ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវបានកម្លាំងកងរាជអាវុធហត្ថខេត្តបន្ទាយមានជ័យបញ្ជូនខ្លួនទៅសាលាដំបូងខេត្តចាត់ការតាមនីតិវិធីច្បាប់ នៅថ្ងៃទី១៨ ខែមេសា ឆ្នាំ២០២១ ពីរំលោ.ភសេពសន្ទវៈ កើតឡើងនៅវេលាម៉ោង២ទៀបភ្លឺ ថ្ងៃទី១៧ ខែមេសា ឆ្នាំ២០២១ នៅចំណុចបន្ទប់ជួលជិតខារ៉ាអូខេអេស្វផ្លាស ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានឲ្យដឹងថា ក្រោយពីទទួលបានបណ្តឹងពីនារីរងគ្រោះអាយុ៣២ឆ្នាំថា មានឈ្មោះអៀក សេងថៃ ភេទប្រុស អាយុ៣៥ឆ្នាំ បានធ្វើសកម្មភាពគំរា.មសម្លា.ប់ និងបង្ខំនាងរំលោ.ភនៅវេលាម៉ោង០២ទៀបភ្លឺឈានចូលថ្ងៃទី១៧ខែមេសា ឆ្នាំ២០២១ នៅចំណុចបន្ទប់ជួលជិតខារ៉ាអូខេអេស្វផ្លាស ស្ថិតក្នុងភូមិសាមគ្គីមានជ័យ សង្កាត់-ក្រុងប៉ោយប៉ែតនោះមក ។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានចាត់តាំងឲ្យលោកដឹកនាំកម្លាំងមូលដ្ឋានកងរាជអាវុធហត្ថក្រុងប៉ោយប៉ែត ចុះប្រតិបត្តិការស្រាវជ្រាវ និងឈានដល់ឃាត់ខ្លួនជនសង្ស័យឈ្មោះអៀក សេងថៃ ភេទប្រុស អាយុ៣៥ឆ្នាំ មុខរបរជាជាជួសជុលរថយន្ត នៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ មកសួរនាំនៅបញ្ជាការដ្ឋានកងរាជអាវុធហត្ថក្រុងប៉ោយប៉ែត ។
លោកមេបញ្ជាការបានបញ្ជាក់ថា ក្រោយពីឃាត់ខ្លួន និងសួរនាំជនសង្ស័យរូបនេះបានសារភាពថា នៅវេលាម៉ោង៥និង៣០នាទីល្ងាច ថ្ងៃទី១៦ ខែមេសា ឆ្នាំ២០២១ ខ្លួនបានធ្វើដំណើរទៅក្រុងប៉ោយប៉ែត ដើម្បីទៅលេងជាមួយប្រពន្ធដែលស្នាក់នៅបន្ទប់ជួលជាមួយនារីរងគ្រោះម្នាក់ តែមិនទាន់បានទៅជួបប្រពន្ធទេ ដោយសារតែរវល់ទៅជួបមិត្តភក្តិផឹកស៊ី ។ បន្ទាប់ពីស្រវឹងក៏បានទៅបន្ទប់ដែលប្រពន្ធជួលនៅ ដើម្បីសម្រាក ប៉ុន្តែចៃដន្យមិនឃើញប្រពន្ធគេនៅឡើយ ជួបតែនារីរងគ្រោះ ដោយជាឱកាសល្អ គេក៏បានឡើងដេកលើគ្រែជាមួយនារីរងគ្រោះ ដោយធ្វើសកម្មភាពចាប់រំលោ.ភនាង តែនាងមិនព្រមក៏ចាប់ច្របាច់.ក និងគំរា.មសម្លា.ប់ចោល ទើបនាងព្រមឲ្យរំលោ.ភបានសម្រេចម្តង ។
លោកវរសេនីយ៍ឯក មែន ភីរម្យ មេបញ្ជាការរងកងរាជអាវុធហត្ថខេត្ត ទទួលការងារយុត្តិធម៌ បានបញ្ជាក់ថា ផ្អែកតាមបណ្តឹងរបស់នារីរងគ្រោះ និងចម្លើយសារភាពរបស់ជនសង្ស័យ កម្លាំងជំនាញប្រឆាំងកការជួញដូរមនុស្សនៃបញ្ជាការដ្ឋានកងរាជអាវុធហត្ថខេត្ត ក៏បានរៀបចំសណុំរឿង រួចបញ្ជូនជនសង្ស័យរូបនេះទៅសាលាដំបូងខេត្ត ដើម្បីចាត់ការតាមនីតិវិធីច្បាប់ហើយដែរ៕
ចែករំលែកព័តមាននេះ