ខេត្តតាកែវ ៖ បើតាមសេចក្តីរាយការណ៍បានឱ្យដឹងថា ឧបករណ៍បំពងសម្លេងមួយចំនួន ត្រូវបានកម្លាំងគណៈបញ្ជាការឯកភាពក្រុងដូនកែវ ចុះទៅដកហូត ក្រោយពេលមានមនុស្សកំពុងជួបជុំគ្នាបើក ច្រៀងយ៉ាងកងរំពងកាលពីពេលថ្មីៗនេះ ស្ថិតនៅចំណុចភូមិស្នោរ សង្កាត់រកាក្នុង…
ខេត្តតាកែវ ៖ បើតាមសេចក្តីរាយការណ៍បានឱ្យដឹងថា ឧបករណ៍បំពងសម្លេងមួយចំនួន ត្រូវបានកម្លាំងគណៈបញ្ជាការឯកភាពក្រុងដូនកែវ ចុះទៅដកហូត ក្រោយពេលមានមនុស្សកំពុងជួបជុំគ្នាបើក ច្រៀងយ៉ាងកងរំពងកាលពីពេលថ្មីៗនេះ ស្ថិតនៅចំណុចភូមិស្នោរ សង្កាត់រកាក្នុង ក្រុងដូនកែវ។
សេចក្តីរាយការណ៍បន្តថា បើទោះជាមានការហាមប្រាមពីរាជរដ្ឋាភិបាល មិនឲ្យមានការប្រមូលផ្តុំជួបជុំគ្នាយ៉ាងក៏ដោយ ក៏នៅតែមានមនុស្សដែលត្រូវគេអះអាងថា ជាបុគ្គលិកខារ៉ាអូខេមួយមានឈ្មោះ The King បានប្រព្រឹត្តផ្ទុយនឹងបំរាម ដោយបានចាក់ធុងបាស់ជួបជុំគ្នា ច្រៀងរាំបំពងសម្លេងខ្លាំងៗយ៉ាងសប្បាយនៅមុខហាងតែម្តង ។
ជុំវិញករណីខាងលើនេះ លោក កង អាណាន់ អភិបាលក្រុងដូនកែវ បានឲ្យដឹងថា បន្ទាប់ពីទទួលបានសេចក្តីរាយការណ៍ពីប្រជាពលរដ្ឋភ្លាម កម្លាំងគណៈបញ្ជាការសាលាក្រុង ក៏បានដាក់កម្លាំងទៅដកហូតធុងបាសយកទៅសាលាក្រុងភ្លាមៗផងដែរ ដោយរង់ចាំម្ចាស់ទៅដោះស្រាយនៅសាលាក្រុង នាពេលក្រោយ ។
ចំណែកពលរដ្ឋក្បែរៗហាងខារ៉ាអូខេនេះ បានឲ្យដឹងថា ការជួបជុំច្រៀងរាំបំពងសម្លេងនេះ កើតមានពី របីថ្ងៃជាប់ៗគ្នាមកហើយ រហូតដល់យប់ជ្រៅទៀតផង ។
គួរបញ្ជាក់ថា ដូចគ្នានឹងករណីខាងលើនេះដែរ កាលពីពេលថ្មីៗនេះ មន្ត្រីសាលាស្រុកសំរោង នៃខេត្តតាកែវចំនួន២រូប ទើប តែត្រូវបានអភិបាលស្រុកធ្វើការស្តីបន្ទោស ក្រោយពីបានចូលទៅហូបចុកនៅក្នុងហាងខារ៉ាអូខេ ធ្វើឲ្យ មានការរិះគន់ពីប្រជាពលរដ្ឋផងដែរ៕
ចែករំលែកព័តមាននេះ