ខេត្តកំពត ៖ លោកអូន ខន អភិបាលស្រុកកំពង់ត្រាចបានមានប្រសាសន៍ឱ្យដឹងថា កាលពីថ្ងៃទី8 មេសា នេះមានករណីក្មេងចាស់ប្រុសស្រីចំនួន4នាក់បានបាត់បង់ជីវិតក្នុងករណីផ្សេងគ្នាក្នុងថ្ងៃតែមួយនៅស្រុកកំពង់ត្រាច ដោយនៅវេលាម៉ោង៣រសៀលថ្ងៃទី8 មេសា…
ខេត្តកំពត ៖ លោកអូន ខន អភិបាលស្រុកកំពង់ត្រាចបានមានប្រសាសន៍ឱ្យដឹងថា កាលពីថ្ងៃទី8 មេសា នេះមានករណីក្មេងចាស់ប្រុសស្រីចំនួន4នាក់បានបាត់បង់ជីវិតក្នុងករណីផ្សេងគ្នាក្នុងថ្ងៃតែមួយនៅស្រុកកំពង់ត្រាច ដោយនៅវេលាម៉ោង៣រសៀលថ្ងៃទី8 មេសា ក្មេ.ងប្រុសស្រីចំនួន៣នាក់បានលង់ទឹករណ្តៅដីមួយកន្លែងស្ថិតក្នុងភូមិដើមចំរៀក ឃុំស្ដេចគង់ខាងលិច ស្រុកបន្ទាយមាស ខេត្តកំពត បន្ទាប់មកក៏មានបុរសម្នាក់ឈ្មោះស ធន អាយុ56ឆាំ្ន នៅភូមិជ្រោះតាសោម បានទៅកំដរបុណ្យស.ពក្មេងប្រុសស្រីចំនួន៣នាក់ដែលបានលង់ទឹកស្លា.ប់ លុះពេលកំដរបុណ្យស.ពរួចហើយ បុរសចំណាស់រូបនោះក៏បានត្រឡប់ទៅផ្ទះវិញ ក៏ស្រាប់តែដួល បណ្តាលឱ្យស្លា.ប់នៅក្នុងស្រែមួយកន្លែងក្នុងស្រុកបន្ទាយមាស ដែលនៅមិនឆ្ងាយពីកន្លែងរោងបុណ្យស.ពនោះឡើយ ។ គួររំលឹកថា ក្មេ.ង៣នាក់ជិះទូកត្នោតលេង ជួបគ្រោះអកុសលត្រឹមមួយប៉ប្រិចភ្នែក
បន្ទាប់ពីទទួលដំណឹងគួរឱ្យតក់ស្លុតខាងលើរួចមក នៅព្រឹកថ្ងៃទី9 ខែមេសា ឆាំ្ន2021 លោកអូន ខន អភិបាលស្រុកកំពង់ត្រាចរួមដំណើរដោយលោកជួន សុភា អភិបាលរងស្រុក និងអ្នកស្មគ្រ័ចិត្តអនុសាខាកាកបាទក្រហមស្រុកកំពង់ត្រាច ក្នុងនោះក៍មានលោកមួង នឿន អភិបាលស្រុកបន្ទាយមាស រួមដំណើរដោយលោកប៉ោ វី អភិបាលរងស្រុកបន្ទាយមាស ព្រមទាំងអាជ្ញាធរទាំងពីរស្រុកខាងលើនោះបានយកអំណោយទៅចែកជូនដល់ល់ក្រុមគ្រួសារជនរងគ្រោះចំនួន4នាក់ដែលបាត់បង់ជីវិតក្នុងថ្ងៃតែមួយនៅភូមិជ្រោះតាសោម ឃុំប្រាសាទភ្នំខ្យង ស្រុកកំពង់ត្រាច ខេត្តកំពត ។
លោកអភិបាលស្រុកកំពង់ត្រាចបានមានប្រសាសន៍ថា អំណោយជាថវិកាចំនួន96ម៉ឺនរៀលបានប្រគល់ជូនដល់គ្រួសារស.ពក្មេ.ងប្រុសស្រីចំនួន3នាក់ដែលលង់ទឹករណ្តៅដី បណ្តាលឱ្យស្លា.ប់កាលពីរសៀលថ្ងៃទី8 ខែមេសា នៅក្នុងភូមិដើមចំរៀក ឃុំស្ដេចគង់ខាងលិច ស្រុកបន្ទាយមាស ខេត្តកំពត ។ ក្នុងនោះក៍មានការជួយឧបត្ថមពីព្រះតេជគុណខៀវ បូរ៉ា ចៅអធិការវត្តប្រជាសង្គមភ្នំក្រពើផងដែរ ដោយបានឧបត្ថម្ភរួមមានអង្ករចំនួន150គីឡូក្រាម និងថវិកា15ម៉ឺននរៀល រួមទាំងសម្ភារះមួយចំនួនទៀត ប្រគល់ជូនដល់គ្រួសាស.ពក្មេ.ងរងគ្រោះទាំង3នាក់ដែលលង់ទឹកស្លា.ប់។
លោកអូន ខន អភិបាលស្រុកកំពង់ត្រាច លោកមួង នឿន អភិបាលស្រុកបន្ទាយមាស បានសម្តែងក្តីសោកស្ដាយចំពោះការបាត់បង់ជីវិតរបស់ជនរងគ្រោះទាំង៤នាក់ខាងលើ ដោយលោកអភិបាលស្រុកទាំងពីររូបក៍បានលើកឡើងស្រដៀងៗគ្នាថា គ្មានអ្នកណាម្នាក់ចង់អោយបាត់បង់សមាជិកគ្រួសារខ្លួននោះទេ តែរឿងនេះកើតឡើងដោយចៃដន្យ ។
នៅក្នុងពិធីបុណ្យស.ពជនរងគ្រោះទាំង៤នាក់ខាងលើនោះ គេសង្កេតឃើញលោកអភិបាលស្រុកក៍ដូចលោកមេឃុំប្រាសាទភ្នំខ្យងបានណែនាំដល់ប្រជាពលរដ្ឋដែលមកចូលរួមបុណ្យ ឱ្យរក្សាគម្លាតសុវត្ថិភាពយ៉ាងតិច2ម៉ែត្រពីគ្នា ។ ទោះបីជាបែបណា ការរៀបចំធ្វើបុណ្យស.ពជនរងគ្រោះទាំង4នាក់ខាងលើ មានប្រជាពលរដ្ឋចូលរួមតិចតួចណាស់ ៕
ចែករំលែកព័តមាននេះ