើននៅក្នុងរាជធានីភ្នំពេញបានបន្តបិទបណ្តោះអាសន្នជាបណ្តើរៗ បន្ទាប់ពីរកឃើញវិជ្ជមានកូវីដ១៩លើអាជីវករ និងអ្នកវិជ្ជមានកូវីដ១៩ចេញចូលផ្សារទាំងនោះ៕
ចែករំលែកព័តមាននេះ