ខេត្តកំពត ៖ មានករណីក្មេងប្រុសស្រីចំនួន3នាក់ បានលង់ទឹករណ្ដៅដីដែលមានជម្រៅ7ម៉ែត្រ បណ្តាលឱ្យបាត់បង់ជីវិតទាំង៣នាក់យ៉ាងអាណោចអាធ័ម បន្ទាប់ពីពួកគេទាំង៣នាក់នាំគ្នាជិះទូកត្នោតលេងនៅចំណុចទឹករណ្តៅដីមួយកន្លែង ។ ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង3រសៀលថ្ងៃទី8 ខែមេសា ឆ្នាំ២០២១…
ខេត្តកំពត ៖ មានករណីក្មេងប្រុសស្រីចំនួន3នាក់ បានលង់ទឹករណ្ដៅដីដែលមានជម្រៅ7ម៉ែត្រ បណ្តាលឱ្យបាត់បង់ជីវិតទាំង៣នាក់យ៉ាងអាណោចអាធ័ម បន្ទាប់ពីពួកគេទាំង៣នាក់នាំគ្នាជិះទូកត្នោតលេងនៅចំណុចទឹករណ្តៅដីមួយកន្លែង ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង3រសៀលថ្ងៃទី8 ខែមេសា ឆ្នាំ២០២១ នៅចំណុចរណ្តៅដីមួយកន្លែង ស្ថិតក្នុងភូមិដើមចំរៀក ឃុំស្ដេចគង់ខាងលិច ស្រុកបន្ទាយមាស ខេត្តកំពត ។
បើតាមការអោយដឹងពីមន្ត្រីនគរបាលប៉ុស្តិ៍ស្ដេចគង់ខាងលិចបានឱ្យដឹងថា ក្មេងរងគ្រោះទាំង3នាក់ខាងលើរួមមាន ១-ឈ្មោះហង់ ស្រីតី ភេទស្រី អាយុ13ឆាំ្ន ២-ឈ្មោះហង់ ទី ភេទប្រុស អាយុ9ឆាំ្ន (ក្មេងទាំងពីរនាក់នេះត្រូវជាបងប្អូនបង្កើតនឹងគ្នា) និង៣-ឈ្មោះសុង រតនា ភេទស្រី អាយុ13ឆាំ្ន ។ ក្មេងរងគ្រោះទាំង3នាក់នេះមានផ្ទះនៅជិតគ្នា រស់នៅក្នុងភូមិជ្រោះតាសោម ឃុំប្រាសាទភ្នំខ្យង ស្រុកកំពង់ត្រាច ខេត្តកំពត។
តាមប្រភពពីក្មេងស្រីម្នាក់ រស់នៅភូមិដើមចំរៀក ឃុំស្ដេចគង់ខាងលិច បានប្រាប់អោយដឹងថា ក្មេងរងគ្រោះទាំង3នាក់បានជិះទូកត្នោតតូចមួយលេងនៅចំណុចទឹករណ្តៅដីខាងលើ ក្រោយមកពួកគេបានហក់ចុះទឹករណ្តៅទាំង៣នាក់ បណ្តាលឱ្យលិចបាត់អស់តែម្តង ។
តាមប្រភពដដែលបានបន្តថា បន្ទាប់ពីឃើញហេតុការណ៍បែបនេះកើតឡើង នាងបានរត់ទៅហៅអោយគេឯងជួយដែរ ប៉ុន្តែដោយសារកន្លែងរណ្ដៅដីដែលក្មេងរងគ្រោះជិះទូកលេងនោះនៅដាច់ឆ្ងាយពីភូមិ និងទីប្រជុំជន ទំរាំប្រមូលគ្នាចុះមកជួយរាវរកក្មេងរងគ្រោះឃើញ គឺអ្វីៗហួសពេលបាត់ទៅហើយ ដោយសាច់ញាតិបានត្រឹមស្រែកទ្រហោយំទាំងស្ដាយស្រណោះ។
ក្រោយពេលកើតហេតុ ស.ពក្មេងរងគ្រោះទាំង៣នាក់ត្រូវបានសាច់ញាតិយកទៅធ្វើបុណ្យតាមប្រពៃណីនៅគេហដ្ឋានរៀងៗខ្លួន ៕
ចែករំលែកព័តមាននេះ