ខេត្តសៀមរាប ៖ ប្រាសាទព្រះធាតុខ្វាវ ប្រហែលកសាងឡើង នៅរវាងដើមសតវត្សរ៍ទី១៣ មានទីតាំងស្ថិតនៅភូមិព្រះធាតុ ឃុំខ្វាវ ស្រុកជីក្រែង ខេត្តសៀមរាប សាងអំពីថ្មបាយក្រៀម…
ខេត្តសៀមរាប ៖ ប្រាសាទព្រះធាតុខ្វាវ ប្រហែលកសាងឡើង នៅរវាងដើមសតវត្សរ៍ទី១៣ មានទីតាំងស្ថិតនៅភូមិព្រះធាតុ ឃុំខ្វាវ ស្រុកជីក្រែង ខេត្តសៀមរាប សាងអំពីថ្មបាយក្រៀម មានតួទោល រាងបួនជ្រុងស្មើ ។ នេះបើយោងតាមផេកវិទ្យាស្ថានមនុស្សសាស្ត្រ និងវិទ្យាសាស្ត្រសង្គម IHSS បានប្រកាសនាព្រឹកថ្ងៃទី០៩ ខែមករានេះ ។
នៅជុំវិញតួប្រាសាទមានវត្ថុបុរាណជាច្រើន ដាក់គរលើគ្នា ដែលជាវត្ថុសិល្បៈសម្រាប់ព្រហ្មញ្ញសាសនាផង និងព្រះពុទ្ធសាសនាផង ។ នៅខាងកើត ស្ទើរជាប់នឹងប្រាសាទ គេសង់ព្រះវិហារឈើមួយតម្កល់ព្រះពុទ្ធរូបសម័យបច្ចុប្បន្ន សម្រាប់រៀបចំកិច្ចពិធីនានាទាក់ទងនឹងព្រះពុទ្ធសាសនា ។ នៅខាងកើតព្រះវិហារឈើនេះ មានបដិមាតោ ចំនួន ២នៅរក្សារូបរាង និងស្ថានភាពស្អាតល្អនៅឡើយ ។
ជារៀងរាល់ឆ្នាំ ប្រជាពលរដ្ឋរស់នៅក្នុងឃុំខ្វាវ ស្រុកជីក្រែង តែងតែប្រារព្វពីពីឆ្លងចេត្រនៅប្រាសាទព្រះធាតុខ្វាវ ក្នុងខែមេសា បន្ទាប់ពីពិធីចូលឆ្នាំថ្មីប្រពៃណីជាតិខ្មែរបានបញ្ចប់ ៕
ចែករំលែកព័តមាននេះ