បុរស​ម្នាក់​ផ្លោះ​របង​រួច​រត់គេច​ពី​មណ្ឌល​ច​ត្តា​ឡី​ស័ក​ព្រែក​ព្នៅ​ផ្អើល ព្រោះតែ​ធុញថប់​ពេក – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

បុរស​ម្នាក់​ផ្លោះ​របង​រួច​រត់គេច​ពី​មណ្ឌល​ច​ត្តា​ឡី​ស័ក​ព្រែក​ព្នៅ​ផ្អើល ព្រោះតែ​ធុញថប់​ពេក

4 អាទិត្យ មុន
  • Phnom Penh

រាជធានី​ភ្នំពេញ ៖ បុរស​ម្នាក់​បាន​ផ្លោះ​របង​រត់គេច​ខ្លួន​ពី​មណ្ឌល​ច​ត្តា​ឡី​ស័ក​រាជធានី​ភ្នំពេញ ដែល​ស្ថិត​នៅ​ខណ្ឌ​ព្រែក​ព្នៅ ហើយ​ក៏​ត្រូវ​បាន​កម្លាំង​នគរបាល​ខណ្ឌ សហការ​ជាមួយ​មូលដ្ឋាន តាម​ឃាត់ខ្លួន​បាន រួច​បញ្ជូន​ទៅ​កាន់​មណ្ឌល​វិញ ។ ការ​ព្យាយាម​រត់គេច​ខ្លួន​នេះ…

រាជធានី​ភ្នំពេញ ៖ បុរស​ម្នាក់​បាន​ផ្លោះ​របង​រត់គេច​ខ្លួន​ពី​មណ្ឌល​ច​ត្តា​ឡី​ស័ក​រាជធានី​ភ្នំពេញ ដែល​ស្ថិត​នៅ​ខណ្ឌ​ព្រែក​ព្នៅ ហើយ​ក៏​ត្រូវ​បាន​កម្លាំង​នគរបាល​ខណ្ឌ សហការ​ជាមួយ​មូលដ្ឋាន តាម​ឃាត់ខ្លួន​បាន រួច​បញ្ជូន​ទៅ​កាន់​មណ្ឌល​វិញ ។

ការ​ព្យាយាម​រត់គេច​ខ្លួន​នេះ បង្ក​អោយ​មានការ​ភ្ញាក់ផ្អើល​កាលពី​វេលា​ម៉ោង​១០​ព្រឹក ថ្ងៃ​ទី​១១ ខែមេសា ឆ្នាំ​២០២១ ហើយ​ក៏​ត្រូវ​បាន​កម្លាំង​នគរបាល​តាម​ឃាត់ខ្លួន​បាន​នៅ​ចំណុច​ដី​វាល​មួយ​កន្លែង​ក្បែរ​ស្រះ​ចិញ្ចឹម​ត្រី ខាងត្បូង​វិហារ​អ៊ិ​ស្លា​ម ស្ថិត​ក្នុងភូមិ​ឌួ​ង សង្កាត់​ព្រែក​ព្នៅ ខណ្ឌ​ព្រែក​ព្នៅ រាជធានី​ភ្នំពេញ​។

Picture

បុរស​ដែល​រត់គេច​នោះ ឈ្មោះ នី សុ​ផា​នី អាយុ​២១​ឆ្នាំ ជា​កម្មករ​លី​សែង​ចំណី​ត្រី ស្នាក់​នៅ​កន្លែង​ឃាត់ខ្លួន​ខាងលើ ។

បើ​តាម​បុគ្គលិក​ពេទ្យ ដែល​ប្រចាំការ​នៅ​មណ្ឌល​បានអោយ​ដឹង​ថា បន្ទាប់​ពី​ជន​នោះ​រត់គេច​ខ្លួន​បាត់ មាន​អ្នក​នៅ​ក្បែរ​គ្នា​បាន​មក​ប្រាប់ ហើយ​ក៏​បាន​រាយការណ៍​ទៅ​កម្លាំង​នគរបាល​ដែល​ប្រចាំការ សហការ​ជាមួយ​មូលដ្ឋាន​តាម​រក​ឃើញ​ជន​រូប​នោះ នឹង​ឈាន​ទៅ​ឃាត់ខ្លួន​បាន​នៅ​ដី​វាល​ដែល​ជា​កន្លែង​ដែល​ជន​នោះ​ស្នាក់​នៅ​ធ្វើការ ។

Picture

តាម​ព័ត៌មាន​អោយ​ដឹង​ថា បុរស​រូប​នោះ​ត្រូវ​បាន​អាជ្ញាធរ និង​សមត្ថកិច្ច​បញ្ជូន​ទៅ​ធ្វើ​ច​ត្តា​ឡី​ស័ក​នៅ​មណ្ឌល​ច​ត្តា​ឡី​ស័ក រាជធានី​ភ្នំពេញ កាលពី​ថ្ងៃ​ទី​៣១ ខែមីនា ឆ្នាំ​២០២១ បន្ទាប់​ពី​រក​ឃើញ​ថា ជន​នោះ បាន​ប៉ះពាល់​ជាមួយ​អ្នក​វិជ្ជមាន​កូ​វី​ដ​១៩​ម្នាក់​។ នៅ​ក្នុង​មណ្ឌល ក្រុម​គ្រូពេទ្យ​បាន​យក​សំណាក​ទៅ​ពិនិត្យ​លើក​ទី​១ រួច​ហើយ គឺ​អវិជ្ជមាន ហើយ​ត្រៀម​នឹង​យក​សំណាក់​ជា​លើក​ទី​២​ទៀត​ក្នុង​រយៈពេល ប្រមាណ​២​ថ្ងៃ​ខាង​មុខ បើ​មិន​មាន​វិជ្ជមាន​នឹង​ឱ្យ​ត្រឡប់​ទៅ​ផ្ទះ​វិញ ស្រាប់តែ​នៅ​សល់​ប្រមាណ​៤​ទៅ​៥​ថ្ងៃ​ទៀត ជន​នោះ​ក៏​បាន​រត់គេច​ខ្លួន​តែ​ម្តង ។

Picture

បើ​តាម​បុរស​រូប​នោះ​បានអោយ​ដឹង​ថា ដោយសារ​តែ​អផ្សុក ធុញថប់​ពេក មិន​ចេះ​រស់នៅ ក៏​បាន​ផ្លោះ​ឡើង​របង​ផ្នែក​ខាងក្រោយ រួច​ដើរ​ចេញ​រហូត​ទៅ​ដល់​កន្លែង​ស្នាក់​នៅ ទើប​នគរបាល​ទៅ​ដល់​ឃាត់ខ្លួន ហើយ​ហៅ​រថយន្ត​សា​ម៉ុ​យ​ទៅ​ដឹក​ត្រឡប់​មក​វិញ​។ បុរស​រូប​នោះ បាន​បញ្ជាក់​ថា ដោយសារ​តែ​ខ្លួន​ធ្លាប់​ហាត់​ក្បាច់​គុន ទើប​អាច​ឡើង​របង​ខ្ពស់ ហើយ​រត់​ចេញ​បាន​។

នេះ​ចាត់ទុកជា​សំណាង​ហើយ បើសិនជា​បុរស​រូប​នោះ​មាន​វិជ្ជមាន ហើយ​រត់​រួច​ទៅ​កន្លែង​ផ្សេង​បាត់​ច្បាស់​ជា​វីវរ​ហើយ​៕

Picture
Picture
Picture
Picture
Picture
Picture
Picture