ADផ្ទាំងផ្សព្វផ្សាយពាណិជ្ជកម្ម

លោក ចូ ប៊ៃដិន គាំទ្រយ៉ាងពេញទំហឹងក្នុងការរៀបចំកីឡាអូឡាំពិកទីក្រុងតូក្យូ

3 ឆ្នាំ មុន

១៨ ខែ មេសា ឆ្នាំ ២០២១ ម៉ោង ១៦:៤០

សហរដ្ឋអាមេរិក-ជប៉ុន ៖ ប្រធានាធិបតីសហរដ្ឋអាមេរិកលោក ចូ ប៊ៃដិន (Joe Biden) បានផ្តល់ការគាំទ្រដល់កិច្ចខិតខំប្រឹងប្រែងរបស់ប្រទេសជប៉ុន ក្នុងការរៀបចំការប្រកួតកីឡាអូឡាំពិកប្រកបដោយសុវត្ថិភាព និងទំនុងចិត្តខ្ពស់បំផុតនៅក្នុងឆ្នាំនេះ បន្ទាប់ពីកន្លងមកមានការពិភាក្សាអំពីការលុបចោលព្រឹត្តិការណ៍នេះ ដោយសារតែឆ្លងរាតត្បាតនៃវីរុសកូវី១៩ យ៉ាងណាដោយ។

នាយករដ្ឋមន្ត្រីជប៉ុន លោក យូហ្ស៊ីហ៊ីដេ ស៊ូហ្កា (Yoshihide Suga) ដែលបានជួបជាមួយលោក ចូ ប៊ៃដិន ក្នុងនាមជាភ្ញៀវបរទេសដំបូងរបស់ប្រធានាធិបតីសហរដ្ឋអាមេរិកបាននិយាយថា ប្រទេសលោកកំពុងស្តាប់អ្នកជំនាញ និងធ្វើការងារឱ្យអស់ពីសមត្ថភាព ដើម្បីត្រៀមរៀបចំព្រឹត្តិការណ៍អូឡាំពិកទីក្រុងតូក្យូ។

លោក ស៊ូហ្កា បានថ្លែងក្នុងសន្និសីទសារព័ត៌មានរួមគ្នាថា «ខ្ញុំបានបង្ហាញការប្តេជ្ញាចិត្តរបស់ខ្ញុំក្នុងការសម្រេចយកព្រឹត្តិការណ៍អូឡាំពិក និងប៉ារ៉ាឡាំពិកទីក្រុងតូក្យូ ជានិមិត្តរូបនៃឯកភាពពិភពលោក។ ហើយជាមួយគ្នានេះ លោកប្រធានាធិបតី ចូ ប៊ៃដិន ក៏បានបង្ហាញការគាំទ្រសារជាថ្មីម្តងទៀត» ។

សេចក្តីថ្លែងការណ៍រួមបាននិយាយថា មេដឹកនាំប្រទេសទាំង ២ បានសម្តែងមោទនភាពចំពោះអត្តពលិកអាមេរិក និងជប៉ុន ដែលកំពុងបានហ្វឹកហាត់ត្រៀមសម្រាប់ព្រឹត្តិការណ៍ដ៏ធំនេះ ដែលនឹងត្រូវប្រកួតប្រជែងក្នុងប្រពៃណីល្អបំផុតឈរលើស្មារតីអូឡាំពិក។

គូសបញ្ជាក់ជូនថា ព្រឹត្តិការណ៍អូឡាំពិកទីក្រុងតូក្យូនឹងចាប់ផ្តើមនៅថ្ងៃទី ២៣ ខែកក្កដា រហូតដល់ថ្ងៃទី ៨ ខែសីហា ខាងមុខនេះ។ បន្ទាប់ពីត្រូវបានពន្យារពេល ១ឆ្នាំរួចមកហើយ ដោយសារតែការឆ្លងរីករាលដាលនៃវីរុសកូវីដ១៩។ ទោះបីយ៉ាងណាក៏ដោយ ព្រឹត្តិការណ៍នេះ បានអនុញ្ញាតឱ្យមានតែអ្នកទស្សនាជាជនជាតិជប៉ុនចូលរួមតែណ្ណោះ៕ (ដកស្រង់ចេញពី Bangkok Post)