ADផ្ទាំងផ្សព្វផ្សាយពាណិជ្ជកម្ម

ចាប់បានម្នាក់ លុះស្រាវជ្រាវបែកធ្លាយ៤នាក់ទៀតមានទាំងខ្មែរនិងបរទេស

4 ឆ្នាំ មុន

សៀមរាប
២២ ខែ មេសា ឆ្នាំ ២០២១ ម៉ោង ០៩:១៣

ខេត្តសៀមរាប ៖ កាលពីវេលាម៉ោង៣រសៀលថ្ងៃទី២០ ខែមេសា ឆ្នាំ២០២១ កម្លាំងការិយាល័យប្រឆាំងគ្រឿងញៀ.នបានចូលរួមសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក បានចុះបង្ក្រាបបទជួញដូរ និងប្រើប្រាស់ដោយខុសច្បាប់នូវសារធាតុញៀ.ន នៅចំនុចលំនៅដ្ឋានស្ថិតនៅភូមិវាល សង្កាត់គោកចក ក្រុងខេត្តសៀមរាប ឃាត់ខ្លួនជនសង្ស័យចំនួន១នាក់ឈ្មោះ សំ មករា ហៅត្រេន ភេទប្រុស អាយុ២៦ឆ្នាំ ជនជាតិខ្មែរ មុខរបរជាងជួសជុលកង់ មានទីលំនៅភូមិវាល សង្កាត់គោកចក ក្រុង ខេត្តសៀមរាប ។

រហូតដល់វេលាម៉ោង៧និង៣០នាទីថ្ងៃទី ២១ ខែមេសា ឆ្នាំ២០២១ កម្លាំងការិយាល័យប្រឆាំងគ្រឿងញៀ.នបានពន្លាតការស៊ើបអង្កេត និងស្រាវជ្រាវចាប់ឃាត់ខ្លួនជនសង្ស័យជាបក្ខពួក និងមេខ្លោងជាបន្តបន្ទាប់រហូតបានចំនួន៤នាក់ទៀត ក្នុងនោះមានទាំងជនបរទេសចំនួន២នាក់ ពីបទរក្សាទុកជួញដូរ ចាត់ចែង និងប្រើប្រាស់ដោយខុសច្បាប់នូវសារធាតុញៀ.ន នៅចំនុចបន្ទប់ជួល ស្ថិតនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប ។

ជនសង្ស័យចំនួន៤នាក់ខាងលើ (ស្រី១នាក់ ជនជាតិរុស្សី១នាក់ ជនជាតិវៀតណាម១នាក់) រួមមាន ១-ឈ្មោះ ស គឹមរ៉ា ហៅនាងភេទប្រុស អាយុ២៨ឆ្នាំ ជនជាតិខ្មែរ មុខរបរជាងភ្លើង មានទីលំនៅភូមិវាល សង្កាត់គោកចក ក្រុងសៀមរាប ខេត្តសៀមរាប ២-ឈ្មោះ លឹម លីវុធភេទប្រុស អាយុ៥៣ឆ្នាំ ជនជាតិខ្មែរ មុខរបរជាងជួសជុលម៉ូទ័រ មានទីលំនៅភូមិវាល សង្កាត់សំបួរ ក្រុងសៀមរាប ខេត្តសៀម រាប ៣-ឈ្មោះ PAVEL MIRINOV ភេទប្រុស អាយុ៤០ឆ្នាំ ជនជាតិរុស្សី មុខរបរអ្នកនេសាទ មានទីលំនៅស្នាក់នៅបន្ទប់ជួល ភូមិសាលាកន្សែង សង្កាត់ ស្វាយដង្គំ ក្រុងសៀមរាប ខេត្តសៀមរាប និង៤-ឈ្មោះ ឡេ ធីភឿង រឺ ឡេង ស្រីល័ក្ខ ភេទស្រី អាយុ២៩ឆ្នាំ ជនជាតិវៀតណាម មុខរបរមិនពិតប្រាកដ មានទីលំនៅស្នាក់នៅបន្ទប់ជួល ភូមិសាលាកន្សែង សង្កាត់ ស្វាយដង្គំ ក្រុងសៀមរាប ខេត្តសៀមរាប។

ក្នុងប្រតិបត្តិការបង្ក្រាបបទល្មើសខាងលើនេះ សមត្ថកិច្ចដកហូតវត្ថុតាងបានរួមមាន : ម្សៅមេតំហ្វេតាមីនចំនួន៧កញ្ចប់ ម៉ូតូចំនួន២គ្រឿង ទូរស័ព្ទដៃចំនួន៦គ្រឿង លិខិតឆ្លងដែនចំនួន១ក្បាល និងកាតអេធីអឹមចំនួន១ ។

បច្ចុប្បន្ន ជនសង្ស័យព្រមទាំងវត្ថុតាងត្រូវបានកម្លាំងការិយាល័យជំនាញបញ្ចូនទៅសាលាដំបូងខេត្តសៀមរាបថ្ងៃទី ២២ ខែ មេសា ឆ្នាំ២០២១ ដើម្បីចាត់ការតាមផ្លូវច្បាប់៕