ភ្នំពេញ៖ មន្ត្រីក្រសួងសាធារណការ និងដឹកជញ្ជូន ៣នាក់ បានឆ្លងកូវីដ១៩ កាលពីថ្ងៃទី១៤ ខែមេសា ហើយត្រូវបានក្រសួងសាធារណការ និងដឹកជញ្ជូន បានប្រកាសកាលពីថ្ងៃទី១៤មេសា…
ភ្នំពេញ៖ មន្ត្រីក្រសួងសាធារណការ និងដឹកជញ្ជូន ៣នាក់ បានឆ្លងកូវីដ១៩ កាលពីថ្ងៃទី១៤ ខែមេសា ហើយត្រូវបានក្រសួងសាធារណការ និងដឹកជញ្ជូន បានប្រកាសកាលពីថ្ងៃទី១៤មេសា ហើយសាលារាជធានីភ្នំពេញ ក៏បានប្រកាសអត្តសញ្ញាណ នៅថ្ងៃទី១៥មេសានេះ។ មន្ត្រីទាំង ៣នាក់នោះ បានធ្វើតេស្ត កាលពីថ្ងៃទី១៣ ខែមេសា ហើយលទ្ធផលវិជ្ជមានវីរុសកូវីដ១៩ រួមមាន៖ ១-លោក អ៊ុយ សុវណ្ណារិទ្ធ អនុប្រធាននាយកដ្ឋានដឹកជញ្ជូនផ្លូវគោក ២-លោកស្រី គង់ ចន្ធូ អនុប្រធានការិយាល័យនៃនាយកដ្ឋានរដ្ឋបាល និងទី៣-លោក អ៊ុយ សុវណ្ណារ៉ុង ជំនួយការ ឯកឧត្តម វ៉ាស៊ីម សុរិយា អនុរដ្ឋលេខាធិការ។
យ៉ាងណាក៏ដោយ នៅថ្ងៃទី១៥ ខែមេសានេះ ក្រសួងសាធារណការ និងដឹកជញ្ជូន បានចាប់ផ្តើមដំណើរការចាក់វ៉ាក់សាំងបង្ការជំងឺកូវីដ១៩ ដូសលើកទី២ ដោយចាប់ផ្តើមចាក់មុនគេ លើសមាជិក សមាជិកា ក្រុមការងារសហភាពសហព័ន្ធយុវជនកម្ពុជា វិស័យសាធារណការ និងដឹកជញ្ជូន។
ដំណើរការចាក់វ៉ាក់សាំង ដូសទី២នេះ ធ្វើឡើងនៅទីស្តីក្រសួងសាធារណការ និងដឹកជញ្ជូន ជូនបុគ្គលិកមន្ត្រីរាជការគ្រប់ជាន់ថ្នាក់ក្រោមឱវាទ នៅទីស្តីការក្រសួងសាធារណការ និងដឹកជញ្ជូន ចាប់ពីថ្ងៃទី១៥មេសា រហូតដល់ថ្ងៃទី១៩ ខែមេសា ឆ្នាំ២០២១។
នៅថ្ងៃទី១៥ ខែមេសា ឆ្នាំ២០២១ ការចាក់វ៉ាក់សាំង ដូសលើកទី២ នៅក្រសួងសាធារណការ និងដឹកជញ្ជូន ចាក់បានចំនួន ២៦៩ នាក់៕
ចែករំលែកព័តមាននេះ