ខេត្តស្វាយរៀង ៖ បើតាមសេចក្តីរាយការណ៍បានឱ្យដឹងថា មានករណីមួយបានកើតឡើងបានធ្វើឱ្យមហាជនហួសចិត្តនឹងរឿងប្តីប្រពន្ធ១គូដែលបានផឹកស្រាស្រវឹង ក៏ផ្ទុះជម្លោះរហូតបើកឆាកវាយតប់គ្នាទៅមកមួយប្រាវ រហូតឈានដល់ប្រពន្ធទាញបានដែកចុងស្រួច រួចក៏ចាក់ទៅលើប្តីចំក្រោមដោះខាងស្តាំលេចមួយដែកស្រួច បណ្តាលឲ្យដួលប្រកាច់ស្លា.ប់យ៉ាងអាណោចអាធ័ម។
សេចក្តីរាយការណ៍បន្តថា បន្ទាប់មកសមត្ថកិច្ចនគរបាលឃុំក្រោលគោ ក៏បានចុះទៅចាប់ឃាត់ខ្លួនស្ត្រីជាប្រពន្ធយកមកសាកសួរ បន្ទាប់ពីមានជម្លោះជាមួយប្ដី ហើយបានប្រើហិង្សាយកដែកមុតស្រួចមកចាក់ចំដើមទ្រូងប្តី បណ្ដាលឱ្យស្លា.ប់ បង្កការភ្ញាក់ផ្អើលទាំងយប់។
បើតាមសមត្ថកិច្ចឲ្យដឹងថា ករណីខាងលើនេះ បានកើតឡើងកាលពីវេលាម៉ោង៨និង៣០នាទីយប់ ថ្ងៃទី១២ ខែមេសា ឆ្នាំ២០២១ នៅចំណុចភូមិឫស្សីជួរខាងជើង ឃុំក្រោលគោ ស្រុកស្វាយជ្រំ ខេត្តស្វាយរៀង។
ប្រភពដដែលបន្តទៀតថា ជនរងគ្រោះជាប្ដីបានផឹកស្រាស្រវឹងហើយក៏បានបង្កជម្លោះឈ្លោះប្រកែកគ្នាជាមួយប្រពន្ធនៅផ្ទះរបស់ខ្លួនយ៉ាងខ្លាំង រហូតដល់ផ្អើលអ្នកភូមិ។ ខណៈនោះស្ត្រីជាប្រពន្ធក៏ស្រវឹងដូចគ្នា ហើយបានដើរសំដៅទៅរកប្តី រួចក៏ឈ្លោះប្រកែកគ្នាខ្លាំងៗ រហូតផ្ទុះហិង្សាបើកឆាកវាយតប់គ្នាតែម្តង ។ គ្រានោះអ្នកជិតខាងមិនហ៊ានចូលទៅឃាត់នោះទេ ខណៈពេលនោះស្រាប់តែស្ត្រីជាប្រពន្ធបានយកដែកមុតស្រួច មកចាក់ទៅលើប្តីចំទ្រូងក្រោមដោះខាងស្តាំ លេចមួយដែកចុងស្រួច បណ្ដាលឱ្យបុរសជាប្តីស្លា.ប់នៅនឹងកន្លែងកើតហេតុតែម្ដង។
សមត្ថកិច្ចបានឱ្យដឹងទៀតថា ស្ត្រីសង្ស័យជាប្រពន្ធខាងលើនេះមានឈ្មោះសុខ សារ៉ាត់ អាយុ៤៨ឆ្នាំ មុខរបរកសិករ ចំណែកជនរងគ្រោះជាប្ដីមានឈ្មោះធឹម សំណាង ហៅធុង អាយុ៤៨ឆ្នាំដូចគ្នា មុខរបរកសិករ រស់នៅភូមិឫស្សីជួរខាងជើង ឃុំក្រោលគោ ស្រុកស្វាយជ្រំខេត្តស្វាយរៀង។
សមត្ថកិច្ចបានបញ្ជាក់ថា ចំពោះមូលហេតុ គឺប្តីប្រពន្ធមួយគូរនេះជាអ្នកញៀនស្រាដូចគ្នា ហើយពេលផឹកស្រាស្រវឹងម្តងៗ គឺតែងតែមានការឈ្លោះប្រកែកគ្នាជាប្រចាំស្ទើរតែរាល់ថ្ងៃទៅហើយ។ ដូច្នេះនៅយប់កើតហេតុនោះ ក៏បានផឹកស្រាស្រវឹងរៀងៗខ្លួន ហើយបង្កជម្លោះប្តីប្រពន្ធរហូតផ្ទុះហិង្សាវាយតប់គ្នា ធ្វើឱ្យស្ត្រីជាប្រពន្ធបានយកដែកចុងស្រួចចាក់ប្រហារប្តី បណ្តាលឲ្យស្លា.ប់តែម្តង។
ក្រោយពីសមត្ថកិច្ចបានធ្វើការពិនិត្យ និងធ្វើកោសល្យវិច្ច័យរួចឃើញថា ជនរងគ្រោះជាប្តីពិតជារងរបួសដោយដែកចុងស្រួចចាក់នៅក្រោមដោះខាងស្តាំបណ្តាលឲ្យស្លា.ប់ពិតមែន បន្ទាប់ពីបានធ្វើកំណត់ហេតុរួច សមត្ថកិច្ចក៏បានប្រគល់ស.ពឱ្យបងប្អូនក្រុមគ្រួសារយកទៅធ្វើបុណ្យតាមប្រពៃណី ។ ចំណែកស្ត្រីជាដៃដល់ ក៏ត្រូវបានសមត្ថកិច្ចកសាងសំណុំរឿងបញ្ជូនមកស្នងការដ្ឋាននគបាលខេត្តចាត់ការបន្តតាមច្បាប់៕
ចែករំលែកព័តមាននេះ