រាជធានីភ្នំពេញ ៖ លេខាធិការដ្ឋានរដ្ឋបាល សាលាដំបូងរាជធានីភ្នំពេញ នាថ្ងៃទី១៦ ខែមេសា ឆ្នាំ២០២១នេះ បានចេញសេចក្តីជូនដំណឹងមួយ ស្តីពីការបំពេញការងាររបស់សាលាដំបូងរាជធានីភ្នំពេញ ក្នុងអំឡុងពេលបិទខ្ទប់…
រាជធានីភ្នំពេញ ៖ លេខាធិការដ្ឋានរដ្ឋបាល សាលាដំបូងរាជធានីភ្នំពេញ នាថ្ងៃទី១៦ ខែមេសា ឆ្នាំ២០២១នេះ បានចេញសេចក្តីជូនដំណឹងមួយ ស្តីពីការបំពេញការងាររបស់សាលាដំបូងរាជធានីភ្នំពេញ ក្នុងអំឡុងពេលបិទខ្ទប់ រាជធានីភ្នំពេញ ដើម្បីទប់ស្កាត់ការឆ្លងរាលដាលនៃជម្ងឺកូវីដ-១៩ ។
យោងតាមសេចក្តីសម្រេចលេខ ៤៩ សសរ ចុះថ្ងៃទី១៤ ខែមេសា ឆ្នាំ២០២១ ស្តីពីការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរាលដាល នៃជម្ងឺកូវីដ-១៩ ក្នុងអំឡុងពេលបិទខ្ទប់រាជធានីភ្នំពេញ ដែលបានកំណត់ចន្លោះពីថ្ងៃទី១៥ ដល់ថ្ងៃទី២៨ ខែមេសា ឆ្នាំ២០២១ សាលាដំបូងរាជធានីភ្នំពេញ សូមជូនដំណឹងដល់សាធារណជន មន្ត្រីទាំងអស់ នឹងភាគីពាក់ព័ន្ធឲ្យបានជ្រាបថា រាល់កម្មវិធីសវនាការ នីតិវិធីសាកសួរ និងកិច្ចនីតិវិធីផ្សេងទៀត ត្រូវបានលើកពេល លើកលែងតែសំណុំរឿងមួយចំនួន ដែលត្រូវការចាំបាច់ធ្វើកិច្ចនីតិវិធី តាមការពិនិត្យជាក់ស្តែងដោយចៅក្រម ។
ជាមួយគ្នានេះ សាលាដំបូងរាជធានីភ្នំពេញ នៅផ្តល់ជូនសេវាចាំបាច់មួយចំនួនទៀត ដោយចាត់តាំងឲ្យមានមន្ត្រីប្រចាំការទទួលបន្ទុកការងារ ។ ដូច្នេះ សូមសាធារណជន មន្ត្រីទាំងអស់ នឹងភាគីពាក់ព័ន្ធមេត្តាជ្រាប ជាព័ត៌មាន ៕
ចែករំលែកព័តមាននេះ