ខេត្តតាកែវ ៖ លោក នុត ស៊ីណាត ប្រធានមន្ទីរសុខាភិបាលខេត្តតាកែវ បានអោយដឹងនៅរសៀល ថ្ងៃទី១៩ ខែមេសានេះថា មន្ត្រីសុខាភិបាលបានធ្វើតេស្តរកឃើញអ្នកផ្ទុកជំងឺកូវីដ១៩ ចំនួន១០នាក់បន្តទៀត នៅក្នុងភូមិស្នោ ឃុំស្នោ ស្រុកព្រៃកប្បាស ខេត្តតាកែវ ដែលភូមិនេះ អាជ្ញាធបានបិទខ្ទប់ទាំងស្រុង អស់រយៈពេល៥ថ្ងៃកន្លងមកហើយ បន្ទាប់ពីមានរកឃើញអ្នកកើតជំងឺកូវីដ១៩ជាបន្តបន្ទាប់ ។
លោកប្រធានមន្ទីរសុខាភិបាលខេត្តតាកែវ បានបន្តទៀតថា អ្នកផ្ទុកជំងឺកូវីដ១៩ ចំនួន១០នាក់នេះត្រូវរកឃើញនៅក្នុងចំណោមអ្នកដែលត្រូវយកសំណាក៣៤១នាក់ នៅក្នុងភូមិស្នោ ឃុំស្នោស្រុកព្រៃកប្បាស ខេត្តតាកែវ កាលពីថ្ងៃទី១៦ កន្លងមកហើយ ។
បច្ចុប្បន្នអ្នកជំងឺទាំង១០នាក់ត្រូវបានដាក់អោយសម្រាកព្យាបាលនៅមន្ទីរពេទ្យបង្អែកស្រុកព្រៃកប្បាស់ រីឯអ្នកពាក់ព័ន្ធត្រូវបានដាក់ឲ្យធ្វើចត្តាឡីស័កនៅវិទ្យាល័យហេង សំរិន ព្រៃល្វា ដែលស្ថិតនៅក្នុងស្រុកព្រៃកប្បាស់ ។
លោកប្រធានមន្ទីរសុខាភិបាលខេត្តតាកែវ បានបញ្ជាក់ថាដោយសារតែអ្នកពាក់ព័ន្ធមានចំនួនច្រើន ហេតុដូច្នោះអ្នកពាក់ព័ន្ធមួយចំនួនទៀត ត្រូវបានដាក់ឱ្យធ្វើចត្តាឡីស័កនៅក្នុងផ្ទះរបស់ខ្លួននៅក្នុងភូមិខាងលើភូមិនេះ ដែលត្រូវបានលោកអភិបាលខេត្តតាកែវបញ្ជាឱ្យបិទខ្ទប់អស់រយៈពេល៥ ថ្ងៃមកហើយ បន្ទាប់ពីមានអ្នកឆ្លងជម្ងឺcovid 19 ជាបន្តបន្ទាប់៕
ចែករំលែកព័តមាននេះ